ସ୍କନ୍ଦପୁରାଣ ଅଧ୍ୟାୟ ୪


 ସ୍କନ୍ଦପୁରାଣ ଅଧ୍ୟାୟ ୪

ସନତ୍କୁମାର ଉବାଚ ।

ପ୍ରାଜାପତ୍ୟଂ ତତୋ ଲବ୍ଧ୍ୱା ପ୍ରଜାଃ ସ୍ରଷ୍ଟୁଂ ପ୍ରଚକ୍ରମେ ।
ପ୍ରଜାସ୍ତାଃ ସୃଜ୍ୟମାନାଶ୍ଚ ନ ବିବର୍ଧନ୍ତି ତସ୍ୟ ହ ॥ 1 ॥
ସ କୁର୍ୱାଣସ୍ତଥା ସୃଷ୍ଟିଂ ଶକ୍ତିହୀନଃ ପିତାମହଃ ।
ସୃଷ୍ଟ୍ୟର୍ଥଂ ଭୂୟ ଏବାଥ ତପଶ୍ଚର୍ତୁଂ ପ୍ରଚକ୍ରମେ ॥ 2 ॥
ସୃଷ୍ଟିହେତୋସ୍ତପସ୍ତସ୍ୟ ଜ୍ଞାତ୍ୱା ତ୍ରିଭୁବନେଶ୍ୱରଃ ।
ତେଜସା ଜଗଦାବିଶ୍ୟ ଆଜଗାମ ତଦନ୍ତିକମ୍ ।
ସ୍ରଷ୍ଟା ତସ୍ୟ ଜଗନ୍ନାଥୋଽଦର୍ଶୟତ୍ସ୍ୱତନୌ ଜଗତ୍ ॥ 3 ॥
ସ୍ୱୟମାଗତ୍ୟ ଦେବେଶୋ ମହାଭୂତପତିର୍ହରଃ ।
ବ୍ୟାପ୍ୟେବ ହି ଜଗତ୍କୃତ୍ସ୍ନଂ ପରମେଣ ସ୍ୱତେଜସା ।
ଶମ୍ଭୁଃ ପ୍ରାହ ବରଂ ବତ୍ସ ଯାଚସ୍ୱେତି ପିତାମହମ୍ ॥ 4 ॥
ତଂ ବ୍ରହ୍ମା ଲୋକସୃଷ୍ଟ୍ୟର୍ଥଂ ପୁତ୍ରସ୍ତ୍ୱଂ ମନସାବ୍ରବୀତ୍ ।
ସ ଜ୍ଞାତ୍ୱା ତସ୍ୟ ସଙ୍କଲ୍ପଂ ବ୍ରହ୍ମଣଃ ପରମେଶ୍ୱରଃ ।
ମୂଢୋଽୟମିତି ସଞ୍ଚିନ୍ତ୍ୟ ପ୍ରୋବାଚ ବରଦଃ ସ୍ୱୟମ୍ ॥ 5 ॥
ଆଗତଂ ପିତରଂ ମା ତ୍ୱଂ ଯସ୍ମାତ୍ପୁତ୍ରଂ ସମୀହସେ ।
ମନ୍ମୂର୍ତିସ୍ତନୟସ୍ତସ୍ମାଦ୍ଭବିଷ୍ୟତି ମମାଜ୍ଞୟା ॥ 6 ॥
ସ ଚ ତେ ପୁତ୍ରତାଂ ଯାତ୍ୱା ମଦୀୟୋ ଗଣନାୟକଃ ।
ରୁଦ୍ରୋ ବିଗ୍ରହବାନ୍ଭୂତ୍ୱା ମୂଢ ତ୍ୱାଂ ବିନୟିଷ୍ୟତି ॥ 7 ॥
ସର୍ୱବିଦ୍ୟାଧିପତ୍ୟଂ ଚ ଯୋଗାନାଂ ଚୈବ ସର୍ୱଶଃ ।
ବଲସ୍ୟାଧିପତିତ୍ୱଂ ଚ ଅସ୍ତ୍ରାଣାଂ ଚ ପ୍ରୟୋକ୍ତୃତା ॥ 8 ॥
ମୟା ଦତ୍ତାନି ତସ୍ୟାଶୁ ଉପସ୍ଥାସ୍ୟନ୍ତି ସର୍ୱଶଃ ।
ଧନୁଃ ପିନାକଂ ଶୂଲଂ ଚ ଖଡ୍ଗଂ ପରଶୁରେବ ଚ ॥ 9 ॥
କମଣ୍ଡଲୁସ୍ତଥା ଦଣ୍ଡଃ ଅସ୍ତ୍ରଂ ପାଶୁପତଂ ତଥା ।
ସଂବର୍ତକାଶନିଶ୍ଚୈବ ଚକ୍ରଂ ଚ ପ୍ରତିସର୍ଗିକମ୍ ।
