ସ୍କନ୍ଦପୁରାଣ ଅଧ୍ୟାୟ ୨୩
ସ୍କନ୍ଦପୁରାଣ ଅଧ୍ୟାୟ ୨୩
ସନତ୍କୁମାର ଉବାଚ ।ତେ ଗଣେଶା ମହାସତ୍ତ୍ୱାଃ ସର୍ୱେ ଦେବେଶ୍ୱରେଶ୍ୱରାଃ ।ପ୍ରଣମ୍ୟ ଦେବଂ ଦେବୀଂ ଚ ଇଦଂ ବଚନମବ୍ରୁବନ୍ ॥ଭଗବନ୍ଦେବତାରିଘ୍ନ ଦେବଦେବାମ୍ବିକାପତେ ।କିମର୍ଥଂ ବୟମାହୂତା ଆଜ୍ଞାପୟ କୃତଂ ହି ତତ୍ ॥କିଂ ସାଗରାଞ୍ଛୋଷୟାମୋ ଯମଂ ବା ସହ କିଙ୍କରୈଃ ।ହନ୍ମୋ ମୃତ୍ୟୁମୁତାମୃତ୍ୟୁର୍ନ ଭବତ୍ୱଦ୍ୟ ପଦ୍ମଜଃ ॥ବଦ୍ଧ୍ୱେନ୍ଦ୍ରଂ ସହ ଦେବୈଶ୍ଚ ସବିଷ୍ଣୁଂ ସହ ବାୟୁନା ।ଆନୟାମଃ ସୁସଙ୍କ୍ରୁଦ୍ଧା ଦୈତ୍ୟାନ୍ୱା ସହ ଦାନବୈଃ ॥କସ୍ୟାଦ୍ୟ ବ୍ୟସନଂ ଘୋରଂ କରିଷ୍ୟାମସ୍ତବାଜ୍ଞୟା ।କସ୍ୟ ବାଦ୍ୟୋତ୍ସବଂ ଦେବ ସର୍ୱକାମସମୃଦ୍ଧିମତ୍ ॥ତାଂସ୍ତଥାବାଦିନଃ ସର୍ୱାନ୍ନମତୋ ଭକ୍ତବତ୍ସଲଃ ।ଉବାଚ ଦେବଃ ସମ୍ପୂଜ୍ୟ ଗଣାନ୍ଗଣପତିର୍ଭବଃ ॥ଦେବ ଉବାଚ ।ଶୃଣୁଧ୍ୱଂ ଯତ୍କୃତେ ଯୂୟମିହାହୂତା ଜଗଦ୍ଧିତାଃ ।ଶ୍ରୁତ୍ୱା ଚ ପ୍ରୟତାତ୍ମାନଃ କୁରୁଧ୍ୱଂ ତଦଶଶ୍ଣ୍କିତାଃ ॥ନନ୍ଦୀଶ୍ୱରୋଽୟଂ ପୁତ୍ରୋ ନଃ ସର୍ୱେଷାମୀଶ୍ୱରେଶ୍ୱରଃ ।ପ୍ରିୟୋଽଗ୍ରନାୟକଶ୍ଚୈବ ସେନାନୀର୍ୱଃ ସମାହିତଃ ॥ତମିମଂ ମମ ସନ୍ଦେଶାଦ୍ୟୂୟଂ ସର୍ୱେଽଭିସମ୍ମତାଃ ।ସେନାନ୍ୟମଭିଷିଞ୍ଚଧ୍ୱଂ ମହାୟୋଗପତିଂ ପତିମ୍ ॥ଅଦ୍ୟପ୍ରଭୃତି ଯୁଷ୍ମାକମୟଂ ନନ୍ଦୀଶ୍ୱରଃ ଶୁଭଃ ।ପ୍ରିୟୋ ଗୌରବୟୁକ୍ତଶ୍ଚ ସେନାନୀରମରଃ ପ୍ରଭୁଃ ॥ସନତ୍କୁମାର ଉବାଚ ।ଏବମୁକ୍ତେ ଭଗବତା ଗଣପାଃ ସର୍ୱ ଏବ ତେ ।