ସ୍କନ୍ଦପୁରାଣ ଅଧ୍ୟାୟ ୫
ସ୍କନ୍ଦପୁରାଣ ଅଧ୍ୟାୟ ୫
ସନତ୍କୁମାର ଉବାଚ ।
ତନ୍ନୈମିଶଂ ସମାସାଦ୍ୟ ଋଷୟୋ ଦୀପ୍ତତେଜସଃ ।ଦିବ୍ୟଂ ସତ୍ତ୍ରଂ ସମାସନ୍ତ ମହଦ୍ୱର୍ଷସହସ୍ରିକମ୍ ॥ 2 ॥ଏକାଗ୍ରମନସଃ ସର୍ୱେ ନିର୍ମମା ହ୍ୟନହଙ୍କୃତାଃ ।ଧ୍ୟାୟନ୍ତୋ ନିତ୍ୟମୀଶେଶଂ ସଦାରତନୟାଗ୍ନୟଃ ॥ 3 ॥ତନ୍ନିଷ୍ଠାସ୍ତତ୍ପରାଃ ସର୍ୱେ ତଦ୍ୟୁକ୍ତାସ୍ତଦପାଶ୍ରୟାଃ ।ସର୍ୱକ୍ରିୟାଃ ପ୍ରକୁର୍ୱାଣାସ୍ତମେବ ମନସା ଗତାଃ ॥ 4 ॥ତେଷାଂ ତଂ ଭାବମାଲକ୍ଷ୍ୟ ମାତରିଶ୍ୱା ମହାତପାଃ ।ସର୍ୱପ୍ରାଣିଚରଃ ଶ୍ରୀମାନ୍ସର୍ୱଭୂତପ୍ରବର୍ତକଃ ।ଦଦୌ ସ ରୂପୀ ଭଗବାନ୍ଦର୍ଶନଂ ସତ୍ତ୍ରିଣାଂ ଶୁଭଃ ॥ 5 ॥ତଂ ତେ ଦୃଷ୍ଟ୍ୱାର୍ଚୟିତ୍ୱା ଚ ମାତରିଶ୍ୱାନମବ୍ୟଯମ୍ ।ଆସୀନମାସନେ ପୁଣ୍ୟେ ଋଷୟଃ ସଂଶିତବ୍ରତାଃ ।ପପ୍ରଚ୍ଛୁରୁଦ୍ଭବଂ କୃତ୍ସ୍ନଂ ଜଗତଃ ପ୍ରଲୟଂ ତଥା ॥ 6 ॥ସ୍ଥିତିଂ ଚ କୃତ୍ସ୍ନାଂ ବଂଶାଂଶ୍ଚ ଯୁଗମନ୍ୱନ୍ତରାଣି ଚ ।ବଂଶାନୁଚରିତଂ କୃତ୍ସ୍ନଂ ଦିବ୍ୟମାନଂ ତଥୈବ ଚ ॥ 7 ॥ଅଷ୍ଟାନାଂ ଦେବୟୋନୀନାମୁତ୍ପତ୍ତିଂ ପ୍ରଲୟଂ ତଥା ।ପିତୃସର୍ଗଂ ତଥାଶେଷଂ ବ୍ରହ୍ମଣୋ ମାନମେବ ଚ ॥ 8 ॥ଚନ୍ଦ୍ରାଦିତ୍ୟଗତିଂ ସର୍ୱାଂ ତାରାଗ୍ରହଗତିଂ ତଥା ।ସ୍ଥିତିଂ ସର୍ୱେଶ୍ୱରାଣାଂ ଚ ଦ୍ୱୀପଧର୍ମମଶେଷତଃ ।ବର୍ଣାଶ୍ରମବ୍ୟବସ୍ଥାନଂ ଯଜ୍ଞାନାଂ ଚ ପ୍ରବର୍ତନମ୍ ॥ 9 ॥ଏତତ୍ସର୍ୱମଶେଷେଣ କଥୟାମାସ ସ ପ୍ରଭୁଃ ।ଦିବ୍ୟଂ ବର୍ଷସହସ୍ରଂ ଚ ତେଷାଂ ତଦଭିୟାତ୍ତଥା ॥ 10 ॥ଅଥ ଦିବ୍ୟେନ ରୂପେଣ ସାମବାଗ୍ଦିଶ୍ଣ୍ନିରୀକ୍ଷଣା ।