ସ୍କନ୍ଦପୁରାଣ ଅଧ୍ୟାୟ ୭
ସ୍କନ୍ଦପୁରାଣ ଅଧ୍ୟାୟ ୭
ବାୟୁରୁବାଚ ।
ବ୍ରହ୍ମଲୋକଂ ସମାସାଦ୍ୟ ଭଗବାନ୍ସର୍ୱଲୋକପଃ ।ଭୈକ୍ଷ୍ୟଂ ଭୈକ୍ଷ୍ୟମିତି ପ୍ରୋଚ୍ୟ ଦ୍ୱାରେ ସମବତିଷ୍ଠତ ॥ 1 ॥ତଂ ଦୃଷ୍ଟ୍ୱା ବିକୃତଂ ବ୍ରହ୍ମା କପାଲକରଭୂଷଣମ୍ ।ଜ୍ଞାତ୍ୱା ଯୋଗେନ ମହତା ତୁଷ୍ଟାବ ଭୁବନେଶ୍ୱରମ୍ ॥ 2 ॥ତସ୍ୟ ତୁଷ୍ଟସ୍ତଦା ଦେବୋ ବରଦୋଽସ୍ମୀତ୍ୟଭାଷତ ।ବୃଣୀଷ୍ୱ ବରମବ୍ୟଗ୍ରୋ ଯସ୍ତେ ମନସି ବର୍ତତେ ॥ 3 ॥ବ୍ରହ୍ମୋବାଚ ।ଇଚ୍ଛାମି ଦେବଦେବେଶ ତ୍ୱୟା ଚିହ୍ନମିଦଂ କୃତମ୍ ।ଯେନ ଚିହ୍ନେନ ଲୋକୋଽୟଂ ଚିହ୍ନିତଃ ସ୍ୟାଜ୍ଜଗତ୍ପତେ ॥ 4 ॥ତସ୍ୟ ତଦ୍ୱଚନଂ ଶ୍ରୁତ୍ୱା ଭଗବାନ୍ୱଦତାଂ ବରଃ ।ସର୍ୱଶ୍ରୁତିମୟଂ ବ୍ରହ୍ମ ଓମିତି ବ୍ୟାଜହାର ହ ॥ 5 ॥ଶମ୍ଭୋର୍ୱ୍ୟାହାରମାତ୍ରେଣ ବାଗିୟଂ ଦିବ୍ୟରୂପିଣୀ ।ନିଃସୃତା ବଦନାଦ୍ଦେବୀ ପ୍ରହ୍ୱା ସମବତିଷ୍ଠତ ॥ 6 ॥ତାମୁବାଚ ତଦା ଦେବୋ ବାଚା ସଞ୍ଜୀବୟନ୍ନିବ ।ଯସ୍ମାତ୍ତ୍ୱମକ୍ଷରୋ ଭୂତ୍ୱା ମମ ବାଚୋ ବିନିଃସୃତା ।ସର୍ୱବିଦ୍ୟାଧିଦେବୀ ତ୍ୱଂ ତସ୍ମାଦ୍ଦେବି ଭବିଷ୍ୟସି ॥ 7 ॥ଯସ୍ମାଦ୍ବ୍ରହ୍ମସରଶ୍ଚେଦଂ ମୁଖଂ ମମ ସମାଶ୍ରିତା ।ତସ୍ମାତ୍ସରସ୍ୱତୀତ୍ୟେବ ଲୋକେ ଖ୍ୟାତିଂ ଗମିଷ୍ୟସି ॥ 8 ॥ଇମଂ ଲୋକଂ ବରାମ୍ଭୋଭିଃ ପାବୟିତ୍ୱା ଚ ସୁପ୍ରଭେ ।ସର୍ୱା/ଲ୍ଲୋକାଂସ୍ତାରୟିତ୍ରୀ ପୁନସ୍ତ୍ୱଂ ନାତ୍ର ସଂଶୟଃ ॥ 9 ॥ଯଜ୍ଞଭାଗଂ ଚ ଦେବାସ୍ତେ ଦାସ୍ୟନ୍ତି ସପିତାମହାଃ ।ପୁଣ୍ୟା ଚ ସର୍ୱସରିତାଂ ଭବିଷ୍ୟସି ନ ସଂଶୟଃ ॥ 10 ॥