ଏବମସ୍ତ୍ୱିତି ସମ୍ମନ୍ତ୍ର୍ୟ ସମ୍ଭାରାନାହରଂସ୍ତତଃ ॥ତସ୍ୟ ରୂପାଶ୍ରୟଂ ଦିବ୍ୟଂ ଜାମ୍ବୂନଦମୟଂ ଶୁଭମ୍ ।ଆସନଂ ମେରୁସଙ୍କାଶଂ ମନୋରମମଥାହରନ୍ ॥ଶାତକୁମ୍ଭମୟଂ ଚାପି ଚାରୁଚାମୀକରପ୍ରଭମ୍ ।ମୁକ୍ତାଦାମାବଲମ୍ବଂ ଚ ମଣିରତ୍ନାବଭାସିତମ୍ ॥ସ୍ତମ୍ଭୈଶ୍ଚ ବୈଡୂର୍ୟମୟୈଃ କିଶ୍ଣ୍କିଣୀଜାଲସଂବୃତମ୍ ।ଚାରୁରତ୍ନକସଂୟୁକ୍ତଂ ମଣ୍ଡପଂ ବିଶ୍ୱତୋମୁଖମ୍ ।କୃତ୍ୱା ଚକ୍ରୁଶ୍ଚ ତନ୍ମଧ୍ୟେ ତଦାସନବରଂ ଶୁଭମ୍ ॥ତସ୍ୟାଗ୍ରତଃ ପାଦପୀଠଂ ନୀଲଂ ବଜ୍ରାବଭାସିତମ୍ ।ଚକ୍ରୁଃ ପାଦପ୍ରତିଷ୍ଠାର୍ଥଂ କଲଶୌ ଚାସ୍ୟ ପାର୍ଶ୍ୱଗୌ ।ସମ୍ପୂର୍ଣୌ ପରମାମ୍ଭୋଭିରରବିନ୍ଦାବୃତାନନୌ ॥ଅଗ୍ରତୋଽଗ୍ନିଂ ସମାଧାୟ ବୃଷଭଂ ଚାପି ପାର୍ଶ୍ୱତଃ ।ସବତ୍ସାଂ ସୁରଭିଂ ଚାପି ତସ୍ୟ ପାର୍ଶ୍ୱେଽଥ ଦକ୍ଷିଣେ ॥ଛତ୍ତ୍ରଂ ଶତଶଲାକଂ ଚ ଜାମ୍ବୂନଦମୟଂ ଶୁଭମ୍ ।ଶଶ୍ଣ୍ଖହାରାମ୍ବୁଗୌରେଣ ପୃଷ୍ଠେନାଭିବିରାଜିତମ୍ ॥ବ୍ୟଜନଂ ଚନ୍ଦ୍ରଶୁଭ୍ରଂ ଚ ହେମଦଣ୍ଡଂ ସୁଚାରୁମତ୍ ।ମାଲାଂ କୁଶେଶୟାନାଂ ଚ ଭ୍ରମରାବଲିସେବିତାମ୍ ॥ଆନିନ୍ୟୁସ୍ତତ୍ର ଗଣପା ନନ୍ଦ୍ୟାବର୍ତାଂଶ୍ଚ କାଞ୍ଚନାନ୍ ।ପୁନର୍ୱସୁଂ ଚ ପୁଷ୍ୟଂ ଚ ଦ୍ୱୌ ମତ୍ସ୍ୟୌ ବରୁଣାଲୟୌ ॥ସ୍ୱସ୍ତିକଂ ବର୍ଧମାନଂ ଚ ଶ୍ରୀବତ୍ସଂ ଚୈବ କାଞ୍ଚନମ୍ ।କୀଚକା ବେଣବଶ୍ଚୈବ କନ୍ୟା ଚୈବାଭିପୂଜିତା ॥ଐରାବତଂ ସୁପ୍ରତୀକଂ ଗଜାବେତୌ ଚ ପୂଜିତୌ ।ଧ୍ୱଜଂ ଚ ପୂଜିତଂ ଦିବ୍ୟଂ ଶଶ୍ଣ୍ଖଂ ଚୈବେନ୍ଦୁବର୍ଚସମ୍ ॥