ଯଜୁର୍ଘ୍ରାଣାଥର୍ୱଶିରାଃ ଶବ୍ଦଜିହ୍ୱା ଶୁଭା ସତୀ ॥ 11 ॥ନ୍ୟାୟଶ୍ରୋତ୍ରା ନିରୁକ୍ତତ୍ୱଗୃକ୍ପାଦପଦଗାମିନୀ ।କାଲବାହୂର୍ୱର୍ଷକରା ଦିବସାଶ୍ଣ୍ଗୁଲିଧାରିଣୀ ॥ 12 ॥କଲାଦିଭିଃ ପର୍ୱଭିଶ୍ଚ ମାସୈଃ କରରୁହୈସ୍ତଥା ।କଲ୍ପସାଧାରଣା ଦିବ୍ୟା ଶିକ୍ଷାବିଦ୍ୟୋନ୍ନତସ୍ତନୀ ॥ 13 ॥ଛନ୍ଦୋବିଚିତିମଧ୍ୟା ଚ ମୀମାଂସାନାଭିରେବ ଚ ।ପୁରାଣବିସ୍ତୀର୍ଣକଟିର୍ଧର୍ମଶାସ୍ତ୍ରମନୋରଥା ॥ 14 ॥ଆଶ୍ରମୋରୂର୍ୱର୍ଣଜାନୁର୍ୟଜ୍ଞଗୁଲ୍ଫା ଫଲାଶ୍ଣ୍ଗୁଲିଃ ।ଲୋକବେଦଶରୀରା ଚ ରୋମଭିଶ୍ଛାନ୍ଦସୈଃ ଶୁଭୈଃ ॥ 15 ॥ଶ୍ରଦ୍ଧାଶୁଭାଚାରବସ୍ତ୍ରା ଯୋଗଧର୍ମାଭିଭାଷିଣୀ ।ବେଦୀମଧ୍ୟାଦ୍ୱିନିଃସୃତ୍ୟ ପ୍ରବୃତ୍ତା ପରମାମ୍ଭସା ॥ 16 ॥ତସ୍ୟାନ୍ତେଽବଭୃଥେ ପ୍ଲୁତ୍ୟ ବାୟୁନା ସହ ସଙ୍ଗତାଃ ।ତାମପୃଚ୍ଛନ୍ତ କା ନ୍ୱେଷା ବାୟୁଂ ଦେବଂ ମହାଧିୟମ୍ ॥ 17 ॥ଉବାଚ ସ ମହାତେଜା ଋଷୀନ୍ଧର୍ମାନୁଭାବିତାନ୍ ।ଶୁଦ୍ଧାଃ ସ୍ଥ ତପସା ସର୍ୱେ ମହାନ୍ଧର୍ମଶ୍ଚ ବଃ କୃତଃ ॥ 18 ॥ଯସ୍ମାଦିୟଂ ନଦୀ ପୁଣ୍ୟା ବ୍ରହ୍ମଲୋକାଦିହାଗତା ।ଇୟଂ ସରସ୍ୱତୀ ନାମ ବ୍ରହ୍ମଲୋକବିଭୂଷଣା ॥ 19 ॥ପ୍ରଥମଂ ମର୍ତ୍ୟଲୋକେଽସ୍ମିନ୍ୟୁଷ୍ମତ୍ସିଦ୍ଧ୍ୟର୍ଥମାଗତା ।ନାସ୍ୟାଃ ପୁଣ୍ୟତମା କାଚିତ୍ତ୍ରିଷୁ ଲୋକେଷୁ ବିଦ୍ୟତେ ॥ 20 ॥
ଋଷୟ ଊଚୁଃ ।କଥମେଷା ମହାପୁଣ୍ୟା ପ୍ରବୃତ୍ତା ବ୍ରହ୍ମଲୋକଗା ।କାରଣଂ କିଂ ଚ ତତ୍ରାସୀଦେତଦିଚ୍ଛାମ ବେଦିତୁମ୍ ॥ 21 ॥
