ସ୍କନ୍ଦପୁରାଣ ଅଧ୍ୟାୟ ୧୨

 ସ୍କନ୍ଦପୁରାଣ ଅଧ୍ୟାୟ ୧୨

ସନତ୍କୁମାର ଉବାଚ । 
 
ତତଃ ସ ଭଗବାନ୍ଦେବୋ ବ୍ରହ୍ମା ତାମାହ ସୁସ୍ୱରମ୍ ।
ଦେବି ଯେନୈବ ସୃଷ୍ଟାସି ମନସା ଯସ୍ତ୍ୱୟା ବୃତଃ ।
ସ ଭର୍ତା ତବ ଦେବେଶୋ ଭବିତା ମା ତପଃ କୃଥାଃ ॥ 1 ॥
ତତଃ ପ୍ରଦକ୍ଷିଣଂ କୃତ୍ୱା ବ୍ରହ୍ମା ବ୍ୟାସ ଗିରେଃ ସୁତାମ୍ ।
ଜଗାମାଦର୍ଶନଂ ତସ୍ୟାଃ ସା ଚାପି ବିରରାମ ହ ॥ 2 ॥
ସା ଦେବୀ ଯୁକ୍ତମିତ୍ୟେବମୁକ୍ତ୍ୱା ସ୍ୱସ୍ୟାଶ୍ରମସ୍ୟ ହ ।
ଦ୍ୱାରି ଜାତମଶୋକଂ ବୈ ସମୁପାଶ୍ରିତ୍ୟ ସଂସ୍ଥିତା ॥ 3 ॥
ଅଥାଗାଚ୍ଚନ୍ଦ୍ରତିଲକସ୍ତ୍ରିଦଶାର୍ତିହରୋ ହରଃ ।
ବିକୃତଂ ରୂପମାସ୍ଥାୟ ହ୍ରସ୍ୱୋ ବାହୁକ ଏବ ଚ ॥ 4 ॥
ବିଭୁଗ୍ନନାସିକୋ ଭୂତ୍ୱା କୁବ୍ଜଃ କେଶାନ୍ତପିଶ୍ଣ୍ଗଲଃ ।
ଉବାଚ ବିକୃତାସ୍ୟଶ୍ଚ ଦେବି ତ୍ୱାଂ ବରୟାମ୍ୟହମ୍ ॥ 5 ॥
ଅଥୋମା ଯୋଗସଂସିଦ୍ଧା ଜ୍ଞାତ୍ୱା ଶଙ୍କରମାଗତମ୍ ।
ଅନ୍ତର୍ଭାବବିଶୁଦ୍ଧା ସା କ୍ରିୟାନୁଷ୍ଠାନଲିପ୍ସୟା ॥ 6 ॥
ତମୁବାଚାର୍ଘ୍ୟମାନାୟ୍ୟ ମଧୁପର୍କେଣ ଚୈବ ହି ।
ସମ୍ପୂଜ୍ୟ ସସୁଖାସୀନଂ ବ୍ରାହ୍ମଣଂ ବ୍ରାହ୍ମଣପ୍ରିୟା ॥ 7 ॥

 

ଦେବ୍ୟୁବାଚ ।
ଭଗବନ୍ନସ୍ୱତନ୍ତ୍ରାସ୍ମି ପିତା ମେଽସ୍ତ୍ୟରଣୀ ତଥା ।
ତୌ ପ୍ରଭୂ ମମ ଦାନେ ବୈ କନ୍ୟାହଂ ଦ୍ୱିଜପୁଙ୍ଗବ ॥ 8 ॥
ଗତ୍ୱା ଯାଚସ୍ୱ ପିତରଂ ମମ ଶୈଲେନ୍ଦ୍ରମବ୍ୟଯମ୍ ।
ସ ଚେଦ୍ଦଦାତି ମାଂ ବିପ୍ର ତୁଭ୍ୟଂ ତଦ୍ରୁଚିତଂ ମମ ॥ 9 ॥

 

ସନତ୍କୁମାର ଉବାଚ ।
ତତଃ ସ ଭଗବାନ୍ଦେବସ୍ତଥୈବ ବିକୃତଃ ପ୍ରଭୁଃ ।
ଉବାଚ ଶୈଲରାଜଂ ତମୁମାଂ ମେ ଯଚ୍ଛ ଶୈଲରାଟ୍ ॥ 10 ॥
ସ ତଂ ବିକୃତରୂପେଣ ଜ୍ଞାତ୍ୱା ରୁଦ୍ରମଥାବ୍ୟଯମ୍ ।
ଭୀତଃ ଶାପାଚ୍ଚ ବିମନା ଇଦଂ ବଚନମବ୍ରବୀତ୍ ॥ 11 ॥
ଭଗବନ୍ନାବମନ୍ୟାମି ବ୍ରାହ୍ମଣାନ୍ଭୂମିଦୈବତାନ୍ ।
ମନୀଷିତଂ ତୁ ଯତ୍ପୂର୍ୱଂ ତଚ୍ଛୃଣୁଷ୍ୱ ମହାତପଃ ॥ 12 ॥
ସ୍ୱୟଂବରୋ ମେ ଦୁହିତୁର୍ଭବିତା ବିପ୍ରପୂଜିତଃ ।
ବରୟେଦ୍ୟଂ ସ୍ୱୟଂ ତତ୍ର ସ ଭର୍ତାସ୍ୟା ଭବେଦିତି ॥ 13 ॥

