ସ୍କନ୍ଦପୁରାଣ ଅଧ୍ୟାୟ ୧୩

 ସ୍କନ୍ଦପୁରାଣ ଅଧ୍ୟାୟ ୧୩

ସନତ୍କୁମାର ଉବାଚ । 

ବିସ୍ତୃତେ ହିମବତ୍ପୃଷ୍ଠେ ବିମାନଶତସଙ୍କୁଲେ ।

ଅଭବତ୍ସ ତୁ କାଲେନ ଶୈଲପୁତ୍ର୍ୟାଃ ସ୍ୱୟଂବରଃ ॥ 1 ॥

ଅଥ ପର୍ୱତରାଜୋଽସୌ ହିମବାନ୍ଧ୍ୟାନକୋବିଦଃ ।

ଦୁହିତୁର୍ଦେବଦେବେନ ଜ୍ଞାତ୍ୱା ତଦଭିମନ୍ତ୍ରିତମ୍ ॥ 2 ॥

ଜାନନ୍ନପି ମହାଶୈଲଃ ସମାଚାରକ୍ରିୟେପ୍ସୟା ।

ସ୍ୱୟଂବରଂ ତତୋ ଦେବ୍ୟାଃ ସର୍ୱଲୋକେଷ୍ୱଘୋଷୟତ୍ ॥ 3 ॥

ଦେବଦାନବସିଦ୍ଧାନାଂ ସର୍ୱଲୋକନିବାସିନାମ୍ ।

ବୃଣୁୟାତ୍ପରମେଶାନଂ ସମକ୍ଷଂ ଯେନ ମେ ସୁତା ॥ 4 ॥

ତଦେବ ସୁକୃତଂ ଶ୍ଲାଘ୍ୟଂ ମମାଭ୍ୟୁଦୟସମ୍ମତମ୍ ।

ଇତି ସଞ୍ଚିନ୍ତ୍ୟ ଶୈଲେନ୍ଦ୍ରଃ କୃତ୍ୱା ହୃଦି ମହେଶ୍ୱରମ୍ ॥ 5 ॥

ଆବ୍ରହ୍ମକେଷୁ ଲୋକେଷୁ ଦେବ୍ୟାଃ ଶୈଲେନ୍ଦ୍ରସତ୍ତମଃ ।

କୃତ୍ୱା ରତ୍ନାକୁଲଂ ଦେଶଂ ସ୍ୱୟଂବରମଚୀକରତ୍ ॥ 6 ॥

ଅଥୈବମାଘୋଷିତମାତ୍ର ଏବ ସ୍ୱୟଂବରେ ବ୍ୟାସ ମହୀଧ୍ରପୁତ୍ର୍ୟାଃ ।

ଦେବାଦୟଃ ସର୍ୱଜଗନ୍ନିବାସାଃ ସମାୟଯୁର୍ଦିବ୍ୟଗୃହୀତବେଷାଃ ॥ 7 ॥

ପ୍ରଫୁଲ୍ଲପଦ୍ମାସନସଂନିବିଷ୍ଟଃ ସିଦ୍ଧୈର୍ୱୃତୋ ଯୋଗିଭିରପ୍ରମେୟୈଃ ।

ବିଜ୍ଞାପିତସ୍ତେନ ମହୀଧ୍ରରାଜ୍ଞା ପିତାମହସ୍ତତ୍ର ସମାଜଗାମ ॥ 8 ॥

ଅକ୍ଷ୍ଣାଂ ସହସ୍ରଂ ସୁରରାଟ୍ ସ ବିଭ୍ରଦ୍ଦିବ୍ୟାଶ୍ଣ୍ଗହାରସ୍ରଗୁଦାତ୍ତରୂପଃ ।

ଐରାବତଂ ସର୍ୱଗଜେନ୍ଦ୍ରମୁଖ୍ୟଂ ସ୍ରବନ୍ମଦାସାରକୃତପ୍ରବାହମ୍ ।

ଆରୁହ୍ୟ ସର୍ୱାମରରାଟ୍ ସ ବଜ୍ରଂ ବିଭ୍ରତ୍ସମାଗାତ୍ପୁରତଃ ସୁରାଣାମ୍ ॥ 9 ॥

ତେଜଃପ୍ରତାପାଧିକଦିବ୍ୟରୂପଃ ପ୍ରୋଦ୍ଭାସୟନ୍ସର୍ୱଦିଶୋ ବିବସ୍ୱାନ୍ ।

ହୈମଂ ବିମାନଂ ସଚଲତ୍ପତାକମାରୁହ୍ୟ ଆଗାତ୍ତ୍ୱରିତଂ ଜବେନ ॥ 10 ॥

ମଣିପ୍ରଦୀପ୍ତୋଜ୍ଜ୍ୱଲକୁଣ୍ଡଲଶ୍ଚ ବହ୍ନ୍ୟର୍କତେଜଃପ୍ରତିମେ ବିମାନେ ।

ସମଭ୍ୟଗାତ୍କଶ୍ୟପବିପ୍ରସୂନୁରାଦିତ୍ୟ ଆଗାଦ୍ଭଗନାମଧାରୀ ॥ 11 ॥

ପୀନାଶ୍ଣ୍ଗୟଷ୍ଟିଃ ସୁକୃତାଶ୍ଣ୍ଗହାରସ୍ତେଜୋବଲାଜ୍ଞାସଦୃଶପ୍ରଭାବଃ ।

ଦଣ୍ଡଂ ସମାଦାୟ କୃତାନ୍ତ ଆଗାଦାରୁହ୍ୟ ଭୀମଂ ମହିଷଂ ଜବେନ ॥ 12 ॥

ମହାମହୀଧ୍ରୋଚ୍ଛ୍ରୟପୀନଗାତ୍ରଃ ସ୍ୱର୍ଣାଦିରତ୍ନାଚିତଚାରୁବେଷଃ ।

ସମୀରଣଃ ସର୍ୱଜଗଦ୍ୱିଭର୍ତା ବିମାନମାରୁହ୍ୟ ସମଭ୍ୟଗାଦ୍ଧି ॥ 13 ॥

ସନ୍ତାପୟନ୍ସର୍ୱସୁରାସୁରେଶାଂସ୍ତେଜୋଧିକସ୍ତେଜସି ସଂନିବିଶ୍ୟ ।

ବହ୍ନିଃ ସମଭ୍ୟେତ୍ୟ ସୁରେନ୍ଦ୍ରମଧ୍ୟେ ଜ୍ୱଲନ୍ପ୍ରତସ୍ଥୌ ବରବେଷଧାରୀ ॥ 14 ॥