କଲଶାନାଂ ସହସ୍ରଂ ଚ କାଞ୍ଚନାନାଂ ସୁବର୍ଚସାମ୍ ।ରାଜତାନାଂ ସହସ୍ରଂ ଚ ପାର୍ଥିବାନାଂ ତଥୈବ ଚ ॥ତାମ୍ରାଣାମଥ ଦିବ୍ୟାନାଂ ସହସ୍ରମନଲତ୍ୱିଷାମ୍ ।ବାସୋୟୁଗଂ ବୃକ୍ଷଜଂ ଚ ବିରଜଃ ସୂକ୍ଷ୍ମମେବ ଚ ॥ମୁକୁଟଂ କାଞ୍ଚନଂ ଚୈବ ସୁକୃତଂ ବିଶ୍ୱକର୍ମଣା ।କୁଣ୍ଡଲେ ଚାମଲେ ଦିବ୍ୟେ ବଜ୍ରଂ ଚୈବ ବରାୟୁଧମ୍ ॥ପଟ୍ଟିସଂ ଚ ମହଦ୍ଦିବ୍ୟଂ ଶୂଲଂ ଚାଶନିମେବ ଚ ।ଜାମ୍ବୂନଦମୟଂ ସୂତ୍ରଂ କେୟୂରଦ୍ୱୟମେବ ଚ ॥ହାରଂ ଚ ମଣିଚିତ୍ରାଶ୍ଣ୍ଗଂ ରୋଚନାରୁଚକଂ ତଥା ।ନଲଭାଂ ପାରିୟାତ୍ରଂ ଚ ବର୍ଷଂ କଶ୍ଣ୍କଣିମେବ ଚ॥ଦର୍ଭାଂଶ୍ଚ ଦିବ୍ୟାଂ ସମିଧମାଜ୍ୟଂ ଧୂପମଥାପି ଚ ।ସମନ୍ତାନ୍ନିନ୍ୟୁରବ୍ୟଗ୍ରା ଗଣପା ଦେବସମ୍ମତାଃ ॥ତତୋ ଦିଶଃ ସମୁଦ୍ରାଶ୍ଚ ବରୁଣଃ ସଧନେଶ୍ୱରଃ ।ଯମୋଽଗ୍ନିର୍ୱସବଶ୍ଚୈବ ଚନ୍ଦ୍ରାଦିତ୍ୟୌ ଗ୍ରହୈଃ ସହ ॥ତାରାରୂପାଣି ସର୍ୱାଣି ନକ୍ଷତ୍ରାଣି ଧ୍ରୁବସ୍ତଥା ।ରୁଦ୍ରା ରକ୍ଷାଂସି ଯକ୍ଷାଶ୍ଚ ଅଶ୍ୱିନୌ ଦୈତ୍ୟଦାନବାଃ ॥ଗନ୍ଧର୍ୱାପ୍ସରସଶ୍ଚୈବ ନାରଦଃ ପର୍ୱତସ୍ତଥା ।ପୃଥିବୀ ଚ ସମୁଦ୍ରାଶ୍ଚ ବର୍ଷାଣି ଗିରୟସ୍ତଥା ॥ବୃକ୍ଷାଶ୍ଚ ବୀରୁଧଶ୍ଚୈବ ଓଷଧ୍ୟଶ୍ଚ ମହାବଲାଃ ।ନଦ୍ୟଃ ସର୍ୱାଃ ସମାଜଗ୍ମୁଃ ପଶବଶ୍ଚୈବ ସର୍ୱଶଃ ॥ଲୋକସ୍ୟ ମାତରଶ୍ଚୈବ ପୃଥିବୀ ସ୍ୱର୍ଗ ଏବ ଚ ।ଭୂତାନି ପ୍ରକୃତିଶ୍ଚୈବ ଇନ୍ଦ୍ରିୟାଣି ଚ ସର୍ୱଶଃ ॥ତୀର୍ଥାନି ଚୈବ ସର୍ୱାଣି ଦାନାନି ବିବିଧାନି ଚ ।ଋଚୋ ଯଜୂଂଷି ସାମାନି ଅଥର୍ୱାଶ୍ଣ୍ଗିରସାବପି ॥