ତତଃ ସା ସମନୁଜ୍ଞାତା ଶଙ୍କରେଣ ବିଭାବିନୀ ।ଚକ୍ରେ ବ୍ରହ୍ମସରଃ ପୁଣ୍ୟଂ ବ୍ରହ୍ମଲୋକେଽତିପାବନମ୍ ॥ 11 ॥ତୋୟାମୃତସୁସମ୍ପୂର୍ଣଂ ସ୍ୱର୍ଣପଦ୍ମୋପଶୋଭିତମ୍ ।ନାନାପକ୍ଷିଗଣାକୀର୍ଣଂ ମୀନସଙ୍କ୍ଷୋଭିତୋଦକମ୍ ।ତତୋ ବିନିଃସୃତା ଭୂୟଃ ସେମଂ ଲୋକମପାବୟତ୍ ॥ 12 ॥ତଂ ଗୃହୀତ୍ୱା ମହାଦେବଃ କପାଲମମିତୌଜସମ୍ ।ଇମଂ ଲୋକମନୁପ୍ରାପ୍ୟ ଦେଶେ ଶ୍ରେଷ୍ଠେଽବତିଷ୍ଠତ ॥ 13 ॥ତତ୍ର ତଚ୍ଚ ମହଦ୍ଦିବ୍ୟଂ କପାଲଂ ଦେବତାଧିପଃ ।ସ୍ଥାପୟାମାସ ଦୀପ୍ତାର୍ଚିର୍ଗଣାନାମଗ୍ରତଃ ପ୍ରଭୁଃ ॥ 14 ॥ତତ୍ସ୍ଥାପିତମଥୋ ଦୃଷ୍ଟ୍ୱା ଗଣାଃ ସର୍ୱେ ମହାତ୍ମନଃ ।ଅନଦନ୍ସୁମହାନାଦଂ ନାଦୟନ୍ତୋ ଦିଶୋ ଦଶ ।କ୍ଷୁବ୍ଧାର୍ଣବାଶନିପ୍ରଖ୍ୟଂ ନଭୋ ଯେନ ବ୍ୟଶୀର୍ୟତ ॥ 15 ॥ତେନ ଶବ୍ଦେନ ଘୋରେଣ ଅସୁରୋ ଦେବକଣ୍ଟକଃ ।ହାଲାହଲ ଇତି ଖ୍ୟାତସ୍ତଂ ଦେଶଂ ସୋଽଭ୍ୟଗଚ୍ଛତ ॥ 16 ॥ଅମୃଷ୍ୟମାଣଃ କ୍ରୋଧାନ୍ଧୋ ଦୁରାତ୍ମା ଯଜ୍ଞନାଶକଃ ।ବ୍ରହ୍ମଦତ୍ତବରଶ୍ଚୈବ ଅବଧ୍ୟଃ ସର୍ୱଜନ୍ତୁଭିଃ ।ମହିଷଶ୍ଛନ୍ନରୂପାଣାମସୁରାଣାଂ ଶତୈର୍ୱୃତଃ ॥ 17 ॥ତମାପତନ୍ତଂ ସକ୍ରୋଧଂ ମହିଷଂ ଦେବକଣ୍ଟକମ୍ ।ସମ୍ପ୍ରେକ୍ଷ୍ୟାହ ଗଣାଧ୍ୟକ୍ଷୋ ଗଣାନ୍ସର୍ୱାନ୍ପିନାକିନଃ ॥ 18 ॥ଦୈତ୍ୟୋଽୟଂ ଗଣପା ଦୁଷ୍ଟସ୍ତ୍ରୈଲୋକ୍ୟସୁରକଣ୍ଟକଃ ।ଆୟାତି ତ୍ୱରିତୋ ଯୂୟଂ ତସ୍ମାଦେନଂ ନିହନ୍ୟଥ ॥ 19 ॥ତତସ୍ତେ ଗଣପାଃ ସର୍ୱେ ସମାୟାନ୍ତଂ ସୁରଦ୍ୱିଷମ୍ ।ଭିତ୍ତ୍ୱା ଶୂଲେନ ସଙ୍କ୍ରୁଦ୍ଧା ବିଗତାସୁଂ ଚ ଚକ୍ରିରେ ॥ 20 ॥