 

ସନତ୍କୁମାର ଉବାଚ ।
ତଚ୍ଛ୍ରୁତ୍ୱା ଶୈଲବଚନଂ ଭଗବାନ୍ଗୋବୃଷଧ୍ୱଜଃ ।
ଦେବ୍ୟାଃ ସମୀପମାଗତ୍ୟ ଇଦମାହ ମହାମନାଃ ॥ 14 ॥
ଦେବି ପିତ୍ରା ତବାଜ୍ଞପ୍ତଃ ସ୍ୱୟଂବର ଇତି ଶ୍ରୁତମ୍ ।
ତତ୍ର ତ୍ୱଂ ବରୟିତ୍ରୀ ଯଂ ସ ତେ ଭର୍ତା କିଲାନଘେ ॥ 15 ॥
ତଦାପୃଚ୍ଛେ ଗମିଷ୍ୟାମି ଦୁର୍ଲଭା ତ୍ୱଂ ବରାନନେ ।
ରୂପବନ୍ତଂ ସମୁତ୍ସୃଜ୍ୟ ବୃଣୀଥା ମାଦୃଶଂ କଥମ୍ ॥ 16 ॥

 

ସନତ୍କୁମାର ଉବାଚ ।
ତେନୋକ୍ତା ସା ତଦା ତତ୍ର ଭାବୟନ୍ତୀ ତଦୀରିତମ୍ ।
ଭାବଂ ଚ ରୁଦ୍ରନିହିତଂ ପ୍ରସାଦଂ ମନସସ୍ତଥା ॥ 17 ॥
ସମ୍ପ୍ରାପ୍ୟୋବାଚ ଦେବେଶଂ ମା ତେ ଭୂଦ୍ବୁଦ୍ଧିରନ୍ୟଥା ।
ଅହଂ ତ୍ୱାଂ ବରୟିଷ୍ୟାମି ନାନ୍ୟଦ୍ଭୂତଂ କଥଞ୍ଚନ ॥ 18 ॥
ଅଥ ବା ତେଽସ୍ତି ସନ୍ଦେହୋ ମୟି ବିପ୍ର କଥଞ୍ଚନ ।
ଇହୈବ ତ୍ୱାଂ ମହାଭାଗ ବରୟାମି ମନୋରଥମ୍ ॥ 19 ॥

 

ସନତ୍କୁମାର ଉବାଚ ।
ଗୃହୀତ୍ୱା ସ୍ତବକଂ ସା ତୁ ହସ୍ତାଭ୍ୟାଂ ତତ୍ର ସଂସ୍ଥିତମ୍ ।
ସ୍କନ୍ଧେ ଶମ୍ଭୋଃ ସମାଦାୟ ଦେବୀ ପ୍ରାହ ବୃତୋଽସି ମେ ॥ 20 ॥
ତତଃ ସ ଭଗବାନ୍ଦେବସ୍ତଥା ଦେବ୍ୟା ବୃତସ୍ତଦା ।
ଉବାଚ ତମଶୋକଂ ବୈ ବାଚା ସଞ୍ଜୀବୟନ୍ନିବ ॥ 21॥
ଯସ୍ମାତ୍ତବ ସୁପୁଷ୍ପେଣ ସ୍ତବକେନ ବୃତୋ ହ୍ୟହମ୍ ।
ତସ୍ମାତ୍ତ୍ୱଂ ଜରୟା ତ୍ୟକ୍ତଃ ଅମରଃ ସମ୍ଭବିଷ୍ୟସି ॥ 22 ॥
କାମରୂପଃ କାମପୁଷ୍ପଃ କାମଗୋ ଦୟିତୋ ମମ ।
ସର୍ୱାଭରଣପୁଷ୍ପାଢ୍ୟଃ ସର୍ୱବୃକ୍ଷଫଲୋପଗଃ ॥ 23 ॥
ସର୍ୱାନ୍ନଭକ୍ଷଦଶ୍ଚୈବ ଅମୃତସ୍ରବ ଏବ ଚ ।
ସର୍ୱଗନ୍ଧଶ୍ଚ ଦେବ୍ୟାସ୍ତ୍ୱଂ ଭବିଷ୍ୟସି ଦୃଢଂ ପ୍ରିୟଃ ।
ନିର୍ଭୟଃ ସର୍ୱଲୋକେଷୁ ଚରିଷ୍ୟସି ସୁନିର୍ୱୃତଃ ॥ 24 ॥
ଆଶ୍ରମଂ ଚୈବମତ୍ୟର୍ଥଂ ଚିତ୍ରକୂଟେତି ବିଶ୍ରୁତମ୍ ।
ଯୋଽଭିୟାସ୍ୟତି ପୁଣ୍ୟାର୍ଥୀ ସୋଽଶ୍ୱମେଧମବାପ୍ସ୍ୟତି ।
ଯତ୍ର ତତ୍ର ମୃତଶ୍ଚାପି ବ୍ରହ୍ମଲୋକଂ ଗମିଷ୍ୟତି ॥ 25 ॥
ଯଶ୍ଚାତ୍ର ନିୟମୈର୍ୟୁକ୍ତଃ ପ୍ରାଣାନ୍ସମ୍ୟକ୍ପରିତ୍ୟଜେତ୍ ।
ସ ଦେବ୍ୟାସ୍ତପସା ଯୁକ୍ତୋ ମହାଗଣପତିର୍ଭବେତ୍ ॥ 26 ॥