ଯଜ୍ଞାଶ୍ଚ କ୍ରତବଶ୍ଚୈବ ଇଷ୍ଟୟୋ ନିୟମାସ୍ତଥା ।ଛନ୍ଦାଂସି ଚୈବ ସର୍ୱାଣି ପିଶାଚା ଦେବୟୋନୟଃ ।ବ୍ରହ୍ମା ଚ ଋଷୟଶ୍ଚୈବ ବିଷ୍ଣୁଃ ସାନୁଚରସ୍ତଥା ॥ତେଷ୍ୱାଗତେଷୁ ସର୍ୱେଷୁ ଭଗବାନ୍ଗୋବୃଷଧ୍ୱଜଃ ।ସର୍ୱକାର୍ୟବିଧିଂ କର୍ତୁମାଦିଦେଶ ପିତାମହମ୍ ॥ଏକୈକଂ କଲଶଂ ତତ୍ର ସର୍ୱୌଷଧିସମନ୍ୱିତମ୍ ।କୃତ୍ୱାଦ୍ଭିଃ ପୂରୟିତ୍ୱା ଚ କୁଶେଶୟମୁଖାବୃତମ୍ ॥ଜୟାଂ ଚ ବିଜୟାଂ ଚୈବ ସିଂହୀଂ ବ୍ୟାଘ୍ରୀଂ ତଥୈବ ଚ ।ସୁବର୍ଚଲାଂ ଶଶ୍ଣ୍ଖପୁଷ୍ପୀଂ ବିଷ୍ଣୁକ୍ରାନ୍ତାଂ ପୁନର୍ନବାମ୍ ॥କୁମାରୀଂ ଚନ୍ଦ୍ରକାନ୍ତାଂ ଚ ମୃତସଞ୍ଜୀବନୀମପି ।ଆଦିତ୍ୟବର୍ଚସଂ ଚୈବ ଅମୃତାଂ ଶ୍ରୀନିକେତନାମ୍ ॥ତଥା କୁମୁଦ୍ୱତୀଂ ଚୈବ ପ୍ରାକ୍ଷିପଂସ୍ତେଷ୍ୱଥୌଷଧୀଃ ।ପାର୍ଥିବେଷୁ ତଦା ବ୍ୟାସ ସର୍ୱେଷ୍ୱେବ ଗଣେଶ୍ୱରାଃ ॥ସୌବର୍ଣେଷୁ ତୁ ସର୍ୱେଷୁ ତୀର୍ଥାନି ବିବିଧାନି ଚ ।ଦାନାନି ଚୈବ ସର୍ୱାଣି ଭଗବାନ୍ସଂନ୍ୟବେଶୟତ୍ ॥ରାଜତେଷୁ ଚ କୁମ୍ଭେଷୁ ମନ୍ତ୍ରାଂଶ୍ଛନ୍ଦାଂସି ଚୈବ ହ ।କ୍ରତୂନନ୍ୟାଂଶ୍ଚ ବିବିଧା ଇଷ୍ଟୀଃ କାମ୍ୟାଂସ୍ତଥେତରାନ୍ ॥ଔଦୁମ୍ବରେଷୁ ସର୍ୱେଷୁ ସରିତଃ ସାଗରାଂସ୍ତଥା ।ତପାଂସି ନିୟମାଂଶ୍ଚୈବ ଭଗବାନଭ୍ୟବିନ୍ୟସତ୍ ॥ଏକୈକଂ କଲଶଂ ତତ୍ର ଅଭିପୂର୍ୟାଭିମନ୍ତ୍ର୍ୟ ଚ ।ବେଷ୍ଟୟିତ୍ୱା ଚ ସୂତ୍ରେଣ ଦେବେଭ୍ୟଃ ପ୍ରଦଦୌ ବିଭୁଃ ॥ସ ଜଗ୍ରାହ ତଦା ବ୍ରହ୍ମା ଏକଂ କଲଶମାତ୍ମନା ।ବିଷ୍ଣବେ ଚ ଦଦାବେକମେକମିନ୍ଦ୍ରାୟ ଧୀମତେ ।