ନାନାମଣିପ୍ରଜ୍ୱଲିତାଶ୍ଣ୍ଗୟଷ୍ଟିର୍ଜଗଚ୍ଚରନ୍ଦିବ୍ୟବିମାନମଗ୍ର୍ୟମ୍ ।

ଆରୁହ୍ୟ ସର୍ୱଦ୍ରବିଣାଧିପେଶଃ ସ ରାଜରାଜସ୍ତ୍ୱରିତୋଽଭ୍ୟଗାଚ୍ଚ ॥ 15 ॥

ଆପ୍ୟାୟଯନ୍ସର୍ୱସୁରାସୁରେଶାନ୍କାନ୍ତ୍ୟା ଚ ବେଷେଣ ଚ ଚାରୁରୂପଃ ।

ଜ୍ୱଲନ୍ମହାରତ୍ନବିଚିତ୍ରରୂପଂ ବିମାନମାରୁହ୍ୟ ଶଶୀ ସମାଗାତ୍ ॥ 16 ॥

ଶ୍ୟାମାଶ୍ଣ୍ଗୟଷ୍ଟିଃ ସୁବିଚିତ୍ରବେଷଃ ସର୍ୱସ୍ରଗାବଦ୍ଧସୁଗନ୍ଧମାଲୀ ।

ତାର୍କ୍ଷ୍ୟଂ ସମାରୁହ୍ୟ ମହୀଧ୍ରକଲ୍ପଂ ଗଦାଧରୋଽସୌ ତ୍ୱରିତଂ ସମେତଃ ॥ 17 ॥

ତଥାଶ୍ୱିନୌ ଦେବଭିଷଗ୍ୱରୌ ତୁ ଏକଂ ବିମାନଂ ତ୍ୱରୟାଭିରୁହ୍ୟ ।

ମନୋହରାବୁଜ୍ଜ୍ୱଲଚାରୁବେଷାବାଜଗ୍ମତୁର୍ଦେବସଦଃ ସୁବୀରୌ ॥ 18 ॥

ଶେଷଃ ସହସ୍ରଂ ସ୍ଫୁରଦଗ୍ନିବର୍ଣଂ ବିଭ୍ରତ୍ସ୍ଫଟାନାଂ ଜ୍ୱଲନାର୍କତେଜାଃ ।

ସାର୍ଧଂ ସ ନାଗୈରପରୈର୍ମହାତ୍ମା ବିମାନମାରୁହ୍ୟ ସମଭ୍ୟଗାଚ୍ଚ ॥ 19 ॥

ଦିତେଃ ସୁତାନାଂ ଚ ମହାସୁରାଣାଂ ବହ୍ନ୍ୟର୍କଶକ୍ରାନିଲତୁଲ୍ୟଭାସାମ୍ ।

ବରାନୁରୂପଂ ପ୍ରବିଧାୟ ବେଷଂ ବୃନ୍ଦଂ ସମାଗାତ୍ପୁରତଃ ସୁରାଣାମ୍ ॥ 20 ॥

ଗନ୍ଧର୍ୱରାଜଃ ସ ଚ ଚାରୁରୂପୀ ଦିବ୍ୟଶ୍ଣ୍ଗମୋ ଦିବ୍ୟବିମାନଚାରୀ ।

ଗନ୍ଧର୍ୱସଙ୍ଘୈଃ ସହିତୋଽପ୍ସରୋଭିଃ ଶକ୍ରାଜ୍ଞୟା ତତ୍ର ସମାଜଗାମ ॥ 21 ॥

ଅନ୍ୟେ ଚ ଦେବାସ୍ତ୍ରିଦିବୌକସେଶାଃ ପୃଥକ୍ପୃଥକ୍ଚାରୁଗୃହୀତବେଷାଃ ।

ଆଜଗ୍ମୁରାରୁହ୍ୟ ବିମାନପୃଷ୍ଠଂ ଗନ୍ଧର୍ୱୟକ୍ଷୋରଗକିଂନରାଶ୍ଚ ॥ 22 ॥

ଶଚୀପତିସ୍ତତ୍ର ସୁରେନ୍ଦ୍ରମଧ୍ୟେ ରାଜାଧିକାରାଧିକଲକ୍ଷ୍ୟମୂର୍ତିଃ ।

ଆଜ୍ଞାବଲୈଶ୍ୱର୍ୟକୃତପ୍ରମୋହୋ ବୃଥାଧିକଂ ଯତ୍ନମୁପାଚକାର ॥ 23 ॥

ହେତୁସ୍ତ୍ରିଲୋକସ୍ୟ ଜଗତ୍ପ୍ରସୂତେର୍ମାତା ଚ ତେଷାଂ ସସୁରାସୁରାଣାମ୍ ।

ପତ୍ନୀ ଚ ଶମ୍ଭୋଃ ପୁରୁଷସ୍ୟ ଧାମ୍ନୋ ଗୀତା ପୁରାଣେ ପ୍ରକୃତିଃ ପରାର୍ଥା ।

ଦକ୍ଷସ୍ୟ କୋପାଦ୍ଧିମବଦ୍ଗୃହଂ ସା କାର୍ୟାର୍ଥମାଗାତ୍ପରମେଶପତ୍ନୀ ॥ 24 ॥

ଏବଂ ଯତସ୍ତାଂ ନ ବିଦୁଃ ସୁରେଶା ମୋହସ୍ତତସ୍ତାନ୍ପର ଆବିବେଶ ।

ବରାର୍ଥମାଜଗ୍ମୁରତୋ ବିମୂଢା ଈଶେନ ଯସ୍ମାଦ୍ୱୃଡିତାଃ କୃତାସ୍ତେ ॥ 25 ॥

ତତଃ ପ୍ରନୃତ୍ତାଭିରଥାପ୍ସରୋଭିର୍ଗନ୍ଧର୍ୱସଙ୍ଘୈଶ୍ଚ ସୁଗୀତଶବ୍ଦୈଃ ।

ସ୍ଥିତୈଶ୍ଚ ନାନାବିଧରୂପବେଷୈର୍ଦେବାସୁରାଦିତ୍ରିଦିବୌକସଙ୍ଘୈଃ ॥ 26 ॥

ବିମାନପୃଷ୍ଠେ ମଣିହେମଚିତ୍ରେ ସ୍ଥିତା ଚଲଚ୍ଚାମରବୀଜିତାଶ୍ଣ୍ଗୀ ।

ସର୍ୱର୍ତୁପୁଷ୍ପାଂ ସୁସୁଗନ୍ଧମାଲାଂ ପ୍ରଗୃହ୍ୟ ଦେବୀ ପ୍ରସଭଂ ପ୍ରତସ୍ଥେ ॥ 27 ॥

 