ବାୟୁରୁବାଚ ।ଅତ୍ର ବୋ ବର୍ତୟିଷ୍ୟାମି ଇତିହାସଂ ପୁରାତନମ୍ ।ବ୍ରହ୍ମଣଶ୍ଚୈବ ସଂବାଦଂ ପୁରା ଯଜ୍ଞସ୍ୟ ଚୈବ ହ ॥ 22 ॥ଯଜ୍ଞୈରିଷ୍ଟ୍ୱା ପୁରା ଦେବୋ ବ୍ରହ୍ମା ଦୀପ୍ତେନ ତେଜସା ।ଅସୃଜତ୍ସର୍ୱଭୂତାନି ସ୍ଥାବରାଣି ଚରାଣି ଚ ॥ 23 ॥ସ ଦୃଷ୍ଟ୍ୱା ଦୀପ୍ତିମାନ୍ଦେବୋ ଦୀପ୍ତ୍ୟା ପରମୟା ଯୁତଃ ।ଅବେକ୍ଷମାଣଃ ସ୍ୱା/ଲ୍ଲୋକାଂଶ୍ଚତୁର୍ଭିର୍ମୁଖପଶ୍ଣ୍କଜୈଃ ॥ 24 ॥ଦେବାଦୀନ୍ମନୁଷ୍ୟାଦୀଂଶ୍ଚ ଦୃଷ୍ଟ୍ୱା ଦୃଷ୍ଟ୍ୱା ମହାମନାଃ ।ଅମନ୍ୟତ ନ ମେଽନ୍ୟୋଽସ୍ତି ସମୋ ଲୋକେ ନ ଚାଧିକଃ ॥ 25 ॥ଯୋଽହମେତାଃ ପ୍ରଜାଃ ସର୍ୱାଃ ସପ୍ତଲୋକପ୍ରତିଷ୍ଠିତାଃ ।ଦେବମାନୁଷତିର୍ୟକ୍ଷୁ ଗ୍ରସାମି ବିସୃଜାମି ଚ ॥ 26 ॥ଅହଂ ସ୍ରଷ୍ଟା ହି ଭୂତାନାଂ ନାନ୍ୟଃ କଶ୍ଚନ ବିଦ୍ୟତେ ।ନିୟନ୍ତା ଲୋକକର୍ତା ଚ ନ ମୟାସ୍ତି ସମଃ କ୍ୱଚିତ୍ ॥ 27 ॥ତସ୍ୟୈବଂ ମନ୍ୟମାନସ୍ୟ ଯଜ୍ଞ ଆଗାନ୍ମହାମନାଃ ।ଉବାଚ ଚୈନଂ ଦୀପ୍ତାତ୍ମା ମୈବଂ ମଂସ୍ଥା ମହାମତେ ।ଅୟଂ ହି ତବ ସମ୍ମୋହୋ ବିନାଶାୟ ଭବିଷ୍ୟତି ॥ 28 ॥ନ ଯୁକ୍ତମୀଦୃଶଂ ତେଽଦ୍ୟ ସତ୍ତ୍ୱସ୍ଥସ୍ୟାତ୍ମୟୋନିନଃ ।ସ୍ରଷ୍ଟା ତ୍ୱଂ ଚୈବ ନାନ୍ୟୋଽସ୍ତି ତଥାପି ନ ଯଶସ୍କରମ୍ ॥ 29 ॥ଅହଂ କର୍ତା ହି ଭୂତାନାଂ ଭୁବନସ୍ୟ ତଥୈବ ଚ ।କରୋମି ନ ଚ ସମ୍ମୋହଂ ଯଥା ତ୍ୱଂ ଦେବ କତ୍ଥସେ ॥ 30 ॥ତମୁବାଚ ତଦା ବ୍ରହ୍ମା ନ ତ୍ୱଂ ଧାରୟିତା ବିଭୋ ।ଅହମେବ ହି ଭୂତାନାଂ ଧର୍ତା ଭର୍ତା ତଥୈବ ଚ ।ମୟା ସୃଷ୍ଟାନି ଭୂତାନି ତ୍ୱମେବାତ୍ର ବିମୁହ୍ୟସେ ॥ 31 ॥