ଗଣପେଭ୍ୟସ୍ତଥା ଚାନ୍ୟାନୃଷିଭ୍ୟଶ୍ଚ ପିତାମହଃ ॥ତତସ୍ତମାସନେ ତସ୍ମିନ୍ନୁପବେଶ୍ୟ ମହାମନାଃ ।ଅର୍ଚୟିତ୍ୱା ତତୋ ବ୍ରହ୍ମା ସ୍ୱୟମେବାଭ୍ୟଷିଞ୍ଚତ ॥ତତୋ ବିଷ୍ଣୁସ୍ତତଃ ଶକ୍ରୋ ଋଷୟଶ୍ଚ ସହାମରୈଃ ।ଗଣାଧିପାଶ୍ଚ ସର୍ୱେ ତେ ଅଭ୍ୟଷିଞ୍ଚନ୍ତ ନନ୍ଦିନମ୍ ॥ବାସୋୟୁଗଂ ଚ ତଦ୍ଦିବ୍ୟଂ ଗନ୍ଧାନ୍ଦିବ୍ୟାଂସ୍ତଥୈବ ଚ ।କେୟୂରେ କୁଣ୍ଡଲେ ଚୈବ ମୁକୁଟଂ ହାରମେବ ଚ ।ପଟ୍ଟିସଂ ଶୂଲବଜ୍ରେ ଚ ଅଶନୀଂ ଚ ଦଦୌ ସ୍ୱୟମ୍ ॥ଛତ୍ତ୍ରଂ ଜଗ୍ରାହ ଦେବେନ୍ଦ୍ରୋ ବାୟୁର୍ୱ୍ୟଜନମେବ ଚ ।ଋଷୟସ୍ତୁଷ୍ଟୁବୁଶ୍ଚୈବ ପିତାମହପୁରୋଗମାଃ ॥ବିଷ୍ଣୁରୁବାଚ ।ନମଃ କୁଷ୍ମାଣ୍ଡରାଜାୟ ବଜ୍ରୋଦ୍ୟତକରାୟ ଚ ।ଶାଲଶ୍ଣ୍କାୟନପୌତ୍ରାୟ ହଲମାର୍ଗୋତ୍ଥିତାୟ ଚ ॥ଶିଲାଦସ୍ୟ ଚ ପୁତ୍ରାୟ ରୁଦ୍ରଜପ୍ୟକରାୟ ଚ ।ରୁଦ୍ରଭକ୍ତାୟ ଦେବାୟ ନମୋଽନ୍ତର୍ଜଲଶାୟିନେ ॥ଗଣାନାଂ ପତୟେ ଚୈବ ଭୂତାନାଂ ପତୟେ ନମଃ ।ଉମାପୁତ୍ରାୟ ଦେବାୟ ପଟ୍ଟିସାୟୁଧଧାରିଣେ ॥ନମୋ ଦଂଷ୍ଟ୍ରାକରାଲାୟ ଲଲାଟନୟନାୟ ଚ ।ପ୍ରମଥାୟ ବରେଣ୍ୟାୟ ଈଶାନାୟାର୍ପିତାୟ ଚ ॥ଦ୍ୱାରାଧ୍ୟକ୍ଷାୟ ଶୂରାୟ ସୁୟଶାପତୟେ ନମଃ ।ନମଃ ପ୍ରବରମାଲାୟ କ୍ଷୀରୋଦନିଲୟାୟ ଚ ॥ମହାଗଣାଧିପତୟେ ମହାୟୋଗେଶ୍ୱରାୟ ଚ ।ଦିଣ୍ଡିମୁଣ୍ଡାୟ ଚଣ୍ଡାୟ ଏକାକ୍ଷରରତାୟ ଚ ॥ଅକ୍ଷୟାୟାମୃତାୟୈବ ଅଜରାୟାମରାୟ ଚ ।ପଶୂନାଂ ପତୟେ ଚୈବ ଜେତ୍ରେ ମୃତ୍ୟୋସ୍ତଥୈବ ଚ ॥ନମଃ ପବନବେଗାୟ ସର୍ୱଜ୍ଞାୟାଜିତାୟ ଚ ।