ସନତ୍କୁମାର ଉବାଚ ।

ମାଲାଂ ପ୍ରଗୃହ୍ୟ ଦେବ୍ୟାଂ ତୁ ସ୍ଥିତାୟାଂ ଦେବସଂସଦି ।

ଶକ୍ରାଦ୍ୟୈରାଗତୈର୍ଦେବୈଃ ସ୍ୱୟଂବରମୁପାଗତୈଃ ॥ 28 ॥

ଦେବ୍ୟା ଜିଜ୍ଞାସୟା ଶମ୍ଭୁର୍ଭୂତ୍ୱା ପଞ୍ଚଶିଖଃ ଶିଶୁଃ ।

ଉତ୍ସଶ୍ଣ୍ଗତଲସଂସୁପ୍ତୋ ବଭୂବ ସହସା ବିଭୁଃ ॥ 29 ॥

ଅକସ୍ମାଦଥ ତଂ ଦେବୀ ଶିଶୁଂ ପଞ୍ଚଶିଖଂ ସ୍ଥିତମ୍ ।

ଜ୍ଞାତ୍ୱା ଯୋଗସମାଧାନାଜ୍ଜହୃଷେ ପ୍ରୀତିସଂୟୁତା ॥ 30 ॥

ଅଥ ସା ଶୁଦ୍ଧସଙ୍କଲ୍ପା କାଶ୍ଣ୍କ୍ଷିତପ୍ରାପ୍ତସତ୍ଫଲା ।

ନିର୍ୱୃତେବ ତଦା ତସ୍ଥୌ କୃତ୍ୱା ହୃଦି ତମେବ ତୁ ॥ 31 ॥

ତତୋ ଦୃଷ୍ଟ୍ୱା ଶିଶୁଂ ଦେବା ଦେବ୍ୟା ଉତ୍ସଶ୍ଣ୍ଗବର୍ତିନମ୍ ।

କୋଽୟମତ୍ରେତି ସମ୍ମନ୍ତ୍ର୍ୟ ଚୁକ୍ରୁଧୁର୍ଭୃଶମାର୍ଦିତାଃ ॥ 32 ॥

ବଜ୍ରମାକାରୟତ୍ତସ୍ୟ ବାହୁମୁତ୍କ୍ଷିପ୍ୟ ବୃତ୍ରହା ।

ସ ବାହୁରୁତ୍ଥିତସ୍ତସ୍ୟ ତଥୈବ ସମତିଷ୍ଠତ ॥ 33 ॥

ସ୍ତମ୍ଭିତଃ ଶିଶୁରୂପେଣ ଦେବଦେବେନ ଶମ୍ଭୁନା ।

ବଜ୍ରଂ କ୍ଷେପ୍ତୁଂ ନ ଶଶାକ ବାହୁଂ ଚାଲୟିତୁଂ ନ ଚ ॥ 34 ॥

ଭଗୋ ନାମ ତତୋ ଦେବ ଆଦିତ୍ୟଃ କାଶ୍ୟପୋ ବଲୀ ।

ଉତ୍କ୍ଷିପ୍ୟ ମୁଶଲଂ ଦୀପ୍ତଂ କ୍ଷେପ୍ତୁମୈଚ୍ଛଦ୍ୱିମୋହିତଃ ।

ତସ୍ୟାପି ଭଗବାନ୍ବାହୁଂ ତଥୈବାସ୍ତମ୍ଭୟତ୍ତଦା ॥ 35 ॥

ଶିରଃ ପ୍ରକମ୍ପୟନ୍ୱିଷ୍ଣୁଃ ସକ୍ରୋଧସ୍ତମବୈକ୍ଷତ ।

ତସ୍ୟାପି ଶିରସୋ ଦେବଃ ଖାଲିତ୍ୟଂ ପ୍ରଚକାର ହ ॥ 36 ॥

ପୂଷା ଦନ୍ତାନ୍ଦଶନ୍ଦନ୍ତୈଃ ଶର୍ୱମୈକ୍ଷତ ମୋହିତଃ ।

ତସ୍ୟାପି ଦଶନାଃ ପେତୁର୍ଦୃଷ୍ଟମାତ୍ରସ୍ୟ ଶମ୍ଭୁନା ॥ 37 ॥

ଯମସ୍ୟ ସ୍ତମ୍ଭିତୋ ଦଣ୍ଡସ୍ତେଜୋ ବହ୍ନେଃ ଶଶେଃ ପ୍ରଭା ।

ବଲଂ ବାୟୋସ୍ତଥାନ୍ୟେଷାଂ ତସ୍ମିନ୍ସର୍ୱଦିବୌକସାମ୍ ।

ବଲଂ ତେଜଶ୍ଚ ଯୋଗଂ ଚ ତଥୈବାସ୍ତମ୍ଭୟଦ୍ୱିଭୁଃ ॥ 38 ॥

ଅଥ ତେଷୁ ସ୍ଥିତେଷ୍ୱେବଂ ମନ୍ୟୁମତ୍ସୁ ସୁରେଷୁ ତୁ ।

ବ୍ରହ୍ମା ପରମସଂବିଗ୍ନୋ ଧ୍ୟାନମାସ୍ଥାୟ ସାଦରମ୍ ।

ବୁବୁଧେ ଦେବଦେବେଶମୁମୋତ୍ସଶ୍ଣ୍ଗସମାସ୍ଥିତମ୍ ॥ 39 ॥

ସ ବୁଦ୍ଧ୍ୱା ପରମେଶାନଂ ଶୀଘ୍ରମୁତ୍ଥାୟ ସାଦରମ୍ ।

ବବନ୍ଦେ ଚରଣୌ ଶମ୍ଭୋରସ୍ତୁବଚ୍ଚ ପିତାମହଃ ।

ପୌରାଣୈଃ ସାମସଙ୍ଗୀତୈଃ ପୁଣ୍ୟାଖ୍ୟୈର୍ଗୁହ୍ୟନାମଭିଃ ॥ 40 ॥

ଅଜସ୍ତ୍ୱମମରୋ ଦେବ ସ୍ରଷ୍ଟା ହର୍ତା ବିଭୁଃ ପରଃ ।

ପ୍ରଧାନପୁରୁଷସ୍ତତ୍ତ୍ୱଂ ବ୍ରହ୍ମ ଧ୍ୟେୟଂ ତଦକ୍ଷୟମ୍ ॥ 41 ॥

ଅମୃତଂ ପରମାତ୍ମା ଚ ଈଶ୍ୱରଃ କାରଣଂ ମହତ୍ ।

ବ୍ରହ୍ମକୃତ୍ପ୍ରକୃତେଃ ସ୍ରଷ୍ଟା ସର୍ୱସୃକ୍ପରମେଶ୍ୱରଃ ॥ 42 ॥

ଇୟଂ ଚ ପ୍ରକୃତିର୍ଦେବୀ ସଦା ତେ ସୃଷ୍ଟିକାରଣମ୍ ।

ପତ୍ନୀରୂପଂ ସମାସ୍ଥାୟ ଜଗତ୍କାରଣମାଗତା ॥ 43 ॥

ନମସ୍ତୁଭ୍ୟଂ ସଦେଶାନ ଦେବ୍ୟାଶ୍ଚୈବ ସଦା ନମଃ ।

ପ୍ରସାଦାତ୍ତବ ଦେବେଶ ନିୟୋଗାଚ୍ଚ ମୟା ପ୍ରଜାଃ ॥ 44 ॥

ଦେବାଦ୍ୟାସ୍ତ ଇମେ ସୃଷ୍ଟା ମୂଢାସ୍ତ୍ୱଦ୍ୟୋଗମୋହିତାଃ ।

କୁରୁ ପ୍ରସାଦମେତେଷାଂ ଯଥାପୂର୍ୱଂ ଭବନ୍ତ୍ୱିମେ ॥ 45 ॥

ତତ ଏବଂ ତଦା ବ୍ରହ୍ମା ବିଜ୍ଞାପ୍ୟ ପରମେଶ୍ୱରମ୍ ।