ଅଥାଗାତ୍ତତ୍ର ସଂବିଗ୍ନୋ ବେଦଃ ପରମଦୀପ୍ତିମାନ୍ ।ଉବାଚ ଚୈବ ତୌ ବେଦୋ ନୈତଦେବମିତି ପ୍ରଭୁଃ ॥ 32 ॥ଅହଂ ଶ୍ରେଷ୍ଠୋ ମହାଭାଗୌ ନ ବଦାମ୍ୟନୃତଂ କ୍ୱଚିତ୍ ।ଶୃଣୁଧ୍ୱଂ ମମ ଯଃ କର୍ତା ଭୂତାନାଂ ଯୁବୟୋଶ୍ଚ ହ ॥ 33 ॥ପରମେଶୋ ମହାଦେବୋ ରୁଦ୍ରଃ ସର୍ୱଗତଃ ପ୍ରଭୁଃ ।ଯେନାହଂ ତବ ଦତ୍ତଶ୍ଚ କୃତସ୍ତ୍ୱଂ ଚ ପ୍ରଜାପତିଃ ॥ 34 ॥ଯଜ୍ଞୋଽୟଂ ଯତ୍ପ୍ରସୂତିଶ୍ଚ ଅଣ୍ଡଂ ଯତ୍ରାସ୍ତି ସଂସ୍ଥିତମ୍ ।ସର୍ୱଂ ତସ୍ମାତ୍ପ୍ରସୂତଂ ବୈ ନାନ୍ୟଃ କର୍ତାସ୍ତି ନଃ କ୍ୱଚିତ୍ ॥ 35 ॥ତମେବଂବାଦିନଂ ଦେବୋ ବ୍ରହ୍ମା ବେଦମଭାଷତ ।ଅହଂ ଶ୍ରୁତୀନାଂ ସର୍ୱାସାଂ ନେତା ସ୍ରଷ୍ଟା ତଥୈବ ଚ ॥ 36 ॥ମତ୍ପ୍ରସାଦାଦ୍ଧି ବେଦସ୍ତ୍ୱଂ ଯଜ୍ଞଶ୍ଚାୟଂ ନ ସଂଶୟଃ ।ମୂଢୌ ଯୁବାମଧର୍ମୋ ବା ଭବଦ୍ଭ୍ୟାମନ୍ୟଥା କୃତଃ ।ପ୍ରାୟଶ୍ଚିତ୍ତଂ ଚରଧ୍ୱଂ ବଃ କିଲ୍ବିଷାନ୍ମୋକ୍ଷ୍ୟଥସ୍ତତଃ ॥ 37 ॥ଏବମୁକ୍ତେ ତଦା ତେନ ମହାଞ୍ଛବ୍ଦୋ ବଭୂବ ହ ।ଆଦିତ୍ୟମଣ୍ଡଲାକାରମଦୃଶ୍ୟତ ଚ ମଣ୍ଡଲମ୍ ।ମହଚ୍ଛବ୍ଦେନ ମହତା ଉପରିଷ୍ଟାଦ୍ୱିୟତ୍ସ୍ଥିତମ୍ ॥ 38 ॥ସ ଚାପି ତସ୍ମାଦ୍ୱିଭ୍ରଷ୍ଟୋ ଭୂତଲଂ ସମୁପାଶ୍ରିତଃ ।ହିମବତ୍କୁଞ୍ଜମାସାଦ୍ୟ ନାନାବିହଗନାଦିତମ୍ ।ବ୍ୟୋମଗଶ୍ଚ ଚିରଂ ଭୂତ୍ୱା ଭୂମିଗଃ ସମ୍ବଭୂବ ହ ॥ 39 ॥ତତୋ ବ୍ରହ୍ମା ଦିଶଃ ସର୍ୱା ନିରୀକ୍ଷ୍ୟ ମୁଖପଶ୍ଣ୍କଜୈଃ ।ଚତୁର୍ଭିର୍ନ ବିୟତ୍ସ୍ଥଂ ତମପଶ୍ୟତ୍ସ ପିତାମହଃ ॥ 40 ॥ସ ମୁଖଂ ପଞ୍ଚମଂ ଦୀପ୍ତମସୃଜନ୍ମୂର୍ଧ୍ନି ସଂସ୍ଥିତମ୍ ।