ଏବଂ ସର୍ୱର୍ଦ୍ଧିସମ୍ପନ୍ନଃ ସୁତସ୍ତେ ସ ଭବିଷ୍ୟତି ॥ 10 ॥
ଏବମୁକ୍ତ୍ୱା ଗତେ ତସ୍ମିନ୍ନନ୍ତର୍ଧାନଂ ମହାତ୍ମନି ।
ବ୍ରହ୍ମା ଚକ୍ରେ ତଦା ଚେଷ୍ଟିଂ ପୁତ୍ରକାମଃ ପ୍ରଜାପତିଃ ॥ 11 ॥
ସ ଜୁହ୍ୱଞ୍ଛ୍ରମସଂୟୁକ୍ତଃ ପ୍ରତିଘାତସମନ୍ୱିତଃ ।
ସମିଦ୍ୟୁକ୍ତେନ ହସ୍ତେନ ଲଲାଟଂ ପ୍ରମମାର୍ଜ ହ ॥ 12 ॥
ସମିତ୍ସଂୟୋଗଜସ୍ତସ୍ୟ ସ୍ୱେଦବିନ୍ଦୁର୍ଲଲାଟଜଃ ।
ପପାତ ଜ୍ୱଲନେ ତସ୍ମିନ୍ଦ୍ୱିଗୁଣଂ ତସ୍ୟ ତେଜସା ॥ 13 ॥
ତଦ୍ଧି ମାହେଶ୍ୱରଂ ତେଜଃ ସନ୍ଧିତଂ ବ୍ରହ୍ମଣି ସ୍ରୁତମ୍ ।
ପ୍ରେରିତଂ ଦେବଦେବେନ ନିପପାତ ହବିର୍ଭୁଜି ॥ 14 ॥
କ୍ଷଣେ ତସ୍ମିନ୍ମହେଶେନ ସ୍ମୃତ୍ୱା ତଂ ବରମୁତ୍ତମମ୍ ।
ପ୍ରେଷିତୋ ଗଣପୋ ରୁଦ୍ରଃ ସଦ୍ୟ ଏବାଭବତ୍ତଦା ॥ 15 ॥
ତଚ୍ଚ ସଂସ୍ୱେଦଜଂ ତେଜଃ ପୂର୍ୱଂ ଜ୍ୱଲନୟୋଜିତମ୍ ।
ଭୂତ୍ୱା ଲୋହିତମାଶ୍ୱେବ ପୁନର୍ନୀଲମଭୂତ୍ତଦା ॥ 16 ॥
ନୀଲଲୋହିତ ଇତ୍ୟେବ ତେନାସାବଭବତ୍ପ୍ରଭୁଃ ।
ତ୍ର୍ୟକ୍ଷୋ ଦଶଭୁଜଃ ଶ୍ରୀମାନ୍ବ୍ରହ୍ମାଣଂ ଛାଦୟନ୍ନିବ ॥ 17 ॥
ଶର୍ୱାଦ୍ୟୈର୍ନାମଭିର୍ବ୍ରହ୍ମା ତନୂଭିଶ୍ଚ ଜଲାଦିଭିଃ ।
ସ୍ତୁତ୍ୱା ତଂ ସର୍ୱଗଂ ଦେବଂ ନୀଲଲୋହିତମବ୍ୟଯମ୍ ॥ 18 ॥
ଜ୍ଞାତ୍ୱା ସର୍ୱସୃଜଂ ପଶ୍ଚାନ୍ମହାଭୂତପ୍ରତିଷ୍ଠିତମ୍ ।
ଅସୃଜଦ୍ୱିବିଧାସ୍ତ୍ୱନ୍ୟାଃ ପ୍ରଜାଃ ସ ଜଗତି ପ୍ରଭୁଃ ॥ 19 ॥
ସୋଽପି ଯୋଗଂ ସମାସ୍ଥାୟ ଐଶ୍ୱର୍ୟେଣ ସମନ୍ୱିତଃ ।
ଲୋକାନ୍ସର୍ୱାନ୍ସମାବିଶ୍ୟ ଧାରୟାମାସ ସର୍ୱଦା ॥ 20 ॥
ବ୍ରହ୍ମଣୋଽପି ତତଃ ପୁତ୍ରା ଦକ୍ଷଧର୍ମାଦୟଃ ଶୁଭାଃ ।
ଅସୃଜନ୍ତ ପ୍ରଜାଃ ସର୍ୱା ଦେବମାନୁଷସଙ୍କୁଲାଃ ॥ 21 ॥
ଅଥ କାଲେନ ମହତା କଲ୍ପେଽତୀତେ ପୁନଃ ପୁନଃ ।
ପ୍ରଜା ଧାରୟତୋ ଯୋଗାଦସ୍ମିନ୍କଲ୍ପ ଉପସ୍ଥିତେ ॥ 22 ॥