 

ସନତ୍କୁମାର ଉବାଚ ।
ଏବମୁକ୍ତ୍ୱା ତଦା ଦେବ ଆପୃଚ୍ଛ୍ୟ ହିମବତ୍ସୁତାମ୍ ।
ଅନ୍ତର୍ଦଧେ ଜଗତ୍ସ୍ରଷ୍ଟା ସର୍ୱଭୂତପ ଈଶ୍ୱରଃ ॥ 27 ॥
ସାପି ଦେବୀ ଗତେ ତସ୍ମିନ୍ଭଗବତ୍ୟମିତାତ୍ମନି ।
ତତ ଏବୋନ୍ମୁଖୀ ସ୍ଥିତ୍ୱା ଶିଲାୟାଂ ସଂବିବେଶ ହ ॥ 28 ॥
ଉନ୍ମୁଖୀ ସା ଗତେ ତସ୍ମିନ୍ମହେଷ୍ୱାସେ ପ୍ରଜାପତୌ ।
ନିଶେବ ଚନ୍ଦ୍ରରହିତା ସା ବଭୌ ବିମନାସ୍ତଦା ॥ 29 ॥
ଅଥ ଶୁଶ୍ରାବ ସା ଶବ୍ଦଂ ବାଲସ୍ୟାର୍ତସ୍ୟ ଶୈଲଜା ।
ସରସ୍ୟୁଦକସମ୍ପୂର୍ଣେ ସମୀପେ ଚାଶ୍ରମସ୍ୟ ହ ॥ 30 ॥
ସ କୃତ୍ୱା ବାଲରୂପଂ ତୁ ଦେବଦେବଃ ସ୍ୱୟଂ ଶିବଃ ।
କ୍ରୀଡାହେତୋଃ ସରୋମଧ୍ୟେ ଗ୍ରାହଗ୍ରସ୍ତୋଽଭବତ୍ତଦା ॥ 31॥
ଯୋଗମାୟାମଥାସ୍ଥାୟ ପ୍ରପଞ୍ଚୋଦ୍ଭବକାରଣମ୍ ।
ତଦ୍ରୂପଂ ସରସୋ ମଧ୍ୟେ କୃତ୍ୱେଦଂ ସମଭାଷତ ।
ତ୍ରାତୁ ମାଂ କଶ୍ଚିଦେତ୍ୟେହ ଗ୍ରାହେଣ ହୃତଚେତସମ୍ ॥ 32 ॥
ଧିକ୍କଷ୍ଟଂ ବାଲ ଏବାହମପ୍ରାପ୍ତାର୍ଥମନୋରଥଃ ।
ଯାସ୍ୟାମି ନିଧନଂ ବକ୍ତ୍ରେ ଗ୍ରାହସ୍ୟାସ୍ୟ ଦୁରାତ୍ମନଃ ॥ 33 ॥
ଶୋଚାମି ନ ସ୍ୱକଂ ଦେହଂ ଗ୍ରାହଗ୍ରସ୍ତୋଽପି ଦୁଃଖିତଃ ।
ଯଥା ଶୋଚାମି ପିତରଂ ମାତରଂ ଚ ତପସ୍ୱିନୀମ୍ ॥ 34 ॥
ମାଂ ଶ୍ରୁତ୍ୱା ଗ୍ରାହବଦନେ ପ୍ରାପ୍ତଂ ନିଧନମୁତ୍ସୁକୌ ।
ପ୍ରିୟପୁତ୍ରାବେକପୁତ୍ରୌ ପ୍ରାଣାନ୍ନୂନଂ ବିହାସ୍ୟତଃ ॥ 35 ॥

 