ତେନାପଶ୍ୟଦ୍ୱିୟତ୍ସ୍ଥଂ ତଂ ସୂର୍ୟାୟୁତସମପ୍ରଭମ୍ ।ଆଦିତ୍ୟମଣ୍ଡଲାକାରଂ ଶବ୍ଦବଦ୍ଘୋରଦର୍ଶନମ୍ ॥ 41 ॥ତଂ ଦୃଷ୍ଟ୍ୱା ପଞ୍ଚମଂ ତସ୍ୟ ଶିରୋ ବୈ କ୍ରୋଧଜଂ ମହତ୍ ।ସଂବର୍ତକାଗ୍ନିସଦୃଶଂ ଗ୍ରସିଷ୍ୟତ୍ତମବର୍ଧତ ॥ 42 ॥ବର୍ଧମାନଂ ତଦା ତତ୍ତୁ ବଡବାମୁଖସଂନିଭମ୍ ।ଦୀପ୍ତିମଚ୍ଛବ୍ଦବଚ୍ଚୈବ ଦେବୋଽସୌ ଦୀପ୍ତମଣ୍ଡଲଃ ॥ 43 ॥ହସ୍ତାଶ୍ଣ୍ଗୁଷ୍ଠନଖେନାଶୁ ବାମେନାବଜ୍ଞୟୈବ ହି ।ଚକର୍ତ ତନ୍ମହଦ୍ଘୋରଂ ବ୍ରହ୍ମଣଃ ପଞ୍ଚମଂ ଶିରଃ ॥ 44 ॥ଦୀପ୍ତିକୃତ୍ତଶିରାଃ ସୋଽଥ ଦୁଃଖେନୋସ୍ରେଣ ଚାର୍ଦିତଃ ।ପପାତ ମୂଢଚେତା ବୈ ଯୋଗଧର୍ମବିବର୍ଜିତଃ ॥ 45 ॥ତତଃ ସୁପ୍ତୋତ୍ଥିତ ଇବ ସଞ୍ଜ୍ଞାଂ ଲବ୍ଧ୍ୱା ମହାତପାଃ ।ମଣ୍ଡଲସ୍ଥଂ ମହାଦେବମସ୍ତୌଷୀଦ୍ଦୀନୟା ଗିରା ॥ 46 ॥
ବ୍ରହ୍ମୋବାଚ ।
ନମଃ ସହସ୍ରନେତ୍ରାୟ ଶତନେତ୍ରାୟ ବୈ ନମଃ ।ନମୋ ବିବୃତବକ୍ତ୍ରାୟ ଶତବକ୍ତ୍ରାୟ ବୈ ନମଃ ॥ 47 ॥ନମଃ ସହସ୍ରବକ୍ତ୍ରାୟ ସର୍ୱବକ୍ତ୍ରାୟ ବୈ ନମଃ ।ନମଃ ସହସ୍ରପାଦାୟ ସର୍ୱପାଦାୟ ବୈ ନମଃ ॥ 48 ॥ସହସ୍ରପାଣୟେ ଚୈବ ସର୍ୱତଃପାଣୟେ ନମଃ ।ନମଃ ସର୍ୱସ୍ୟ ସ୍ରଷ୍ଟ୍ରେ ଚ ଦ୍ରଷ୍ଟ୍ରେ ସର୍ୱସ୍ୟ ତେ ନମଃ ॥ 49 ॥ଆଦିତ୍ୟବର୍ଣାୟ ନମଃ ଶିରସଶ୍ଛେଦନାୟ ଚ ।ସୃଷ୍ଟିପ୍ରଲୟକର୍ତ୍ରେ ଚ ସ୍ଥିତିକର୍ତ୍ରେ ତଥା ନମଃ ॥ 50 ॥ନମଃ ସହସ୍ରଲିଶ୍ଣ୍ଗାୟ ସହସ୍ରଚରଣାୟ ଚ ।ସଂହାରଲିଶ୍ଣ୍ଗିନେ ଚୈବ ଜଲଲିଶ୍ଣ୍ଗାୟ ବୈ ନମଃ ॥ 51 ॥ଅନ୍ତଶ୍ଚରାୟ ସର୍ୱାୟ ପ୍ରକୃତେଃ ପ୍ରେରଣାୟ ଚ ।