ପ୍ରତିଷ୍ଠିତାୟାଂ ବାର୍ତ୍ତାୟାଂ ପ୍ରବୃତ୍ତେ ବୃଷ୍ଟିସର୍ଜନେ ।
ପ୍ରଜାସୁ ଚ ବିବୃଦ୍ଧାସୁ ପ୍ରୟାଗେ ଯଜତଶ୍ଚ ହ ॥ 23 ॥
ବ୍ରହ୍ମଣଃ ଷଟ୍କୁଲୀୟାସ୍ତେ ଋଷୟଃ ସଂଶିତବ୍ରତାଃ ।
ମରୀଚୟୋଽତ୍ରୟଶ୍ଚୈବ ବସିଷ୍ଠାଃ କ୍ରତବସ୍ତଥା ॥ 24 ॥
ଭୃଗବୋଽଶ୍ଣ୍ଗିରସଶ୍ଚୈବ ତପସା ଦଗ୍ଧକିଲ୍ବିଷାଃ ।
ଊଚୁର୍ବ୍ରହ୍ମାଣମଭ୍ୟେତ୍ୟ ସହିତାଃ କର୍ମଣୋଽନ୍ତରେ ॥ 25 ॥
ଭଗବନ୍ନନ୍ଧକାରେଣ ମହତା ସ୍ମଃ ସମାବୃତାଃ ।
ଖିନ୍ନା ବିବଦମାନାଶ୍ଚ ନ ଚ ପଶ୍ୟାମ ଯତ୍ପରମ୍ ॥ 26 ॥
ଏତଂ ନଃ ସଂଶୟଂ ଦେବ ଚିରଂ ହୃଦି ସମାସ୍ଥିତମ୍ ।
ତ୍ୱଂ ହି ବେତ୍ଥ ଯଥାତତ୍ତ୍ୱଂ କାରଣଂ ପରମଂ ହି ନଃ ॥ 27 ॥
କିଂ ପରଂ ସର୍ୱଭୂତାନାଂ ବଲୀୟଶ୍ଚାପି ସର୍ୱତଃ ।
କେନ ଚାଧିଷ୍ଠିତଂ ବିଶ୍ୱଂ କୋ ନିତ୍ୟଃ କଶ୍ଚ ଶାଶ୍ୱତଃ ॥ 28 ॥
କଃ ସ୍ରଷ୍ଟା ସର୍ୱଭୂତାନାଂ ପ୍ରକୃତେଶ୍ଚ ପ୍ରବର୍ତକଃ ।
କୋଽସ୍ମାନ୍ସର୍ୱେଷୁ କାର୍ୟେଷୁ ପ୍ରୟୁନକ୍ତି ମହାମନାଃ ॥ 29 ॥
କସ୍ୟ ଭୂତାନି ବଶ୍ୟାନି କଃ ସର୍ୱବିନିୟୋଜକଃ ।
କଥଂ ପଶ୍ୟେମ ତଂ ଚୈବ ଏତନ୍ନଃ ଶଂସ ସର୍ୱଶଃ ॥ 30 ॥
ଏବମୁକ୍ତସ୍ତତୋ ବ୍ରହ୍ମା ସର୍ୱେଷାମେବ ସଂନିଧୌ ।
ଦେବାନାଂ ଚ ଋଷୀଣାଂ ଚ ଗନ୍ଧର୍ୱୋରଗରକ୍ଷସାମ୍ ॥ 31 ॥
ଯକ୍ଷାଣାମସୁରାଣାଂ ଚ ଯେ ଚ କୁତ୍ର ପ୍ରବର୍ତକାଃ ।
ପକ୍ଷିଣାଂ ସପିଶାଚାନାଂ ଯେ ଚାନ୍ୟେ ତତ୍ସମୀପଗାଃ ।
ଉତ୍ଥାୟ ପ୍ରାଞ୍ଜଲିଃ ପ୍ରାହ ରୁଦ୍ରେତି ତ୍ରିଃ ପ୍ଲୁତଂ ବଚଃ ॥ 32 ॥
ସ ଚାପି ତପସା ଶକ୍ୟୋ ଦ୍ରଷ୍ଟୁଂ ନାନ୍ୟେନ କେନଚିତ୍ ।
ସ ସ୍ରଷ୍ଟା ସର୍ୱଭୂତାନାଂ ବଲବାଂସ୍ତନ୍ମୟଂ ଜଗତ୍ ।
ତସ୍ୟ ବଶ୍ୟାନି ଭୂତାନି ତେନେଦଂ ଧାର୍ୟତେ ଜଗତ୍ ॥ 33 ॥
ତତସ୍ତେ ସର୍ୱଲୋକେଶା ନମଶ୍ଚକ୍ରୁର୍ମହାତ୍ମନେ ॥ 34 ॥