ସନତ୍କୁମାର ଉବାଚ ।
ଶ୍ରୁତ୍ୱା ତୁ ଦେବୀ ତଂ ନାଦଂ ବିପ୍ରସ୍ୟାର୍ତସ୍ୟ ଶୋଭନା ।
ଉତ୍ଥାୟ ପ୍ରଦ୍ରୁତା ତତ୍ର ଯତ୍ର ତିଷ୍ଠତ୍ୟସୌ ଦ୍ୱିଜଃ ॥ 36 ॥
ସାପଶ୍ୟଦିନ୍ଦୁବଦନା ବାଲକଂ ଚାରୁରୂପିଣମ୍ ।
ଗ୍ରାହେଣ ଗ୍ରସ୍ୟମାନଂ ତଂ ବେପମାନମବସ୍ଥିତମ୍ ॥ 37 ॥
ସୋଽପି ଗ୍ରାହବରଃ ଶ୍ରୀମାନ୍ଦୃଷ୍ଟ୍ୱା ଦେବୀମୁପାଗତାମ୍ ।
ତଂ ଗୃହୀତ୍ୱା ଦ୍ରୁତଂ ଯାତୋ ମଧ୍ୟଂ ସରସ ଏବ ହ ॥ 38 ॥
ସ କୃଷ୍ୟମାଣସ୍ତେଜସ୍ୱୀ ନାଦମାର୍ତଂ ତଦାକରୋତ୍ ।
ଅଥାହ ଦେବୀ ଦୁଃଖାର୍ତା ବାଲଂ ଦୃଷ୍ଟ୍ୱା ମହାବ୍ରତା ॥ 39 ॥
ଗ୍ରାହରାଜ ମହାସତ୍ତ୍ୱ ବାଲକଂ ହ୍ୟେକପୁତ୍ରକମ୍ ।
ବିସୃଜୈନଂ ମହାଦଂଷ୍ଟ୍ର କ୍ଷିପ୍ରଂ ଭୀମପରାକ୍ରମ ॥ 40 ॥

 

ଗ୍ରାହ ଉବାଚ ।
ଯୋ ଦେବି ଦିବସେ ଷଷ୍ଠେ ପ୍ରଥମଂ ସମୁପୈତି ମାମ୍ ।
ସ ଆହାରୋ ମମ ପୁରା ବିହିତୋ ଲୋକକର୍ତୃଭିଃ ॥ 41 ॥
ସୋଽୟଂ ମମ ମହାଭାଗେ ଷଷ୍ଠେଽହନି ଗିରୀନ୍ଦ୍ରଜେ ।
ବ୍ରହ୍ମଣା ବିହିତୋ ନୂନଂ ନୈନଂ ମୋକ୍ଷ୍ୟେ କଥଞ୍ଚନ ॥ 42 ॥

 

ଦେବ୍ୟୁବାଚ ।
ଯନ୍ମୟା ହିମବଚ୍ଛୃଶ୍ଣ୍ଗେ ଚରିତଂ ତପ ଉତ୍ତମମ୍ ।
ତେନ ବାଲମିମଂ ମୁଞ୍ଚ ଗ୍ରାହରାଜ ନମୋଽସ୍ତୁ ତେ ॥ 43 ॥

 

ଗ୍ରାହ ଉବାଚ ।
ମା ବ୍ୟଯଂ ତପସୋ ଦେବି କାର୍ଷୀଃ ଶୈଲେନ୍ଦ୍ରନନ୍ଦନେ ।
ନୈନଂ ମୋଚୟିତୁଂ ଶକ୍ତୋ ଦେବରାଜୋଽପି ସ ସ୍ୱୟମ୍ ॥ 44 ॥
ମହ୍ୟମୀଶେନ ତୁଷ୍ଟେନ ଶର୍ୱେଣୋଗ୍ରେଣ ଶୂଲିନା ।
ଅମରତ୍ୱମବଧ୍ୟତ୍ୱମକ୍ଷୟଂ ବଲମେବ ଚ ॥ 45 ॥
ସ୍ୱୟଙ୍ଗ୍ରହଣମୋକ୍ଷଶ୍ଚ ଜ୍ଞାନଂ ଚୈବାବ୍ୟଯଂ ପୁନଃ ।
ଦତ୍ତଂ ତତୋ ବ୍ରବୀମି ତ୍ୱାଂ ନାୟଂ ମୋକ୍ଷମବାପ୍ସ୍ୟତି ॥ 46 ॥
ଅଥ ବା ତେ କୃପା ଦେବି ଭୃଶଂ ବାଲେ ଶୁଭାନନେ ।
ବ୍ରବୀମି ଯତ୍କୁରୁ ତଥା ତତୋ ମୋକ୍ଷମବାପ୍ସ୍ୟତି ॥ 47 ॥

 