ସ୍ତମ୍ଭିତାନ୍ସର୍ୱଦେବାଂସ୍ତାନିଦମାହ ମହାଦ୍ୟୁତିଃ ॥ 46 ॥

ମୂଢାଃ ସ୍ଥ ଦେବତାଃ ସର୍ୱେ ନୈନଂ ବୁଧ୍ୟତ ଶଙ୍କରମ୍ ।

ଦେବଦେବମିହାୟାତଂ ମମୈବୋତ୍ପତ୍ତିକାରଣମ୍ ॥ 47 ॥

ଅୟଂ ରୁଦ୍ରୋ ମହାଦେବଃ ଶର୍ୱୋ ଭୀମଃ କପର୍ଦିମାନ୍ ।

ଉଗ୍ର ଈଶାନ ଆତ୍ମା ଚ ଅଜଃ ଶଙ୍କର ଏବ ଚ ॥ 48 ॥

ଦେବଦେବଃ ପରଂ ଧାମ ଈଶଃ ପଶୁପତିଃ ପତିଃ ।

ଜଗତ୍ସ୍ରଷ୍ଟା ଜଗଦ୍ଧର୍ତା ଜଗତ୍ସଂସ୍ଥିତିକାରଣମ୍ ॥ 49 ॥

ଗଚ୍ଛଧ୍ୱଂ ଶରଣଂ ଶୀଘ୍ରମେବମେବାମରେଶ୍ୱରାଃ ।

ସାର୍ଧଂ ମୟୈବ ଦେବେଶଂ ପରମାତ୍ମାନମବ୍ୟଯମ୍ ॥ 50 ॥

ତତସ୍ତେ ସ୍ତମ୍ଭିତାଃ ସର୍ୱେ ତଥୈବ ତ୍ରିଦିବୌକସଃ ।

ପ୍ରଣେମୁର୍ମନସା ଶର୍ୱଂ ଭାବଶୁଦ୍ଧେନ ଚେତସା ॥ 51 ॥

ଅଥ ତେଷାଂ ପ୍ରସନ୍ନୋଽଭୂଦ୍ଦେବଦେବୋ ମହେଶ୍ୱରଃ ।

ଯଥାପୂର୍ୱଂ ଚକାରାଶୁ ଦେବତାନାଂ ତନୂସ୍ତଦା ॥ 52 ॥

ତତ ଏବଂ ପ୍ରବୃତ୍ତେ ତୁ ସର୍ୱଦେବନିବାରଣେ ।

ବପୁଶ୍ଚକାର ଦେବେଶସ୍ତ୍ର୍ୟକ୍ଷଂ ପରମମଦ୍ଭୁତମ୍ ।

ତେଜସା ଯସ୍ୟ ଦେବାସ୍ତେ ଚକ୍ଷୁରପ୍ରାର୍ଥୟନ୍ୱିଭୁମ୍ ॥ 53 ॥

ତେଭ୍ୟଃ ପରମକଂ ଚକ୍ଷୁଃ ସ୍ୱବପୁର୍ଦୃଷ୍ଟିଶକ୍ତିମତ୍ ।

ପ୍ରାଦାତ୍ପରମଦେବେଶଃ ଅପଶ୍ୟଂସ୍ତେ ତଦା ପ୍ରଭୁମ୍ ॥ 54 ॥

ତେ ଦୃଷ୍ଟ୍ୱା ପରମେଶାନଂ ତୃତୀୟେକ୍ଷଣଧାରିଣମ୍ ।

ବ୍ରହ୍ମାଦ୍ୟା ନେମିରେ ତୂର୍ଣଂ ସର୍ୱ ଏବ ସୁରେଶ୍ୱରାଃ ॥ 55 ॥

ତସ୍ୟ ଦେବୀ ତଦା ହୃଷ୍ଟା ସମକ୍ଷଂ ତ୍ରିଦିବୌକସାମ୍ ।

ପାଦୟୋଃ ସ୍ଥାପୟାମାସ ସ୍ରଗ୍ମାଲାମମିତଦ୍ୟୁତେଃ ॥ 56 ॥

ସାଧୁ ସାଧ୍ୱିତି ସମ୍ପ୍ରୋଚ୍ୟ ଦେବତାସ୍ତେ ପୁନର୍ୱିଭୁମ୍ ।

ସହ ଦେବ୍ୟା ନମଶ୍ଚକ୍ରୁଃ ଶିରୋଭିର୍ଭୂତଲାଶ୍ରିତୈଃ ॥ 57 ॥

ଅଥାସ୍ମିନ୍ନନ୍ତରେ ବ୍ୟାସ ବ୍ରହ୍ମା ଲୋକପିତାମହଃ ।

ହିମବନ୍ତଂ ମହାଶୈଲମିଦମାହ ମହାଦ୍ୟୁତିଃ ॥ 58 ॥

ଶ୍ଲାଘ୍ୟଃ ପୂଜ୍ୟଶ୍ଚ ବନ୍ଦ୍ୟଶ୍ଚ ସର୍ୱେଷାଂ ନସ୍ତ୍ୱମଦ୍ୟ ହି ।

ଶର୍ୱେଣ ସହ ସମ୍ବନ୍ଧୋ ଯସ୍ୟ ତେଽଭୂଦୟଂ ମହାନ୍ ।

କ୍ରିୟତାଂ ଚାଶୁ ଉଦ୍ୱାହଃ କିମର୍ଥଂ ସ୍ଥୀୟତେ ପରମ୍ ॥ 59 ॥

ତତଃ ପ୍ରଣମ୍ୟ ହିମବାଂସ୍ତଂ ଦେବଂ ପ୍ରତ୍ୟଭାଷତ ।

ତ୍ୱମେବ କାରଣଂ ଦେବ ଯେନ ଶର୍ୱାଦୟଂ ମମ ॥ 60 ॥

ପ୍ରସାଦଃ ସହସୋତ୍ପନ୍ନୋ ହେତୁଶ୍ଚାପି ତ୍ୱମେବ ହି ।

ଉଦ୍ୱାହଂ ତୁ ଯଥା ଯାଦୃକ୍ତଦ୍ୱିଧତ୍ସ୍ୱ ପିତାମହ ॥ 61 ॥

ତତ ଏବଂ ବଚଃ ଶ୍ରୁତ୍ୱା ଗିରିରାଜ୍ଞଃ ପିତାମହଃ ।

ଉଦ୍ୱାହଃ କ୍ରିୟତାଂ ଦେବ ଇତି ଦେବମୁବାଚ ହ ।

ତମାହ ଶଙ୍କରୋ ଦେବଂ ଯଥେଷ୍ଟମିତି ଲୋକପଃ ॥ 62 ॥

ତତ୍କ୍ଷଣାଚ୍ଚ ତତୋ ବ୍ୟାସ ବ୍ରହ୍ମଣା କଲ୍ପିତଂ ପୁରମ୍ ।

ଉଦ୍ୱାହାର୍ଥଂ ମହେଶସ୍ୟ ନାନାରତ୍ନୋପଶୋଭିତମ୍ ॥ 63 ॥

ରତ୍ନାନି ମଣୟଶ୍ଚିତ୍ରା ହେମ ମୌକ୍ତିକମେବ ଚ ।

ମୂର୍ତିମନ୍ତ ଉପାଗମ୍ୟ ଅଲଞ୍ଚକ୍ରୁଃ ପୁରୋତ୍ତମମ୍ ॥ 64 ॥

ଚିତ୍ରା ମାରକତୀ ଭୂମିଃ ସୌବର୍ଣସ୍ତମ୍ଭଶୋଭିତା ।

ଭାସ୍ୱତ୍ସ୍ଫଟିକଭିତ୍ତୀଭିର୍ମୁକ୍ତାହାରପ୍ରଲମ୍ବିତା ॥ 65 ॥

ତସ୍ମିଞ୍ଛିବପୁରେ ରମ୍ୟେ ଉଦ୍ୱାହାର୍ଥଂ ବିନିର୍ମିତେ ।