ଋଷୟ ଊଚୁଃ ।

କିଂ ତନ୍ମହତ୍ତପୋ ଦେବ ଯେନ ଦୃଶ୍ୟେତ ସ ପ୍ରଭୁଃ ।
ତନ୍ନୋ ବଦସ୍ୱ ଦେବେଶ ବରଦଂ ଚାଭିଧତ୍ସ୍ୱ ନଃ ॥ 35 ॥

ପିତାମହ ଉବାଚ ।

ସତ୍ତ୍ରଂ ମହତ୍ସମାସଧ୍ୱଂ ବାଶ୍ଣ୍ମନୋଦୋଷବର୍ଜିତାଃ ।
ଦେଶଂ ଚ ବଃ ପ୍ରବକ୍ଷ୍ୟାମି ଯସ୍ମିନ୍ଦେଶେ ଚରିଷ୍ୟଥ ॥ 36 ॥
ତତୋ ମନୋମୟଂ ଚକ୍ରଂ ସ ସୃଷ୍ଟ୍ୱା ତାନୁବାଚ ହ ।
କ୍ଷିପ୍ତମେତନ୍ମୟା ଚକ୍ରମନୁବ୍ରଜତ ମା ଚିରମ୍ ॥ 37 ॥
ଯତ୍ରାସ୍ୟ ନେମିଃ ଶୀର୍ୟେତ ସ ଦେଶସ୍ତପସଃ ଶୁଭଃ ।
ତତୋ ମୁମୋଚ ତଚ୍ଚକ୍ରଂ ତେ ଚ ତତ୍ସମନୁବ୍ରଜନ୍ ॥ 38 ॥
ତସ୍ୟ ବୈ ବ୍ରଜତଃ କ୍ଷିପ୍ରଂ ଯତ୍ର ନେମିରଶୀର୍ୟତ ।
ନୈମିଶଂ ତତ୍ସ୍ମୃତଂ ନାମ୍ନା ପୁଣ୍ୟଂ ସର୍ୱତ୍ର ପୂଜିତମ୍ ॥ 39 ॥
ତତ୍ପୂଜିତଂ ଦେବମନୁଷ୍ୟସିଦ୍ଧୈ ରକ୍ଷୋଭିରୁଗ୍ରୈରୁରଗୈଶ୍ଚ ଦିବ୍ୟୈଃ ।
ଯକ୍ଷୈଃ ସଗନ୍ଧର୍ୱପିଶାଚସଙ୍ଘୈଃ ସର୍ୱାପ୍ସରୋଭିଶ୍ଚ
ଦିତେଃ ସୁତୈଶ୍ଚ ॥ 40 ॥
ବିପ୍ରୈଶ୍ଚ ଦାନ୍ତୈଃ ଶମୟୋଗୟୁକ୍ତୈସ୍ତୀର୍ଥୈଶ୍ଚ ସର୍ୱୈରପି
ଚାବନୀଧ୍ରୈଃ ।
ଗନ୍ଧର୍ୱବିଦ୍ୟାଧରଚାରଣୈଶ୍ଚ ସାଧ୍ୟୈଶ୍ଚ ବିଶ୍ୱୈଃ
ପିତୃଭିଃ ସ୍ତୁତଂ ଚ ॥ 41 ॥
ଇତି ସ୍କନ୍ଦପୁରାଣେ ଚତୁର୍ଥୋଽଧ୍ୟାୟଃ ॥ 04॥