ବ୍ୟାପିନେ ସର୍ୱସତ୍ତ୍ୱାନାଂ ପୁରୁଷପ୍ରେରକାୟ ଚ ॥ 52 ॥ଇନ୍ଦ୍ରିୟାର୍ଥବିଶେଷାୟ ତଥା ନିୟମକାରିଣେ ।ଭୂତଭବ୍ୟାୟ ଶର୍ୱାୟ ନିତ୍ୟଂ ସତ୍ତ୍ୱବଦାୟ ଚ ॥ 53 ॥ତ୍ୱମେବ ସ୍ରଷ୍ଟା ଲୋକାନାଂ ମନ୍ତା ଦାତା ତଥା ବିଭୋ ।ଶରଣାଗତାୟ ଦାନ୍ତାୟ ପ୍ରସାଦଂ କର୍ତୁମର୍ହସି ॥ 54 ॥ତସ୍ୟୈବଂ ସ୍ତୁବତଃ ସମ୍ୟଗ୍ଭାବେନ ପରମେଣ ହ ।ସ ତସ୍ମୈ ଦେବଦେବେଶୋ ଦିବ୍ୟଂ ଚକ୍ଷୁରଦାତ୍ତଦା ॥ 55 ॥ଚକ୍ଷୁଷା ତେନ ସ ତଦା ବ୍ରହ୍ମା ଲୋକପିତାମହଃ ।ବିମାନେ ସୂର୍ୟସଙ୍କାଶେ ତେଜୋରାଶିମପଶ୍ୟତ ॥ 56 ॥ତସ୍ୟ ମଧ୍ୟାତ୍ତତୋ ବାଚଂ ମହତୀଂ ସମଶୃଣ୍ୱତ ।ଗମ୍ଭୀରାଂ ମଧୁରାଂ ଯୁକ୍ତାମଥ ସମ୍ପନ୍ନଲକ୍ଷଣାମ୍ ।ବିଶଦାଂ ପୁତ୍ର ପୁତ୍ରେତି ପୂର୍ୱଂ ଦେବେନ ଚୋଦିତାମ୍ ॥ 57 ॥ସଂସ୍ୱେଦାତ୍ପୁତ୍ର ଉତ୍ପନ୍ନୋ ଯତ୍ତୁଭ୍ୟଂ ନୀଲଲୋହିତଃ ।ଯଚ୍ଚ ପୂର୍ୱଂ ମୟା ପ୍ରୋକ୍ତସ୍ତ୍ୱଂ ତଦା ସୁତମାର୍ଗଣେ ॥ 58 ॥ମଦୀୟୋ ଗଣପୋ ଯସ୍ତେ ମନ୍ମୂର୍ତିଶ୍ଚ ଭବିଷ୍ୟତି ।ସ ପ୍ରାପ୍ୟ ପରମଂ ଜ୍ଞାନଂ ମୂଢ ତ୍ୱା ବିନୟିଷ୍ୟତି ॥ 59 ॥ତସ୍ୟେୟଂ ଫଲନିଷ୍ପତ୍ତିଃ ଶିରସଶ୍ଛେଦନଂ ତବ ।ମୟୈବ କାରିତା ତେନ ନିର୍ୱୃତଶ୍ଚାଧୁନା ଭବ ॥ 60 ॥ତସ୍ୟ ଚୈବୋତ୍ପଥସ୍ଥସ୍ୟ ଯଜ୍ଞସ୍ୟ ତୁ ମହାମତେ ।ଶିରଶ୍ଛେତ୍ସ୍ୟତ୍ୟସାବେବ କସ୍ମିଂଶ୍ଚିତ୍କାରଣାନ୍ତରେ ।ସ୍ତବେନାନେନ ତୁଷ୍ଟୋଽସ୍ମି କିଂ ଦଦାନି ଚ ତେଽନଘ ॥ 61 ॥