ଶୁଶୁଭେ ଦେବଦେବସ୍ୟ ମହେଶସ୍ୟ ମହାତ୍ମନଃ ॥ 66 ॥

ସୋମାଦିତ୍ୟୌ ସମଂ ତତ୍ର ଭାସୟନ୍ତୌ ମହାମଣୀ ।

ସୌରଭେୟଂ ମନୋରମ୍ୟଂ ଗନ୍ଧମାଘ୍ରାୟ ମାରୁତଃ ।

ପ୍ରବବୌ ସୁଖସଂସ୍ପର୍ଶ ଈଶେ ଭକ୍ତିଂ ପ୍ରସାଦୟନ୍ ॥ 67 ॥

ସମୁଦ୍ରାସ୍ତତ୍ର ଚତ୍ୱାରଃ ଶକ୍ରାଦ୍ୟାଶ୍ଚ ସୁରୋତ୍ତମାଃ ।

ଦେବନଦ୍ୟୋ ମହାନଦ୍ୟଃ ସିଦ୍ଧା ମୁନୟ ଏବ ଚ ॥ 68 ॥

ଗନ୍ଧର୍ୱାପ୍ସରସଃ ସର୍ୱେ ନାଗା ଯକ୍ଷାଃ ସରାକ୍ଷସାଃ ।

ଗୁହ୍ୟକାଃ ଖେଚରାଶ୍ଚାନ୍ୟେ କିଂନରା ଦେବଚାରଣାଃ ॥ 69 ॥

ତୁମ୍ବୁରୁର୍ନାରଦୋ ହାହା ହୂହୂ ଚୈବ ତୁ ସାମଗାଃ ।

ରତ୍ନାନ୍ୟାଦାୟ ବାଦ୍ୟାଂଶ୍ଚ ତତ୍ରାଜଗ୍ମୁସ୍ତଦା ପୁରମ୍ ॥ 70 ॥

ଋଷୟଃ କୃତ୍ସ୍ନଶସ୍ତତ୍ର ବେଦଗୀତାଂସ୍ତପୋଧନାଃ ।

ପୁଣ୍ୟାନ୍ୱୈବାହିକାନ୍ମନ୍ତ୍ରାଞ୍ଜେପୁଃ ସଂହୃଷ୍ଟମାନସାଃ ॥ 71 ॥

ଜଗତୋ ମାତରଃ ସର୍ୱା ଦେବକନ୍ୟାଶ୍ଚ କୃତ୍ସ୍ନଶଃ ।

ଗାୟନ୍ତି ହୃଷିତାଃ ସର୍ୱା ଉଦ୍ୱାହେ ପରମେଷ୍ଠିନଃ ॥ 72 ॥

ଋତବଃ ଷଟ୍ ସମଂ ତତ୍ର ନାନାଗନ୍ଧସୁଖାବହାଃ ।

ଉଦ୍ୱାହଃ ଶଙ୍କରସ୍ୟେତି ମୂର୍ତିମନ୍ତ ଉପସ୍ଥିତାଃ ॥ 73 ॥

ନୀଲଜୀମୂତସଙ୍ଘାତମନ୍ଦ୍ରଧ୍ୱାନପ୍ରହର୍ଷିତୈଃ ।

କେକାୟମାନୈଃ ଶିଖିଭିର୍ନୃତ୍ୟମାନୈଶ୍ଚ ସର୍ୱଶଃ ॥ 74 ॥

ବିଲୋଲପିଶ୍ଣ୍ଗଲସ୍ପଷ୍ଟବିଦ୍ୟୁଲ୍ଲେଖାବଭାସିତା ।

କୁମୁଦାପୀତଶୁକ୍ଲାଭିର୍ବଲାକାଭିଶ୍ଚ ଶୋଭିତା ॥ 75 ॥

ପ୍ରତ୍ୟଗ୍ରସଞ୍ଜାତଶିଲୀନ୍ଧ୍ରକନ୍ଦଲା ଲତାଦ୍ରୁମାଭ୍ୟୁଦ୍ଗତଚାରୁପଲ୍ଲବା ।

ଶୁଭାମ୍ବୁଧାରାପ୍ରଣୟପ୍ରବୋଧିତୈର୍ମଦାଲସୈର୍ଭେକଗଣୈଶ୍ଚ ନାଦିତା ॥ 76 ॥

ପ୍ରିୟେଷୁ ମାନୋନ୍ନତମାନସାନାଂ ସୁନିଶ୍ଚିତାନାମପି କାମିନୀନାମ୍ ।

ମୟୂରକେକାଭିରୁତୈଃ କ୍ଷଣେନ ମନୋହରୈର୍ମାନବିଭଶ୍ଣ୍ଗକର୍ତ୍ରୀ ॥ 77 ॥

ତଥା ତ୍ରିବର୍ଣୋଜ୍ଜ୍ୱଲଚାରୁମୂର୍ତିନା ଶଶାଶ୍ଣ୍କଲେଖାକୁଟିଲେନ ସର୍ୱତଃ ।

ପୟୋଦସଙ୍ଘାତସମୀପବର୍ତିନା ମହେନ୍ଦ୍ରଚାପେନ ଭୃଶଂ ବିରାଜିତା ॥ 78 ॥

ବିଚିତ୍ରପୁଷ୍ପସ୍ପର୍ଶାତ୍ସୁଗନ୍ଧିଭିର୍ଘନାମ୍ବୁସମ୍ପର୍କତୟା ସୁଶୀତଲୈଃ ।

ବିକମ୍ପୟନ୍ତୀ ପବନୈର୍ମନୋହରୈଃ ସୁରାଶ୍ଣ୍ଗନାନାମଲକାବଲୀଃ ଶୁଭାଃ ॥ 79 ॥

ଗର୍ଜତ୍ପୟୋଦସ୍ଥଗିତେନ୍ଦୁବିମ୍ବା ନବାମ୍ବୁସେକୋଦ୍ଗତଚାରୁଦୂର୍ୱା ।

ନିରୀକ୍ଷିତା ସାଦରମୁତ୍ସୁକାଭିର୍ନିଶ୍ୱାସଧୂମ୍ରଂ ପଥିକାଶ୍ଣ୍ଗନାଭିଃ ॥ 80 ॥

ହଂସନୂପୁରଶବ୍ଦାଢ୍ୟା ସମୁନ୍ନତପୟୋଧରା ।

ଚଲଦ୍ୱିଦ୍ୟୁଲ୍ଲତାକାଞ୍ଚୀ ସ୍ପଷ୍ଟପଦ୍ମବିଲୋଚନା ॥ 81 ॥

ଅସିତଜଲଦବୃନ୍ଦଧ୍ୱାନବିତ୍ରସ୍ତହଂସା

ବିମଲସଲିଲଧାରାପାତନମ୍ରୋତ୍ପଲାଗ୍ରା ।

ସୁରଭିକୁସୁମରେଣୁକ୍।ଲ୍ପ୍ତସର୍ୱାଶ୍ଣ୍ଗଶୋଭା ଗିରିଦୁହିତୃବିବାହେ

ପ୍ରାବୃଡାଗାଦ୍ୱିଭୂତ୍ୟୈ ॥ 82 ॥

ମେଘକଞ୍ଚୁକନିର୍ମୁକ୍ତା ପଦ୍ମକୋଶୋଦ୍ଗତସ୍ତନୀ ।

ହଂସନୂପୁରନିର୍ହ୍ରାଦା ସର୍ୱରମ୍ୟଦିଗନ୍ତରା ॥ 83 ॥

ବିସ୍ତୀର୍ଣପୁଲିନଶ୍ରୋଣୀ କୂଜତ୍ସାରସମେଖଲା ।

ପ୍ରଫୁଲ୍ଲେନ୍ଦୀବରାଭୋଗବିଲୋଚନମନୋହରା ॥ 84 ॥