Click Link 👇Next ଅଧ୍ୟାୟ




Comments

Post a Comment

Popular posts from this blog

ଶ୍ରୀ ଜଗନ୍ନାଥ ପଞ୍ଚରାତ୍ର (ଉତ୍କଳ ଖଣ୍ଡ) - ଜଗନ୍ନାଥ ଜଣାଣ

ବ୍ରହ୍ମେନ୍ଦ୍ର ଋଦ୍ର କମଲେଶ ଦିନେଶ ଚନ୍ଦ୍ର ।  ସଂଧ୍ୟା ସମାଜ ମୁକା ଚିତ ପଦମ ଦେବୀ ।। ତ୍ରିଲୋକ ଜନନୀ ତ୍ରିଗୁଣ ସ୍ବରୂପମ ଧ୍ୟାୟଂ ।  ନୀଲ ଚୁରମ ତାଲୀ ନାଗ ପଞ୍ଚମ୍ ।। ଶ୍ରୀ ଜଗନ୍ନାଥ ପଞ୍ଚରାତ୍ର ଉତ୍କଳ ଖଣ୍ଡ - ଜଗନ୍ନାଥ ଜଣାଣ ପ୍ରଥମ ଅଧ୍ୟାୟ  - ପୁରୁଷୋତ୍ତମକ୍ଷେତ୍ର  ମାହାତ୍ମ୍ୟ ୨ୟ ଅଧ୍ୟାୟ  - ଲକ୍ଷ୍ମୀ ଯମରାଜ ସମ୍ବାଦ କ୍ଷେତ୍ର  ମାହାତ୍ମ୍ୟ ୩ୟ ଅଧ୍ୟାୟ  - ଲକ୍ଷ୍ମୀ ଯମରାଜ ସମ୍ବାଦ ୪ର୍ଥ ଅଧ୍ୟାୟ  - ପୁଣ୍ଡରୀକ ଅମ୍ବରୀଷ ଶ୍ରୀକ୍ଷେତ୍ର ଗମନ ୫ମ ଅଧ୍ୟାୟ  - ପୁଣ୍ଡରୀକ ଅମ୍ବରୀଷ ଉପାଖ୍ୟାନ ୬ଷ୍ଠ ଅଧ୍ୟାୟ  - ଉତ୍କଳ ବର୍ଣ୍ଣନ ୭ମ ଅଧ୍ୟାୟ  - ବିଦ୍ୟାପତି ନୀଳାଚଳ ପ୍ରବେଶ ୮ମ ଅଧ୍ୟାୟ  - ବିଦ୍ୟାପତି ନୀଳମାଧବ ଦର୍ଶନ ୯ମ ଅଧ୍ୟାୟ  - ଇନ୍ଦଦ୍ୟୁମ୍ ନିର୍ମାଲ୍ୟମାଳା ଗ୍ରହଣ ୧୦ମ ଅଧ୍ୟାୟ  - ଇନ୍ଦ୍ରଦ୍ୟୁମ୍ନ ନାରଦ ସମ୍ବାଦେ ଭକ୍ତି ଲକ୍ଷଣ ମାହାତ୍ମ୍ୟ  ଏକାଦଶ ଅଧ୍ୟାୟ  - ଇନ୍ଦ୍ରଦ୍ୟୁମ୍ନ ରାଜା ଉତ୍କଳଦେଶ ପ୍ରବେଶ ଦ୍ବାଦଶ ଅଧ୍ୟାୟ   -  ଇନ୍ଦ୍ରଦ୍ୟୁମ୍ନ ରାଜା ନାରଦ ସହ ଏକାମ୍ରକାନନ ପ୍ରବେଶ ତ୍ରୟୋଦଶ ଅଧ୍ୟାୟ  - ପୁରୁଷୋତ୍ତମ କ୍ଷେତ୍ର ପ୍ରସଚ୍ଚେ  ଶ୍ରୀ କପୋତେଶ୍ଵର ବିଲେଶ୍ଵର ଚରିତ ବର୍ଣ୍ଣନ ଚତୁର୍ଦଶ ଅଧ୍ୟାୟ  - ଶ୍ରୀ ନୀଳମାଧବ ଅନ୍ତହିତେ ଇନ୍ଦ୍ରଦ୍ୟୁମ୍ନ ଶୋକ ବର୍ଣ୍ଣନ ପଞ୍ଚଦଶ ...
Read more

