ସ୍କନ୍ଦପୁରାଣ ଅଧ୍ୟାୟ ୬
ସ୍କନ୍ଦପୁରାଣ ଅଧ୍ୟାୟ ୬
ସନତ୍କୁମାର ଉବାଚ ।ତତଃ ସ ଭଗବାନ୍ଦେବଃ କପର୍ଦୀ ନୀଲଲୋହିତଃ ।ଆଜ୍ଞୟା ପରମେଶସ୍ୟ ଜଗ୍ରାହ ବ୍ରହ୍ମଣଃ ଶିରଃ ॥ 1 ॥ତଦ୍ଗୃହୀତ୍ୱା ଶିରୋ ଦୀପ୍ତଂ ରୂପଂ ବିକୃତମାସ୍ଥିତଃ ।ଯୋଗକ୍ରୀଡାଂ ସମାସ୍ଥାୟ ଭୈକ୍ଷାୟ ପ୍ରଚଚାର ହ ॥ 2 ॥ସ ଦେବବେଶ୍ମନି ତଦା ଭିକ୍ଷାର୍ଥମଗମଦ୍ଦ୍ୱିଜାଃ ।ନ ଚାସ୍ୟ କଶ୍ଚିତ୍ତାଂ ଭିକ୍ଷାମନୁରୂପାମଦାଦ୍ୱିଭୋଃ ॥ 3 ॥ଅଭ୍ୟଗାତ୍ସଙ୍କ୍ରମେଣୈବ ବେଶ୍ମ ବିଷ୍ଣୋର୍ମହାତ୍ମନଃ ।ତସ୍ୟାତିଷ୍ଠତ ସ ଦ୍ୱାରି ଭିକ୍ଷାମୁଚ୍ଚାରୟଞ୍ଛୁଭାମ୍ ॥ 4 ॥ସ ଦୃଷ୍ଟ୍ୱା ତଦୁପସ୍ଥଂ ତୁ ବିଷ୍ଣୁର୍ୱୈ ଯୋଗଚକ୍ଷୁଷା ।ଶିରାଂ ଲଲାଟାତ୍ସମ୍ଭିଦ୍ୟ ରକ୍ତଧାରାମପାତୟତ୍ ।ପପାତ ସା ଚ ବିସ୍ତୀର୍ଣା ଯୋଜନାର୍ଧଶତଂ ତଦା ॥ 5 ॥ତୟା ପତନ୍ତ୍ୟା ବିପ୍ରେନ୍ଦ୍ରା ବହୂନ୍ୟବ୍ଦାନି ଧାରୟା ।ପିତାମହକପାଲସ୍ୟ ନାର୍ଧମପ୍ୟଭିପୂରିତମ୍ ।ତମୁବାଚ ତତୋ ଦେବଃ ପ୍ରହସ୍ୟ ବଚନଂ ଶୁଭମ୍ ॥ 6 ॥ସକୃତ୍କନ୍ୟାଃ ପ୍ରଦୀୟନ୍ତେ ସକୃଦଗ୍ନିଶ୍ଚ ଜାୟତେ ।ସକୃଦ୍ରାଜାନୋ ବ୍ରୁବତେ ସକୃଦ୍ଭିକ୍ଷା ପ୍ରଦୀୟତେ ॥ 7 ॥ତୁଷ୍ଟୋଽସ୍ମି ତବ ଦାନେନ ଯୁକ୍ତେନାନେନ ମାନଦ ।ବରଂ ବରୟ ଭଦ୍ରଂ ତେ ବରଦୋଽସ୍ମି ତବାଦ୍ୟ ବୈ ॥ 8 ॥
ବିଷ୍ଣୁରୁବାଚ ।ଏଷ ଏବ ବରଃ ଶ୍ଲାଘ୍ୟୋ ଯଦହଂ ଦେବତାଧିପମ୍ ।ପଶ୍ୟାମି ଶଙ୍କରଂ ଦେବମୁଗ୍ରଂ ଶର୍ୱଂ କପର୍ଦିନମ୍ ॥ 9 ॥ଦେବଶ୍ଛାୟାଂ ତତୋ ବୀକ୍ଷ୍ୟ କପାଲସ୍ଥେ ତଦା ରସେ ।ସସର୍ଜ ପୁରୁଷଂ ଦୀପ୍ତଂ ବିଷ୍ଣୋଃ ସଦୃଶମୂର୍ଜିତମ୍ ॥ 10 ॥ତମାହାଥାକ୍ଷୟଶ୍ଚାସି ଅଜରାମର ଏବ ଚ ।ଯୁଦ୍ଧେଷୁ ଚାପ୍ରତିଦ୍ୱନ୍ଦ୍ୱୀ ସଖା ବିଷ୍ଣୋରନୁତ୍ତମଃ ।ଦେବକାର୍ୟକରଃ ଶ୍ରୀମାନ୍ସହାନେନ ଚରସ୍ୱ ଚ ॥ 11 ॥ନାରାସୁ ଜନ୍ମ ଯସ୍ମାତ୍ତେ ବିଷ୍ଣୁଦେହୋଦ୍ଭବାସୁ ଚ ।ନରସ୍ତସ୍ମାଦ୍ଧି ନାମ୍ନା ତ୍ୱଂ ପ୍ରିୟଶ୍ଚାସ୍ୟ ଭବିଷ୍ୟସି ॥ 12 ॥
ବାୟୁରୁବାଚ ।ତଂ ତଦାଶ୍ୱାସ୍ୟ ନିକ୍ଷିପ୍ୟ ନରଂ ବିଷ୍ଣୋଃ ସ୍ୱୟଂ ପ୍ରଭୁଃ ।ଅଗମଦ୍ବ୍ରହ୍ମସଦନଂ ତୌ ଚାବିବିଶତୁର୍ଗୃହମ୍ ॥ 13 ॥ଯ ଇଦଂ ନରଜନ୍ମେହ ଶୃଣୁୟାଦ୍ୱା ପଠେତ ବା ।ସ କୀର୍ତ୍ୟା ପରୟା ଯୁକ୍ତୋ ବିଷ୍ଣୁଲୋକେ ମହୀୟତେ ॥ 14 ॥ଇତି ସ୍କନ୍ଦପୁରାଣେ ଷଷ୍ଠୋଽଧ୍ୟାୟଃ ॥ 06 ॥
Click Link 👇Next ଅଧ୍ୟାୟ
Comments
Post a Comment