ପକ୍ୱବିମ୍ବାଧରପୁଟା କୁନ୍ଦଦନ୍ତପ୍ରହାସିନୀ ।

ନବଶ୍ୟାମାଲତାଶ୍ୟାମରୋମରାଜୀପରିଷ୍କୃତା ॥ 85 ॥

ଚନ୍ଦ୍ରାଂଶୁହାରବର୍ୟେଣ ସୌଧୋରଃସ୍ଥଲସର୍ପିଣା ।

ପ୍ରହ୍ଲାଦୟନ୍ତୀ ଚେତାଂସି ସର୍ୱେଷାଂ ତ୍ରିଦିବୌକସାମ୍ ॥ 86 ॥

ସମଦାଲିକୁଲୋଦ୍ଗୀତମଧୁରସ୍ୱରଭାଷିଣୀ ।

ଚଲତ୍କୁମୁଦସଙ୍ଘାତଚାରୁକୁଣ୍ଡଲଶୋଭିନୀ ॥ 87 ॥

ରକ୍ତାଶୋକାଗ୍ରଶାଖୋତ୍ଥପଲ୍ଲବାଶ୍ଣ୍ଗୁଲିଧାରିଣୀ ।

ତତ୍ପୁଷ୍ପସଞ୍ଚୟମୟୈର୍ୱାସୋଭିଃ ସମଲଙ୍କୃତା ॥ 88 ॥

ରକ୍ତୋତ୍ପଲାଗ୍ରଚରଣା ଜାତୀପୁଷ୍ପନଖାବଲୀ ।

କଦଲୀସ୍ତମ୍ଭଚାରୂରୁଃ ଶଶାଶ୍ଣ୍କବଦନା ତଥା ॥ 89 ॥

ପଦ୍ମକିଞ୍ଜଲ୍କସମ୍ପୃକ୍ତପବନାଗ୍ରକରୈଃ ସୁରାନ୍ ।

ପ୍ରେମ୍ଣା ସ୍ପୃଶନ୍ତୀ କାନ୍ତେବ ଶରଦାଗାନ୍ମନୋରମା ॥ 90 ॥

ନିର୍ମୁକ୍ତାସିତମେଘକଞ୍ଚୁକପୁଟା ପୂର୍ଣେନ୍ଦୁବିମ୍ବାନନା

ନୀଲାମ୍ଭୋଜବିଲୋଚନାରବିନ୍ଦମୁକୁଲପ୍ରୋଦ୍ଭିନ୍ନଚାରୁସ୍ତନୀ ।

ନାନାପୁଷ୍ପରଜଃସୁଗନ୍ଧିପବନପ୍ରହ୍ଲାଦନୀ ଚେତସାଂ

ତତ୍ରାଗାତ୍କଲହଂସନୂପୁରରବା ଦେବ୍ୟା ବିବାହେ ଶରତ୍ ॥ 91 ॥

ଅତ୍ୟର୍ଥଶୀତଲାମ୍ଭୋଭିଃ ପ୍ଲାବୟନ୍ତୌ ଗିରେଃ ଶିଲାଃ ।

ଋତୂ ଶିଶିରହେମନ୍ତାବାଜଗ୍ମତୁରତିଦ୍ୟୁତୀ ॥ 92 ॥

ତାଭ୍ୟାମୃତୁଭ୍ୟାଂ ପ୍ରାପ୍ତାଭ୍ୟାଂ ହିମବାନ୍ସ ନଗୋତ୍ତମଃ ।

ପ୍ରାଲେୟଚୂର୍ଣବର୍ଷିଭ୍ୟାଂ କ୍ଷିପ୍ରଂ ରୌପ୍ୟ ଇବାବଭୌ ॥ 93 ॥

ତେନ ପ୍ରାଲେୟବର୍ଷେଣ ଘନେନ ସ ହିମାଚଲଃ ।

ଅଗାଧେନ ତଦା ରେଜେ କ୍ଷୀରୋଦ ଇବ ସାଗରଃ ॥ 94 ॥

ହିମସ୍ଥାନେଷୁ ହିମବାନ୍ନାଶୟାମାସ ପାଦପାନ୍ ।

ସାଧୂପଚାରାନ୍ସହସା କୃତାର୍ଥ ଇବ ଦୁର୍ଜନଃ ॥ 95 ॥

ପ୍ରାଲେୟପଟଲଚ୍ଛନ୍ନୈଃ ଶୃଶ୍ଣ୍ଗୈଃ ସ ଶୁଶୁଭେ ନଗଃ ।

ଛତ୍ରୈରିବ ମହାଭୋଗୈଃ ପାଣ୍ଡରୈଃ ପୃଥିବୀପତିଃ ॥ 96 ॥

ପାଣ୍ଡରାଣି ବିଶାଲାନି ଶ୍ରୀମନ୍ତି ସୁଭଗାନି ଚ ।

ତୁଶ୍ଣ୍ଗାନି ଚାଦ୍ରିଶୃଶ୍ଣ୍ଗାଣି ସୌଧାନୀବ ଚକାଶିରେ ॥ 97 ॥

ତସ୍ୟାଚଲେନ୍ଦ୍ରସ୍ୟ ଦରୀଷ୍ୱତୀବ ବିଚିତ୍ରସାରଶ୍ଣ୍ଗକୁଲାକୁଲାସୁ ।

ପ୍ରାଲେୟଧାରାଃ ଶଶିପାଦଗୌରା ଗୋକ୍ଷୀରଧାରା ଇବ ସଂନିପେତୁଃ ॥ 98 ॥

ବହୁକୁସୁମରଜୋଭିରୁତ୍କରାଶ୍ଣ୍ଗା ହିମକଣସଶ୍ଣ୍ଗସୁଶୀତଲାଃ ସମୀରାଃ ।

ବବୁରମରଗଣେଶ୍ୱରାମ୍ବରାଣି ପ୍ରତନୁତମାନି ଶନୈର୍ୱିକମ୍ପୟନ୍ତଃ ॥ 99 ॥

ନିର୍ଧୂତରୂକ୍ଷାନିଲଶୀତଦୋଷଃ ପ୍ରୋଦ୍ଭିନ୍ନଚୂତାଶ୍ଣ୍କୁରକର୍ଣପୂରଃ ।

ବସନ୍ତକାଲଶ୍ଚ ତମଦ୍ରିପୁତ୍ରୀସେବାର୍ଥମାଗାଦ୍ଧିମବନ୍ତମାଶୁ ॥ 100 ॥

ତସ୍ମିନ୍ନୃତାବଦ୍ରିସୁତାବିବାହସିଷେବୟା ତଂ ଗିରିମଭ୍ୟୁପେତେ ।

ପ୍ରାଦୁର୍ବଭୂବୁଃ କୁସୁମାବତଂସାଃ ସମନ୍ତତଃ ପାଦପଗୁଲ୍ମଷଣ୍ଡାଃ ॥ 101 ॥

ବବୁଃ ସୁଗନ୍ଧାଃ ସୁଭଗାଃ ସୁଶୀତା ବିଚିତ୍ରପୁଷ୍ପାଗ୍ରରଜୋତ୍କରାଶ୍ଣ୍ଗା

ମନୋଭବୋଦ୍ରେକକରାଃ ସୁରାଣାଂ ସୁରାଶ୍ଣ୍ଗନାନାଂ ଚ ମୁହୁଃ ସମୀରାଃ ॥ 102 ॥

ସ୍ୱଚ୍ଛାମ୍ବୁପୂର୍ଣାଶ୍ଚ ତଥା ନଲିନ୍ୟଃ ପଦ୍ମୋତ୍ପଲାନାଂ ମୁକୁଲୈରୁପେତାଃ ।

ଈଷତ୍ସମୁଦ୍ଭିନ୍ନପୟୋଧରାଗ୍ରା ନାର୍ୟୋ ଯଥା ରମ୍ୟତମା ବଭୂବୁଃ ॥ 103 ॥