ସ୍କନ୍ଦପୁରାଣ ଅଧ୍ୟାୟ ୧

Image
ବ୍ରହ୍ମେନ୍ଦ୍ର ଋଦ୍ର କମଲେଶ ଦିନେଶ ଚନ୍ଦ୍ର |  ସଂଧ୍ୟା ସମାଜ ମୁକା ଚିତ ପଦମ ଦେବୀ  ତ୍ରିଲୋକ ଜନନୀ ତ୍ରିଗୁଣ ସ୍ବରୂପମ ଧ୍ୟାୟଂ |  ନୀଲ ଚୁରମ ତାଲୀ ନାଗ ପଞ୍ଚମ୍ || ସ୍କନ୍ଦପୁରାଣ ଅଧ୍ୟାୟ ୧ ନମଃ ପରମଦେବାୟ ତ୍ରୈଗୁଣ୍ୟାବିଜିତାତ୍ମନେ । ସର୍ୱତୋ ଯୋଗରୂପାୟ ସଂସାରାଭାବହେତବେ ॥ 1 ॥ ସ୍ଥିତିସଂରୋଧସର୍ଗାଣାଂ ହେତବେଽନ୍ତଃପ୍ରସାରିଣେ । ଷଡ୍ୱିଂଶାୟ ପ୍ରଧାନାୟ ମହାଦେବାୟ ଧୀମତେ ॥ 2 ॥ ପ୍ରଜାପତେର୍ମହାକ୍ଷେତ୍ରେ ଗଶ୍ଣ୍ଗାକାଲିନ୍ଦିସଙ୍ଗମେ । ପ୍ରୟାଗେ ପରମେ ପୁଣ୍ୟେ ବ୍ରହ୍ମଣୋ ଲୋକବର୍ତ୍ମନି ॥ 3 ॥ ମୁନୟଃ ସଂଶିତାତ୍ମାନସ୍ତପସା କ୍ଷୀଣକଲ୍ମଷାଃ । ତୀର୍ଥସମ୍ପ୍ଲବନାର୍ଥାୟ ପୌର୍ଣମାସ୍ୟାଂ କୃତାହ୍ନିକାଃ ॥ 4 ॥ ପୌରାଣିକମପଶ୍ୟନ୍ତ ସୂତଂ ସତ୍ୟପରାୟଣମ୍ । ସ୍ନାତ୍ୱା ତସ୍ମିନ୍ମହାତୀର୍ଥେ ପ୍ରଣାମାର୍ଥମୁପାଗତମ୍ ॥ 5 ॥ ଦୃଷ୍ଟ୍ୱା ତେ ସୂତମାୟାନ୍ତମୃଷୟୋ ହୃଷ୍ଟମାନସାଃ । ଆଶାସ୍ୟାସନସଂବେଶଂ ତଦ୍ୟୋଗ୍ୟଂ ସମକଲ୍ପୟନ୍ ॥ 6 ॥ ସ ପ୍ରଣମ୍ୟ ଚ ତାନ୍ସର୍ୱାନ୍ସୂତସ୍ତାନ୍ମୁନିପୁଙ୍ଗବାନ୍ । ପ୍ରଦତ୍ତମାସନଂ ଭେଜେ ସର୍ୱଧର୍ମସମନ୍ୱିତଃ ॥ 7 ॥ ତମାସୀନମପୃଚ୍ଛନ୍ତ ମୁନୟସ୍ତପସୈଧିତାଃ । ବ୍ରହ୍ମସତ୍ତ୍ରେ ପୁରା ସାଧୋ ନୈମିଶାରଣ୍ୟବାସିନାମ୍ ॥ 8 ॥ କଥିତଂ ଭାରତାଖ୍ୟାନଂ ପୁରାଣଂ ଚ ପରଂ ତ୍ୱୟା । ତେନ ନଃ ପ୍ରତିଭାସି ତ୍ୱଂ ସାକ୍ଷାତ୍ସତ୍ୟବତୀସୁତଃ ॥ 9 ॥ ସର୍ୱାଗମପରାର୍ଥଜ୍ଞଃ ସ...
Read more