ହତେ ତସ୍ମିଂସ୍ତଦା ଦେବୋ ଦିଶଃ ସର୍ୱା ଅବୈକ୍ଷତ ।ତାଭ୍ୟଃ ପିଶାଚା ବୃତ୍ତାସ୍ୟାଃ ପିଶାଚ୍ୟଶ୍ଚ ମହାବଲାଃ ।ଅଭ୍ୟଗଚ୍ଛନ୍ତ ଦେବେଶଂ ତାଭ୍ୟସ୍ତଂ ବିନିବେଦୟତ୍ ॥ 21 ॥ସ ତାଭିରୁପୟୁକ୍ତଶ୍ଚ ବିନିୟୁକ୍ତଶ୍ଚ ସର୍ୱଶଃ ।ତମେବ ଚାପ୍ୟଥାବାସଂ ଦେବାଦିଷ୍ଟଂ ପ୍ରପେଦିରେ ॥ 22 ॥ଭକ୍ଷୟନ୍ତି ସ୍ମ ମହିଷଂ ମିତ୍ୱା ମିତ୍ୱା ଯତସ୍ତୁ ତାଃ ।କପାଲମାତରଃ ପ୍ରୋକ୍ତାସ୍ତସ୍ମାଦ୍ଦେବେନ ଧୀମତା ॥ 23 ॥କପାଲଂ ସ୍ଥାପିତଂ ଯସ୍ମାତ୍ତସ୍ମିନ୍ଦେଶେ ପିନାକିନା ।ମହାକପାଲଂ ତତ୍ତସ୍ମାତ୍ତ୍ରିଷୁ ଲୋକେଷୁ ଗଦ୍ୟତେ ॥ 24 ॥ସ୍ଥାପିତସ୍ୟ କପାଲସ୍ୟ ଯଥୋକ୍ତମଭବତ୍ତଦା ।ଖ୍ୟାତଂ ଶିବତଡାଗଂ ତତ୍ସର୍ୱପାପପ୍ରମୋଚନମ୍ ॥ 25 ॥ଆଗତ୍ୟାଥ ତତୋ ବ୍ରହ୍ମା ଦେବତାନାଂ ଗଣୈର୍ୱୃତଃ ।କପର୍ଦିନମୁପାମନ୍ତ୍ର୍ୟ ତଂ ଦେଶଂ ସୋଽନ୍ୱଗୃହ୍ଣତ ॥ 26 ॥ଅର୍ଧୟୋଜନବିସ୍ତୀର୍ଣଂ କ୍ଷେତ୍ରମେତତ୍ସମନ୍ତତଃ ।ଭବିଷ୍ୟତି ନ ସନ୍ଦେହଃ ସିଦ୍ଧକ୍ଷେତ୍ରଂ ମହାତ୍ମନଃ ॥ 27 ॥ଶ୍ମେତି ହି ପ୍ରୋଚ୍ୟତେ ପାପଂ କ୍ଷୟଂ ଶାନଂ ବିଦୁର୍ବୁଧାଃ ।ଧ୍ୟାନେନ ନିୟମୈଶ୍ଚୈବ ଶ୍ମଶାନଂ ତେନ ସଞ୍ଜ୍ଞିତମ୍ ।ଗୁହ୍ୟଂ ଦେବାତିଦେବସ୍ୟ ପରଂ ପ୍ରିୟମନୁତ୍ତମମ୍ ॥ 28 ॥ଏବଂ ତତ୍ର ନରଃ ପାପଂ ସର୍ୱମେବ ପ୍ରହାସ୍ୟତି ।ତ୍ରିରାତ୍ରୋପୋଷିତଶ୍ଚୈବ ଅର୍ଚୟିତ୍ୱା ବୃଷଧ୍ୱଜମ୍ ।ରାଜସୂୟାଶ୍ୱମେଧାଭ୍ୟାଂ ଫଲଂ ଯତ୍ତଦବାପ୍ସ୍ୟତି ॥ 29 ॥ଯଶ୍ଚ ପ୍ରାଣାନ୍ପ୍ରିୟାଂସ୍ତତ୍ର ପରିତ୍ୟକ୍ଷ୍ୟତି ମାନବଃ ।ସ ଗୁହ୍ୟଗଣଦେବାନାଂ ସମତାଂ ସମବାପ୍ସ୍ୟତି ॥ 