ଅନେକଶିରସେ ଚୈବ ଅନେକଚରଣାୟ ଚ ॥କିରୀଟିନେ କୁଣ୍ଡଲିନେ ମହାପରିଘବାହବେ ।ସର୍ୱାନ୍ଦେବାନ୍ଗଣାଂଶ୍ଚୈବ ପାହି ଦେବ ନମୋଽସ୍ତୁ ତେ ॥ସନତ୍କୁମାର ଉବାଚ ।ଏବଂ ସ୍ତୁତ୍ୱା ତତୋ ଦେବସ୍ତସ୍ମୈ ବ୍ୟାସ ମହାତ୍ମନେ ।ପ୍ରାଞ୍ଜଲିଃ ପ୍ରୟତୋ ଭୂତ୍ୱା ଜୟଶବ୍ଦଂ ଚକାର ହ ॥ତତୋ ଗଣା ଜୟେତ୍ୟୂଚୁସ୍ତତୋ ଦେବାସ୍ତତୋଽସୁରାଃ ।ତତଃ ସର୍ୱାଣି ଭୂତାନି ବ୍ରହ୍ମା ଶକ୍ରସ୍ତଥୈବ ଚ ॥ତତଃ ଶଶ୍ଣ୍ଖାଂଶ୍ଚ ଭେରୀଂଶ୍ଚ ପଟହାଡମ୍ବରାଂସ୍ତଥା ।ବଂଶାଂଶ୍ଚ ପଣବାଂଶ୍ଚୈବ କୃକବାନ୍ଗୋବିଷାଣିକାନ୍ ॥ଦିଣ୍ଡିମାନ୍ୱେଣୁକାଂଶ୍ଚୈବ ମର୍ଦଲାଂଶ୍ଚୈବ ସର୍ୱଶଃ ।ଅବାଦୟନ୍ତ ଗଣପା ହର୍ଷୟନ୍ତୋ ମୁଦା ଯୁତାଃ ॥ସନତ୍କୁମାର ଉବାଚ ।ନନ୍ଦୀଶ୍ୱରସ୍ୟ ଯ ଇମଂ ସ୍ତବଂ ଦେବାଭିନିର୍ମିତମ୍ ।ପଠେତ ସତତଂ ମର୍ତ୍ୟଃ ସ ଗଚ୍ଛେନ୍ମମ ଲୋକତାମ୍ ॥ନମୋ ନନ୍ଦୀଶ୍ୱରାୟେତି କୃତ୍ୱା ଯଃ ସ୍ୱପ୍ନମାଚରେତ୍ ।ତସ୍ୟ କୁଷ୍ମାଣ୍ଡରାଜେଭ୍ୟୋ ନ ଭୟଂ ବିଦ୍ୟତେ କ୍ୱଚିତ୍ ॥ଯତ୍ରାୟଂ ସ୍ଥାପ୍ୟତେ ନିତ୍ୟଂ ସ୍ତବଃ ପରମପୂଜିତଃ ।ନ ଭୟଂ ତତ୍ର ଭବତି ଗ୍ରହେଭ୍ୟୋ ବ୍ୟାସ ସର୍ୱଦା ॥ନନ୍ଦୀଶ୍ୱରଂ ଯେ ପ୍ରଣମନ୍ତି ମର୍ତ୍ୟା ନିତ୍ୟଂ ପ୍ରସନ୍ନେନ୍ଦ୍ରିୟଶୁଦ୍ଧସତ୍ତ୍ୱାଃ ।ତେ ଦେବଦେବସ୍ୟ ସହାଦ୍ରିପୁତ୍ର୍ୟା ଇଷ୍ଟା ବରିଷ୍ଠାଶ୍ଚ ଗଣା ଭବନ୍ତି ॥ଇତି ସ୍କନ୍ଦପୁରାଣେ ଚତୁର୍ୱିଂଶତିମୋଽଧ୍ୟାୟଃ ॥ 24 ॥
Click Link 👇Next ଅଧ୍ୟାୟ
Comments
Post a Comment