ବାୟୁରୁବାଚ ।ତତଃ ସ ଭଗବାନ୍ହୃଷ୍ଟଃ ପ୍ରଣମ୍ୟ ଶୁଭୟା ଗିରା ।ଉବାଚ ପ୍ରାଞ୍ଜଲିର୍ଭୂତ୍ୱା ଲକ୍ଷ୍ୟାଲକ୍ଷ୍ୟଂ ତମୀଶ୍ୱରମ୍ ॥ 62 ॥ଭଗବନ୍ନୈବ ମେ ଦୁଃଖଂ ଦର୍ଶନାତ୍ତେ ପ୍ରବାଧତେ ।ଇଚ୍ଛାମି ଶିରସୋ ହ୍ୟସ୍ୟ ଧାରଣଂ ସର୍ୱଦା ତ୍ୱୟା ।ନନୁ ସ୍ମରେୟମେତଚ୍ଚ ଶିରସଶ୍ଛେଦନଂ ବିଭୋ ॥ 63 ॥ଭୂୟଶ୍ଚାଧର୍ମକାର୍ୟେଭ୍ୟସ୍ତ୍ୱୟୈବେଚ୍ଛେ ନିବାରଣମ୍ ।ତଥା ଚ କୃତ୍ୟମୁଦ୍ଦିଶ୍ୟ ପଶ୍ୟେୟଂ ତ୍ୱା ଯଥାସୁଖମ୍ ॥ 64 ॥ବିଜ୍ଞପ୍ତିଂ ବ୍ରହ୍ମଣଃ ଶ୍ରୁତ୍ୱା ପ୍ରୋବାଚ ଭୁବନେଶ୍ୱରଃ ।ସ ଏବ ସୁତସଞ୍ଜ୍ଞସ୍ତେ ମନ୍ମୂର୍ତିର୍ନୀଲଲୋହିତଃ ।ଶିରଶ୍ଛେତ୍ସ୍ୟତି ଯଜ୍ଞସ୍ୟ ବିଭର୍ତ୍ସ୍ୟତି ଶିରଶ୍ଚ ତେ ॥ 65 ॥ଇତ୍ୟୁକ୍ତ୍ୱା ଦେବଦେବେଶସ୍ତତ୍ରୈବାନ୍ତରଧୀୟତ ।ଗତେ ତସ୍ମିନ୍ମହାଦେବେ ବ୍ରହ୍ମା ଲୋକପିତାମହଃ ।ସୟଜ୍ଞଃ ସହବେଦଶ୍ଚ ସ୍ୱଂ ଲୋକଂ ପ୍ରତ୍ୟପଦ୍ୟତ ॥ 66 ॥
ବାୟୁରୁବାଚ ।ଯ ଇମଂ ଶୃଣୁୟାନ୍ମର୍ତ୍ୟୋ ଗୁହ୍ୟଂ ବେଦାର୍ଥସମ୍ମିତମ୍ ।ସ ଦେହଭେଦମାସାଦ୍ୟ ସାୟୁଜ୍ୟଂ ବ୍ରହ୍ମଣୋ ବ୍ରଜେତ୍ ॥ 67 ॥ଯଶ୍ଚେମଂ ପଠତେ ନିତ୍ୟଂ ବ୍ରାହ୍ମଣାନାଂ ସମୀପତଃ ।ସ ସର୍ୱପାପନିର୍ମୁକ୍ତୋ ରୁଦ୍ରଲୋକେ ମହୀୟତେ ॥ 68 ॥ନାପୁତ୍ରଶିଷ୍ୟଯୋଗିଭ୍ୟ ଇଦମାଖ୍ୟାନମୈଶ୍ୱରମ୍ ।ଆଖ୍ୟେୟଂ ନାପି ଚାଜ୍ଞାୟ ନ ଶଠାୟ ନ ମାନିନେ ॥ 69 ॥ଇଦଂ ମହଦ୍ଦିବ୍ୟମଧର୍ମଶାସନଂ ପଠେତ୍ସଦା ବ୍ରାହ୍ମଣବୈଦ୍ୟସଂସଦି ।କୃତାବକାଶୋ ଭବତୀହ ମାନବଃ ଶରୀରଭେଦେ ପ୍ରବିଶେତ୍ପିତାମହମ୍ ॥ 70 ॥ଇତି ସ୍କନ୍ଦପୁରାଣେ ପଞ୍ଚମୋଽଧ୍ୟାୟଃ ॥ 05 ॥
Click Link 👇Next ଅଧ୍ୟାୟ
Comments
Post a Comment