ଦେବ୍ୟୁବାଚ ।
ଗ୍ରାହାଧିପ ବଦସ୍ୱାଶୁ ଯତ୍ସତାମବିଗର୍ହିତମ୍ ।
ତତ୍କୃତଂ ନାତ୍ର ସନ୍ଦେହୋ ମାନ୍ୟା ମେ ବ୍ରାହ୍ମଣା ଦୃଢମ୍ ॥ 48 ॥

 

ଗ୍ରାହ ଉବାଚ ।
ଯତ୍କୃତଂ ବୈ ତପଃ କିଞ୍ଚିଦ୍ଭବତ୍ୟା ସ୍ୱଲ୍ପମନ୍ତଶଃ ।
ତତ୍ସର୍ୱଂ ମେ ପ୍ରୟଚ୍ଛସ୍ୱ ତତୋ ମୋକ୍ଷମବାପ୍ସ୍ୟତି ॥ 49 ॥

 

ଦେବ୍ୟୁବାଚ ।
ଜନ୍ମପ୍ରଭୃତି ଯତ୍ପୁଣ୍ୟଂ ମହାଗ୍ରାହ କୃତଂ ମୟା ।
ତତ୍ତେ ସର୍ୱଂ ମୟା ଦତ୍ତଂ ବାଲଂ ମୁଞ୍ଚ ମମାଗ୍ରତଃ ॥ 50 ॥

 

ସନତ୍କୁମାର ଉବାଚ ।
ପ୍ରଜଜ୍ୱାଲ ତତୋ ଗ୍ରାହସ୍ତପସା ତେନ ବୃଂହିତଃ ।
ଆଦିତ୍ୟ ଇବ ମଧ୍ୟାହ୍ନେ ଦୁର୍ନିରୀକ୍ଷ୍ୟସ୍ତଦାଭବତ୍ ॥ 51 ॥
ଉବାଚ ଚେଦଂ ତୁଷ୍ଟାତ୍ମା ଦେବୀଂ ଲୋକସ୍ୟ ଧାରିଣୀମ୍ ।
ଦେବି କିଂ କୃତମେତତ୍ତେ ଅନିଶ୍ଚିତ୍ୟ ମହାବ୍ରତେ ।
ତପସୋ ହ୍ୟର୍ଜନଂ ଦୁଃଖଂ ତସ୍ୟ ତ୍ୟାଗୋ ନ ଶସ୍ୟତେ ॥ 52 ॥
ଗୃହାଣ ତପ ଏତଚ୍ଚ ବାଲଂ ଚେମଂ ଶୁଚିସ୍ମିତେ ।
ତୁଷ୍ଟୋଽସ୍ମି ତେ ବିପ୍ରଭକ୍ତ୍ୟା ବରଂ ତସ୍ମାଦ୍ଦଦାମି ତେ ॥ 53 ॥
ସା ତ୍ୱେବମୁକ୍ତା ଗ୍ରାହେଣ ଉବାଚେଦଂ ମହାବ୍ରତା ।
ସୁନିଶ୍ଚିତ୍ୟ ମହାଗ୍ରାହ କୃତଂ ବାଲସ୍ୟ ମୋକ୍ଷଣମ୍ ।
ନ ବିପ୍ରେଭ୍ୟସ୍ତପଃ ଶ୍ରେଷ୍ଠଂ ଶ୍ରେଷ୍ଠା ମେ ବ୍ରାହ୍ମଣା ମତାଃ ॥ 54 ॥
ଦତ୍ତ୍ୱା ଚାହଂ ନ ଗୃହ୍ଣାମି ଗ୍ରାହେନ୍ଦ୍ର ବିଦିତଂ ହି ତେ ।
ନ ହି କଶ୍ଚିନ୍ନରୋ ଗ୍ରାହ ପ୍ରଦତ୍ତଂ ପୁନରାହରେତ୍ ॥ 55 ॥
ଦତ୍ତମେତନ୍ମୟା ତୁଭ୍ୟଂ ନାଦଦାନି ହି ତତ୍ପୁନଃ ।
ତ୍ୱୟ୍ୟେବ ରମତାମେତଦ୍ବାଲଶ୍ଚାୟଂ ବିମୁଚ୍ୟତାମ୍ ॥ 56 ॥
ତଥୋକ୍ତସ୍ତାଂ ପ୍ରଶସ୍ୟାଥ ମୁକ୍ତ୍ୱା ବାଲଂ ନମସ୍ୟ ଚ ।
ଦେବୀମାଦିତ୍ୟସଦ୍ଭାସଂ ତତ୍ରୈବାନ୍ତରଧୀୟତ ॥ 57 ॥
ବାଲୋଽପି ସରସସ୍ତୀରେ ମୁକ୍ତୋ ଗ୍ରାହେଣ ବୈ ତଦା ।
ସ୍ୱପ୍ନଲବ୍ଧ ଇବାର୍ଥୌଘସ୍ତତ୍ରୈବାନ୍ତରଧୀୟତ ॥ 58 ॥
ତପସୋଽଥ ବ୍ୟଯଂ ମତ୍ୱା ଦେବୀ ହିମଗିରୀନ୍ଦ୍ରଜା ।
ଭୂୟ ଏବ ତପଃ କର୍ତୁମାରେଭେ ଯତ୍ନମାସ୍ଥିତା ॥ 59 ॥
କର୍ତୁକାମାଂ ତପୋ ଭୂୟୋ ଜ୍ଞାତ୍ୱା ତାଂ ଶଙ୍କରଃ ସ୍ୱୟମ୍ ।
ପ୍ରୋବାଚ ବଚନଂ ବ୍ୟାସ ମା କୃଥାସ୍ତପ ଇତ୍ୟୁତ ॥ 60 ॥
ମହ୍ୟମେତତ୍ତପୋ ଦେବି ତ୍ୱୟା ଦତ୍ତଂ ମହାବ୍ରତେ ।
ତେନୈବମକ୍ଷୟଂ ତୁଭ୍ୟଂ ଭବିଷ୍ୟତି ସହସ୍ରଧା ॥ 61 ॥
ଇତି ଲବ୍ଧ୍ୱା ବରଂ ଦେବୀ ତପସୋଽକ୍ଷୟ୍ୟମୁତ୍ତମମ୍ ।
ସ୍ୱୟଂବରମୁଦୀକ୍ଷନ୍ତୀ ତସ୍ଥୌ ପ୍ରୀତିମୁଦାୟୁତା ॥ 62 ॥
ଇଦଂ ପଠେଦ୍ୟୋ ହି ନରଃ ସଦୈବ ବାଲାନୁଭାବାଚରଣଂ ହି ଶମ୍ଭୋଃ ।
ସ ଦେହଭେଦଂ ସମବାପ୍ୟ ପୂତୋ ଭବେଦ୍ଗଣସ୍ତସ୍ୟ କୁମାରତୁଲ୍ୟଃ ॥ 63 ॥