ଶ୍ରୀ ଜଗନ୍ନାଥ ପଞ୍ଚରାତ୍ର ପ୍ରଥମୋଧ୍ୟୋୟଃ

  ପ୍ରଥମ ଅଧ୍ୟାୟ ଏକ ସମୟରେ ସର୍ବ ମୁନିଗଣ ମିଳି ଜୈମିନି ମୁନିଙ୍କ ପାଶେ କରିଲେ ଯେ ଅଳି । ହେ ମହର୍ଷି ଅଟ ତୁମ୍ଭେ ସର୍ବଶାସ୍ତ୍ ବେତ୍ତା ଯେ ତୀର୍ଥର ଯେ ମାହାତ୍ମ୍ୟ ଯେ ସକଳଙ୍ଞାତା ଶ୍ରୀପୁରୁଷୋତ୍ତମ କ୍ଷେତ୍ର ସର୍ବତୀଥୈ ସାର ଇତି ପୂର୍ବେ କହୁଅଛି ଆହେ ମୁନିବର ମନୁଷ୍ୟ ଲୀଳା କରିବା ପାଇଁ ନାରାୟଣ ନୀଳାଚଳେ ଦାରୁବ୍ରହ୍ମଂରୂପେ ବିଦ୍ୟମାନ ଯାହାର ଦର୍ଶନ ମାତ୍ରେ ସାକ୍ଷାତରେ ମୁଚ୍ତି ସକଳ ତୀର୍ଥର ଫଳ ମିଳଇ ଝଟତି ସେହି କ୍ଷେତ୍ରଟିକୁ କେଉଁ ବ୍ୟକ୍ତି ନିର୍ମାଣିଛି ତାହା ଶୁଣିବାକୁ ଆମ୍ଭ ଶରଧା ବଢ଼ିଛି ପରମ ପୁରୁଷ ନାରାୟଣ ଭଗବାନ ଜ୍ୟୋତି ସ୍ଵରୂପରେ ସଦାକାଳେ ବିଦ୍ୟମାନ । କି ନିମିତ୍ତ ଦାରୁମୟ ରୂପକୁ ଧଇଲେ ଶ୍ରୀପୁରୁଷୋତ୍ତମ କ୍ଷେତ୍ରେ ପ୍ରକାଶ ହୋଇଲେ । ତାହା ଶୁଣିବାକୁ ଶ୍ରଦ୍ଧା ହୋଇଅଛି ଜାତ ଆପଣ ତ ଲୋକ ଗୁରୁ ଆଉ ସୁପଣ୍ଡିତ ଜେମନ ଉବାଚ ମୁନିଗଣ ଶୁଣ ସର୍ବେ ଏ ରହସ୍ୟ କଥା ଶିବଙ୍କ ମୁଖୁ କାରିକ ଶୁଣି ଏ ବାରତା ମନ୍ଦର ପର୍ବତେ ଗଲେ ଆନନ୍ଦିତ ମନେ ସଭା କରୁଛନ୍ତି ବସି ତହିଁ ଦେବଗଣେ । ଯାହା ଶୁଣିଥିଲୁ ତାହା କରୁଛୁ ବର୍ଣ୍ତନ ପୂରୁଷୋତ୍ତମ କ୍ଷେତ୍ରରେ ମହିମା ଏସନ ଯେତେବେଳେ ଗଲୁ ଆମ୍ଭେ ଶିବ ପୂଜିବାକୁ ଶିବଙ୍କ କଳା ଶୁଣିଲୁ କାଉିକେୟ ମୁଖୁ ଯେଉଁ ଜନ ତ ନୁହଇ ବିଷ୍ଣୁ ପରାୟଣ ଭକ୍ତି ଜାତ ହୁଏ ନାହିଁ କରିଲେ ଶ୍ରବଣ । କିନ୍ତୁ ସେ କ୍ଷେତ୍ର ମହିମା କରିଲେ କୀର୍ଉନ ହୃଦୟରେ ତମୋଗୁଣ ହୋଇଯାଏ ଲୀନ । ଜଗନ୍ନାଥ ସର୍ବବ୍ୟାପ...
Read more