30 ॥ବାୟୁରୁବାଚ ।ତତଃ ସ ତତ୍ର ସଂସ୍ଥାପ୍ୟ ଦେବସ୍ୟାର୍ଚାଦ୍ୱୟଂ ଶୁଭମ୍ ।ଶୂଲେଶ୍ୱରଂ ମହାକାୟଂ ରୁଦ୍ରସ୍ୟାୟତନଂ ଶୁଭମ୍ ॥ 31 ॥ତତ୍ରାଭିଗମନାଦେବ କୃତ୍ୱା ପାପସ୍ୟ ସଙ୍କ୍ଷୟମ୍ ।ରୁଦ୍ରଲୋକମବାପ୍ନୋତି ସ ପ୍ରାହୈବଂ ପିତାମହଃ ॥ 32 ॥ଯତ୍ର ଚାପି ଶିରସ୍ତସ୍ୟ ଚିଚ୍ଛେଦ ଭୁବନେଶ୍ୱରଃ ।କଶ୍ମୀରଃ ସୋଽଭବନ୍ନାମ୍ନା ଦେଶଃ ପୁଣ୍ୟତମଃ ସଦା ॥ 33 ॥ତତୋ ଦେବଃ ସହ ଗଣୈ ରୂପଂ ବିକୃତମାସ୍ଥିତଃ ।ପଶ୍ୟତାଂ ସର୍ୱଦେବାନାମନ୍ତର୍ଧାନମଗାତ୍ପ୍ରଭୁଃ ॥ 34 ॥ଗତେ ଚ ଦେବନାଥେଽଥ କପାଲସ୍ଥାନମବ୍ୟଯମ୍ ।ସର୍ୱତୀର୍ଥାଭିଷେକସ୍ୟ ଫଲେନ ସମୟୋଜୟତ୍ ॥ 35 ॥ତଦଦ୍ୟାପି ମହଦ୍ଦିବ୍ୟଂ ସରସ୍ତତ୍ର ପ୍ରଦୃଶ୍ୟତେ ।ମହାକପାଲଂ ବିପ୍ରେନ୍ଦ୍ରାଃ ସ୍ୱର୍ଗାସ୍ତତ୍ରାକ୍ଷୟାଃ ସ୍ମୃତାଃ ॥ 36 ॥
ଇଦଂ ଶୁଭଂ ଦିବ୍ୟମଧର୍ମନାଶନଂ ମହାଫଲଂ ସେନ୍ଦ୍ରସୁରାସୁରାର୍ଚିତମ୍ ।ମହାକପାଲଂ ପ୍ରକୃତୋପଦର୍ଶନଂ ସୁରେଶଲୋକାଦିବିଗାହନେ ହିତମ୍ ॥ 37 ॥ତପୋଧନୈଃ ସିଦ୍ଧଗଣୈଶ୍ଚ ସଂସ୍ତୁତଂ ଦିବିଷ୍ଠତୁଲ୍ୟଦ୍ୱିଜରାଜମଣ୍ଡଲେ ।ପଠେନ୍ନରୋ ଯଃ ଶୃଣୁୟାଚ୍ଚ ସର୍ୱଦା ତ୍ରିପିଷ୍ଟପଂ ଗଚ୍ଛତିସୋଽଭିନନ୍ଦିତଃ ॥ 38 ॥ଇତି ସ୍କନ୍ଦପୁରାଣେ ସପ୍ତମୋଽଧ୍ୟାୟଃ ॥ 07 ॥
Click Link 👇Next ଅଧ୍ୟାୟ
ସ୍କନ୍ଦପୁରାଣ Pdf 👇odia
https://archive.org/details/skanda-purana-utkala-khanda-/page/%E0%AD%A7%E0%AD%AC%E0%AD%A9/mode/1up
Comments
Post a Comment