 

ଇତି ସ୍କନ୍ଦପୁରାଣେ ଦ୍ୱାଦଶମୋଽଧ୍ୟାୟଃ ॥ 12 ॥





Click Link 👇Next ଅଧ୍ୟାୟ




Comments

Post a Comment

Popular posts from this blog

ଶ୍ରୀ ଜଗନ୍ନାଥ ପଞ୍ଚରାତ୍ର (ଉତ୍କଳ ଖଣ୍ଡ) - ଜଗନ୍ନାଥ ଜଣାଣ

ବ୍ରହ୍ମେନ୍ଦ୍ର ଋଦ୍ର କମଲେଶ ଦିନେଶ ଚନ୍ଦ୍ର ।  ସଂଧ୍ୟା ସମାଜ ମୁକା ଚିତ ପଦମ ଦେବୀ ।। ତ୍ରିଲୋକ ଜନନୀ ତ୍ରିଗୁଣ ସ୍ବରୂପମ ଧ୍ୟାୟଂ ।  ନୀଲ ଚୁରମ ତାଲୀ ନାଗ ପଞ୍ଚମ୍ ।। ଶ୍ରୀ ଜଗନ୍ନାଥ ପଞ୍ଚରାତ୍ର ଉତ୍କଳ ଖଣ୍ଡ - ଜଗନ୍ନାଥ ଜଣାଣ ପ୍ରଥମ ଅଧ୍ୟାୟ  - ପୁରୁଷୋତ୍ତମକ୍ଷେତ୍ର  ମାହାତ୍ମ୍ୟ ୨ୟ ଅଧ୍ୟାୟ  - ଲକ୍ଷ୍ମୀ ଯମରାଜ ସମ୍ବାଦ କ୍ଷେତ୍ର  ମାହାତ୍ମ୍ୟ ୩ୟ ଅଧ୍ୟାୟ  - ଲକ୍ଷ୍ମୀ ଯମରାଜ ସମ୍ବାଦ ୪ର୍ଥ ଅଧ୍ୟାୟ  - ପୁଣ୍ଡରୀକ ଅମ୍ବରୀଷ ଶ୍ରୀକ୍ଷେତ୍ର ଗମନ ୫ମ ଅଧ୍ୟାୟ  - ପୁଣ୍ଡରୀକ ଅମ୍ବରୀଷ ଉପାଖ୍ୟାନ ୬ଷ୍ଠ ଅଧ୍ୟାୟ  - ଉତ୍କଳ ବର୍ଣ୍ଣନ ୭ମ ଅଧ୍ୟାୟ  - ବିଦ୍ୟାପତି ନୀଳାଚଳ ପ୍ରବେଶ ୮ମ ଅଧ୍ୟାୟ  - ବିଦ୍ୟାପତି ନୀଳମାଧବ ଦର୍ଶନ ୯ମ ଅଧ୍ୟାୟ  - ଇନ୍ଦଦ୍ୟୁମ୍ ନିର୍ମାଲ୍ୟମାଳା ଗ୍ରହଣ ୧୦ମ ଅଧ୍ୟାୟ  - ଇନ୍ଦ୍ରଦ୍ୟୁମ୍ନ ନାରଦ ସମ୍ବାଦେ ଭକ୍ତି ଲକ୍ଷଣ ମାହାତ୍ମ୍ୟ  ଏକାଦଶ ଅଧ୍ୟାୟ  - ଇନ୍ଦ୍ରଦ୍ୟୁମ୍ନ ରାଜା ଉତ୍କଳଦେଶ ପ୍ରବେଶ ଦ୍ବାଦଶ ଅଧ୍ୟାୟ   -  ଇନ୍ଦ୍ରଦ୍ୟୁମ୍ନ ରାଜା ନାରଦ ସହ ଏକାମ୍ରକାନନ ପ୍ରବେଶ ତ୍ରୟୋଦଶ ଅଧ୍ୟାୟ  - ପୁରୁଷୋତ୍ତମ କ୍ଷେତ୍ର ପ୍ରସଚ୍ଚେ  ଶ୍ରୀ କପୋତେଶ୍ଵର ବିଲେଶ୍ଵର ଚରିତ ବର୍ଣ୍ଣନ ଚତୁର୍ଦଶ ଅଧ୍ୟାୟ  - ଶ୍ରୀ ନୀଳମାଧବ ଅନ୍ତହିତେ ଇନ୍ଦ୍ରଦ୍ୟୁମ୍ନ ଶୋକ ବର୍ଣ୍ଣନ ପଞ୍ଚଦଶ ...
Read more