ଋତୋଃ ସ୍ୱଭାବାଚ୍ଚ ମଦୋଦ୍ଭବାଚ୍ଚ ଫୁଲ୍ଲାସୁ ଶାଖାସୁ ନିଲୀନପକ୍ଷାଃ ।

ଚେତୋଭିରାମଂ ତ୍ରିଦଶାଶ୍ଣ୍ଗନାନାଂ ପୁଂସ୍କୋକିଲାଶ୍ଚାତିକଲଂ ବିନେଦୁଃ ॥ 104 ॥

ନାତ୍ୟୁଷ୍ଣଶୀତାନି ସରଃପୟାଂସି କିଞ୍ଜଲ୍କଚୂର୍ଣୈଃ କପିଲୀକୃତାନି ।

ଚକ୍ରାହ୍ୱୟୁଗ୍ମୈରୁପନାଦିତାନି ପପୁଃ ପ୍ରହୃଷ୍ଟାଃ ସୁରଦନ୍ତିମୁଖ୍ୟାଃ ॥ 105 ॥

ପ୍ରିୟଶ୍ଣ୍ଗୂଶ୍ଚୂତତରବଶ୍ଚୂତାଂଶ୍ଚାପି ପ୍ରିୟଶ୍ଣ୍ଗବଃ ।

ତର୍ଜୟନ୍ତ ଇବାନ୍ୟୋନ୍ୟଂ ମଞ୍ଜରୀଭିଶ୍ଚକାଶିରେ ॥ 106 ॥

ହିମଶୁକ୍ଲେଷୁ ଶୃଶ୍ଣ୍ଗେଷୁ ତିଲକାଃ କୁସୁମୋତ୍କରାଃ ।

ଶୁଶୁଭୁଃ କାର୍ୟମୁଦ୍ଦିଶ୍ୟ ବୃଦ୍ଧା ଇବ ସମାଗତାଃ ॥ 107 ॥

ଫୁଲ୍ଲାଶୋକଲତାସ୍ତତ୍ର ରେଜିରେ ଶାଲସଂଶ୍ରିତାଃ ।

କାମିନ୍ୟ ଇବ କାନ୍ତାନାଂ କଣ୍ଠାଲମ୍ବିତମୂର୍ତୟଃ ॥ 108 ॥

ସମଦାଲିକୁଲୋଦ୍ଗୀତଲତାକୁସୁମସଞ୍ଚୟାଃ ।

ପରସ୍ପରଂ ହି ମାଲତ୍ୟୋ ଭାଷନ୍ତ୍ୟ ଇବ ରେଜିରେ ॥ 109 ॥

ନୀଲାନି ନୀଲାମ୍ବୁରୁହୈଃ ପୟାଂସି ଗୌରାଣି ଗୌରୈଶ୍ଚ ସନାଲଦଣ୍ଡୈଃ ।

ରକ୍ତୈଶ୍ଚ ରକ୍ତାନି ଭୃଶଂ କୃତାନି ମତ୍ତଦ୍ୱିରେଫାର୍ଧବିଦଷ୍ଟପତ୍ରୈଃ ॥ 110 ॥

ହୈମାନି ବିସ୍ତୀର୍ଣଜଲେଷୁ କେଷୁଚିନ୍ନିରନ୍ତରଂ ମାରକତାନି କେଷୁଚିତ୍ ।

ବୈଦୂର୍ୟନାଲାନି ସରଃସୁ କେଷୁଚିତ୍ପ୍ରଜଜ୍ଞିରେ ପଦ୍ମବନାନି ସର୍ୱତଃ ॥ 111 ॥

ବାପ୍ୟସ୍ତତ୍ରାଭବନ୍ରମ୍ୟାଃ କମଲୋତ୍ପଲଭୂଷିତାଃ ।

ନାନାବିହଗସଙ୍ଘୁଷ୍ଟା ହେମସୋପାନପଶ୍ଣ୍କ୍ତୟଃ ॥ 112 ॥

ଶୃଶ୍ଣ୍ଗାଣି ତସ୍ୟ ତୁ ଗିରେଃ କର୍ଣିକାରୈଃ ସୁପୁଷ୍ପିତୈଃ ।

ସମୁଚ୍ଛ୍ରିତାନ୍ୟବିରଲୈର୍ହୈମାନୀବ ବଭୁର୍ମୁନେ ॥ 113 ॥

ଈଷଦୁଦ୍ଭିନ୍ନକୁସୁମୈଃ ପାଟଲୈଶ୍ଚାପି ପାଟଲାଃ ।

ସମ୍ବଭୂବୁର୍ଦିଶଃ ସର୍ୱାଃ ପବନାକମ୍ପିମୂର୍ତିଭିଃ ॥ 114 ॥

କୃଷ୍ଣାଞ୍ଜନାଦ୍ରିଶୃଶ୍ଣ୍ଗାଭା ନୀଲାଶୋକମହୀରୁହାଃ ।

ଗିରୌ ବବୃଧିରେ ଫୁଲ୍ଲାଃ ସ୍ପର୍ଧୟେବ ପରସ୍ପରମ୍ ॥ 115 ॥

ଚୀରୁବାକବିଘୁଷ୍ଟାନି କିଂଶୁକାନାଂ ବନାନି ଚ ।

ପର୍ୱତସ୍ୟ ନିତମ୍ବେଷୁ ସର୍ୱେଷ୍ୱେବାଭିଜଜ୍ଞିରେ ॥ 116 ॥

ତମାଲଗୁଲ୍ମୈସ୍ତସ୍ୟାସୀଚ୍ଛୋଭା ହିମବତସ୍ତଦା ।

ନୀଲଜୀମୂତସଙ୍ଘାତୈର୍ନିଲୀନୈରିବ ସନ୍ଧିଷୁ ॥ 117 ॥

ନିକାମପୁଷ୍ପୈଃ ସୁବିଶାଲଶାଖୈଃ ସମୁଚ୍ଛ୍ରିତୈଶ୍ଚମ୍ପକପାଦପୈଶ୍ଚ ।

ପ୍ରମତ୍ତପୁଂସ୍କୋକିଲସମ୍ପ୍ରଲାପୈର୍ହିମାଚଲୋଽତୀବ ତଦା ରରାଜ ॥ 118 ॥

ଶ୍ରୁତ୍ୱା ଶବ୍ଦଂ ଋତୁମଦକଲଂ ସର୍ୱତଃ କୋକିଲାନାଂ

ଚଞ୍ଚତ୍ପକ୍ଷାଃ ସୁମଧୁରରୁତଂ ନୀଲକଣ୍ଠା ବିନେଦୁଃ ।

ତେଷାଂ ଶବ୍ଦୈରୁପଚିତବଲଃ ପୁଷ୍ପଚାପେଷୁହସ୍ତଃ

ସଜ୍ଜୀଭୂତସ୍ତ୍ରିଦଶବନିତା ବେଦ୍ଧୁମଶ୍ଣ୍ଗେଷ୍ୱନଶ୍ଣ୍ଗଃ ॥ 119 ॥

ପଟୁସୂର୍ୟାତପଶ୍ଚାପି ପ୍ରାୟଃ ସୋଷ୍ଣଜଲାଶୟଃ ।

ଦେବୀବିବାହସେବାର୍ଥଂ ଗ୍ରୀଷ୍ମ ଆଗାଦ୍ଧିମାଚଲମ୍ ॥ 120 ॥

ସ ଚାପି ତରୁଭିସ୍ତତ୍ର ବହୁଭିଃ କୁସୁମୋତ୍କରୈଃ ।

ଶୋଭୟାମାସ ଶୃଶ୍ଣ୍ଗାଣି ପ୍ରାଲେୟାଦ୍ରେଃ ସମନ୍ତତଃ ॥ 121 ॥

ତସ୍ୟାପି ଚ ଋତୋସ୍ତତ୍ର ବାୟବଃ ସୁମନୋହରାଃ ।