ସ୍କନ୍ଦପୁରାଣ ଅଧ୍ୟାୟ ୧

Image
ବ୍ରହ୍ମେନ୍ଦ୍ର ଋଦ୍ର କମଲେଶ ଦିନେଶ ଚନ୍ଦ୍ର |  ସଂଧ୍ୟା ସମାଜ ମୁକା ଚିତ ପଦମ ଦେବୀ  ତ୍ରିଲୋକ ଜନନୀ ତ୍ରିଗୁଣ ସ୍ବରୂପମ ଧ୍ୟାୟଂ |  ନୀଲ ଚୁରମ ତାଲୀ ନାଗ ପଞ୍ଚମ୍ || ସ୍କନ୍ଦପୁରାଣ ଅଧ୍ୟାୟ ୧ ନମଃ ପରମଦେବାୟ ତ୍ରୈଗୁଣ୍ୟାବିଜିତାତ୍ମନେ । ସର୍ୱତୋ ଯୋଗରୂପାୟ ସଂସାରାଭାବହେତବେ ॥ 1 ॥ ସ୍ଥିତିସଂରୋଧସର୍ଗାଣାଂ ହେତବେଽନ୍ତଃପ୍ରସାରିଣେ । ଷଡ୍ୱିଂଶାୟ ପ୍ରଧାନାୟ ମହାଦେବାୟ ଧୀମତେ ॥ 2 ॥ ପ୍ରଜାପତେର୍ମହାକ୍ଷେତ୍ରେ ଗଶ୍ଣ୍ଗାକାଲିନ୍ଦିସଙ୍ଗମେ । ପ୍ରୟାଗେ ପରମେ ପୁଣ୍ୟେ ବ୍ରହ୍ମଣୋ ଲୋକବର୍ତ୍ମନି ॥ 3 ॥ ମୁନୟଃ ସଂଶିତାତ୍ମାନସ୍ତପସା କ୍ଷୀଣକଲ୍ମଷାଃ । ତୀର୍ଥସମ୍ପ୍ଲବନାର୍ଥାୟ ପୌର୍ଣମାସ୍ୟାଂ କୃତାହ୍ନିକାଃ ॥ 4 ॥ ପୌରାଣିକମପଶ୍ୟନ୍ତ ସୂତଂ ସତ୍ୟପରାୟଣମ୍ । ସ୍ନାତ୍ୱା ତସ୍ମିନ୍ମହାତୀର୍ଥେ ପ୍ରଣାମାର୍ଥମୁପାଗତମ୍ ॥ 5 ॥ ଦୃଷ୍ଟ୍ୱା ତେ ସୂତମାୟାନ୍ତମୃଷୟୋ ହୃଷ୍ଟମାନସାଃ । ଆଶାସ୍ୟାସନସଂବେଶଂ ତଦ୍ୟୋଗ୍ୟଂ ସମକଲ୍ପୟନ୍ ॥ 6 ॥ ସ ପ୍ରଣମ୍ୟ ଚ ତାନ୍ସର୍ୱାନ୍ସୂତସ୍ତାନ୍ମୁନିପୁଙ୍ଗବାନ୍ । ପ୍ରଦତ୍ତମାସନଂ ଭେଜେ ସର୍ୱଧର୍ମସମନ୍ୱିତଃ ॥ 7 ॥ ତମାସୀନମପୃଚ୍ଛନ୍ତ ମୁନୟସ୍ତପସୈଧିତାଃ । ବ୍ରହ୍ମସତ୍ତ୍ରେ ପୁରା ସାଧୋ ନୈମିଶାରଣ୍ୟବାସିନାମ୍ ॥ 8 ॥ କଥିତଂ ଭାରତାଖ୍ୟାନଂ ପୁରାଣଂ ଚ ପରଂ ତ୍ୱୟା । ତେନ ନଃ ପ୍ରତିଭାସି ତ୍ୱଂ ସାକ୍ଷାତ୍ସତ୍ୟବତୀସୁତଃ ॥ 9 ॥ ସର୍ୱାଗମପରାର୍ଥଜ୍ଞଃ ସ...
Read more

ଶ୍ରୀ ଜଗନ୍ନାଥ ପଞ୍ଚରାତ୍ର ପ୍ରଥମୋଧ୍ୟୋୟଃ

  ପ୍ରଥମ ଅଧ୍ୟାୟ ଏକ ସମୟରେ ସର୍ବ ମୁନିଗଣ ମିଳି ଜୈମିନି ମୁନିଙ୍କ ପାଶେ କରିଲେ ଯେ ଅଳି । ହେ ମହର୍ଷି ଅଟ ତୁମ୍ଭେ ସର୍ବଶାସ୍ତ୍ ବେତ୍ତା ଯେ ତୀର୍ଥର ଯେ ମାହାତ୍ମ୍ୟ ଯେ ସକଳଙ୍ଞାତା ଶ୍ରୀପୁରୁଷୋତ୍ତମ କ୍ଷେତ୍ର ସର୍ବତୀଥୈ ସାର ଇତି ପୂର୍ବେ କହୁଅଛି ଆହେ ମୁନିବର ମନୁଷ୍ୟ ଲୀଳା କରିବା ପାଇଁ ନାରାୟଣ ନୀଳାଚଳେ ଦାରୁବ୍ରହ୍ମଂରୂପେ ବିଦ୍ୟମାନ ଯାହାର ଦର୍ଶନ ମାତ୍ରେ ସାକ୍ଷାତରେ ମୁଚ୍ତି ସକଳ ତୀର୍ଥର ଫଳ ମିଳଇ ଝଟତି ସେହି କ୍ଷେତ୍ରଟିକୁ କେଉଁ ବ୍ୟକ୍ତି ନିର୍ମାଣିଛି ତାହା ଶୁଣିବାକୁ ଆମ୍ଭ ଶରଧା ବଢ଼ିଛି ପରମ ପୁରୁଷ ନାରାୟଣ ଭଗବାନ ଜ୍ୟୋତି ସ୍ଵରୂପରେ ସଦାକାଳେ ବିଦ୍ୟମାନ । କି ନିମିତ୍ତ ଦାରୁମୟ ରୂପକୁ ଧଇଲେ ଶ୍ରୀପୁରୁଷୋତ୍ତମ କ୍ଷେତ୍ରେ ପ୍ରକାଶ ହୋଇଲେ । ତାହା ଶୁଣିବାକୁ ଶ୍ରଦ୍ଧା ହୋଇଅଛି ଜାତ ଆପଣ ତ ଲୋକ ଗୁରୁ ଆଉ ସୁପଣ୍ଡିତ ଜେମନ ଉବାଚ ମୁନିଗଣ ଶୁଣ ସର୍ବେ ଏ ରହସ୍ୟ କଥା ଶିବଙ୍କ ମୁଖୁ କାରିକ ଶୁଣି ଏ ବାରତା ମନ୍ଦର ପର୍ବତେ ଗଲେ ଆନନ୍ଦିତ ମନେ ସଭା କରୁଛନ୍ତି ବସି ତହିଁ ଦେବଗଣେ । ଯାହା ଶୁଣିଥିଲୁ ତାହା କରୁଛୁ ବର୍ଣ୍ତନ ପୂରୁଷୋତ୍ତମ କ୍ଷେତ୍ରରେ ମହିମା ଏସନ ଯେତେବେଳେ ଗଲୁ ଆମ୍ଭେ ଶିବ ପୂଜିବାକୁ ଶିବଙ୍କ କଳା ଶୁଣିଲୁ କାଉିକେୟ ମୁଖୁ ଯେଉଁ ଜନ ତ ନୁହଇ ବିଷ୍ଣୁ ପରାୟଣ ଭକ୍ତି ଜାତ ହୁଏ ନାହିଁ କରିଲେ ଶ୍ରବଣ । କିନ୍ତୁ ସେ କ୍ଷେତ୍ର ମହିମା କରିଲେ କୀର୍ଉନ ହୃଦୟରେ ତମୋଗୁଣ ହୋଇଯାଏ ଲୀନ । ଜଗନ୍ନାଥ ସର୍ବବ୍ୟାପ...
Read more