ବବୁଃ ପାଟଲବିସ୍ତୀର୍ଣକଦମ୍ବାର୍ଜୁନଗନ୍ଧିନଃ ॥ 122 ॥

ବାପ୍ୟଃ ପ୍ରଫୁଲ୍ଲପଦ୍ମୌଘାଃ କେସରାରୁଣମୂର୍ତୟଃ ।

ଅଭବଂସ୍ତଟସଙ୍ଘୁଷ୍ଟକଲହଂସକଦମ୍ବକାଃ ॥ 123 ॥

ତଥା କୁରବକାଶ୍ଚାପି କୁସୁମାପାଣ୍ଡୁମୂର୍ତୟଃ ।

ସର୍ୱେଷୁ ଜଜ୍ଞୁଃ ଶୃଶ୍ଣ୍ଗେଷୁ ଭ୍ରମରାବଲିସେବିତାଃ ॥ 124 ॥

ବକୁଲାଶ୍ଚ ନିତମ୍ବେଷୁ ବିଶାଲେଷୁ ମହୀଭୃତଃ ।

ଉତ୍ସସର୍ଜୁର୍ମନୋଜ୍ଞାନି କୁସୁମାନି ସମନ୍ତତଃ ॥ 125 ॥

ଇତି କୁସୁମବିଚିତ୍ରସର୍ୱବୃକ୍ଷା ବିବିଧବିହଙ୍ଗମନାଦରମ୍ୟଦେଶାଃ ।

ହିମଗିରିତନୟାବିବାହଭୂତ୍ୟୈ ଷଡୁପୟଯୁରୃତବୋ ମୁନିପ୍ରବୀର ॥ 126 ॥

ତତ ଏବଂ ପ୍ରବୃତ୍ତେ ତୁ ସର୍ୱଭୂତସମାଗମେ ।

ନାନାବାଦ୍ୟଶତାକୀର୍ଣେ ବ୍ରହ୍ମା ମମ ପିତା ସ୍ୱୟମ୍ ॥ 127 ॥

ଶୈଲପୁତ୍ରୀମଲଙ୍କୃତ୍ୟ ଯୋଗ୍ୟାଭରଣସମ୍ପଦା ।

ପୁରଂ ପ୍ରବେଶୟାମାସ ସ୍ୱୟମାଦାୟ ଲୋକଧୃକ୍ ॥ 128 ॥

ତତସ୍ତୁ ପୁନରେବେଶଂ ବ୍ରହ୍ମା ବ୍ୟଜ୍ଞାପୟଦ୍ୱିଭୁମ୍ ।

ହବିର୍ଜୁହୋମି ବହ୍ନୌ ତୁ ଉପାଧ୍ୟାୟପଦେ ସ୍ଥିତଃ ।

ଦଦାସି ମହ୍ୟଂ ଯଦ୍ୟାଜ୍ଞାଂ କର୍ତବ୍ୟୋଽୟଂ କ୍ରିୟାବିଧିଃ ॥ 129 ॥

ତମାହ ଶଙ୍କରୋ ଦେବଂ ଦେବଦେବୋ ଜଗତ୍ପତିଃ ।

ଯଦ୍ୟଦିଷ୍ଟଂ ସୁରେଶାନ ତତ୍କୁରୁଷ୍ୱ ଯଥେପ୍ସିତମ୍ ।

କର୍ତାସ୍ମି ବଚନଂ ସର୍ୱଂ ବ୍ରହ୍ମଂସ୍ତବ ଜଗଦ୍ୱିଭୋ ॥ 130 ॥

ତତଃ ପ୍ରଣମ୍ୟ ହୃଷ୍ଟାତ୍ମା ବ୍ରହ୍ମା ଲୋକପିତାମହଃ ।

ହସ୍ତଂ ଦେବସ୍ୟ ଦେବ୍ୟାଶ୍ଚ ଯୋଗବନ୍ଧେ ଯୁୟୋଜ ହ ॥ 131 ॥

ଜ୍ୱଲନଂ ଚ ସ୍ୱୟଂ କୃତ୍ୱା କୃତାଞ୍ଜଲିମୁପସ୍ଥିତମ୍ ।

ଶ୍ରୁତିଗୀତୈର୍ମହାମନ୍ତ୍ରୈର୍ମୂର୍ତିମଦ୍ଭିରୁପସ୍ଥିତୈଃ ॥ 132 ॥

ଯଥୋକ୍ତବିଧିନା ହୁତ୍ୱା ସର୍ପିସ୍ତଦମୃତଂ ଚ ହି ।

ତ୍ରିଶ୍ଚ ତଂ ଜ୍ୱଲନଂ ଦେବଂ କାରୟିତ୍ୱା ପ୍ରଦକ୍ଷିଣମ୍ ॥ 133 ॥

ମୁକ୍ତ୍ୱା ହସ୍ତସମାୟୋଗଂ ସହିତଃ ସର୍ୱଦେବତୈଃ ।

ସୁତୈଶ୍ଚ ମାନସୈଃ ସର୍ୱୈଃ ପ୍ରହୃଷ୍ଟେନାନ୍ତରାତ୍ମନା ।

ବୃତ୍ତେ ଉଦ୍ୱାହକାଲେ ତୁ ପ୍ରଣନାମ ବୃଷଧ୍ୱଜମ୍ ॥ 134 ॥

ଯୋଗେନୈବ ତୟୋର୍ୱ୍ୟାସ ତଦୋମାପରମେଶୟୋଃ ।

ଉଦ୍ୱାହଃ ସ ପରୋ ବୃତ୍ତୋ ଯଂ ଦେବା ନ ବିଦୁଃ କ୍ୱଚିତ୍ ॥ 135 ॥

ଇତି ତେ ସର୍ୱମାଖ୍ୟାତଂ ସ୍ୱୟଂବରମିଦଂ ଶୁଭମ୍ ।

ଉଦ୍ୱାହଶ୍ଚୈବ ଦେବସ୍ୟ ଶୃଣ୍ୱତଃ ପରମାଦ୍ଭୁତମ୍ ॥ 136 ॥

ଇତି ସ୍କନ୍ଦପୁରାଣେ ନାମ ତ୍ରୟୋଦଶୋଽଧ୍ୟାୟଃ ॥ 13 ॥

Click Link 👇Next ଅଧ୍ୟାୟ

https://skand-puran.blogspot.com/2024/11/SkandPuranA14.html

ସ୍କନ୍ଦପୁରାଣ Pdf 👇 odia

https://archive.org/details/skanda-purana-utkala-khanda-/page/%E0%AD%A7%E0%AD%AC%E0%AD%A9/mode/1up

247   मात्र 21 दिन तक इसका सेवन करने से स्मरणशक्ति ऐसी बढ़ेगी की सिर्फ एक बार सुनने मात्र से सब कुछ याद रह जायेगा  

https://health-tips-odisha.blogspot.com/2025/04/247.html