ସ୍କନ୍ଦପୁରାଣ ଅଧ୍ୟାୟ ୧୧

 ସ୍କନ୍ଦପୁରାଣ ଅଧ୍ୟାୟ ୧୧

ସନତ୍କୁମାର ଉବାଚ ।

କଦାଚିତ୍ସ୍ୱଗୃହଂ ପ୍ରାପ୍ତଂ କଶ୍ୟପଂ ଦ୍ୱିପଦାଂ ବରମ୍ ।

ଅପୃଚ୍ଛଦ୍ଧିମବାନ୍ପ୍ରଶ୍ନଂ ଲୋକେ ଖ୍ୟାତିକରଂ ନୁ କିମ୍ ॥ 1 ॥

କେନାକ୍ଷୟାଶ୍ଚ ଲୋକାଃ ସ୍ୟୁଃ ଖ୍ୟାତିଶ୍ଚ ପରମା ମୁନେ ।

ତଥୈବ ଚାର୍ଚନୀୟତ୍ୱଂ ସତ୍ସୁ ତଂ କଥୟସ୍ୱ ମେ ॥ 2 ॥

କଶ୍ୟପ ଉବାଚ ।

ଅପତ୍ୟେନ ମହାବାହୋ ସର୍ୱମେତଦବାପ୍ୟତେ ।

ମମ ଖ୍ୟାତିରପତ୍ୟେନ ବ୍ରହ୍ମଣୋ ଋଷିଭିଶ୍ଚ ହ ॥ 3 ॥

କିଂ ନ ପଶ୍ୟସି ଶୈଲେନ୍ଦ୍ର ଯତୋ ମାଂ ପରିପୃଚ୍ଛସି ।

ବର୍ତୟିଷ୍ୟାମି ତଚ୍ଚାପି ଯନ୍ମେ ଦୃଷ୍ଟଂ ପୁରାଚଲ ॥ 4 ॥

ବାରାଣସୀମହଂ ଗଚ୍ଛନ୍ନପଶ୍ୟଂ ସଂସ୍ଥିତଂ ଦିବି ।

ବିମାନଂ ସ୍ୱନବଦ୍ଦିବ୍ୟମନୌପମ୍ୟମନିନ୍ଦିତମ୍ ॥ 5 ॥

ତସ୍ୟାଧସ୍ତାଦାର୍ତନାଦଂ ଗର୍ତାସ୍ଥାନେ ଶୃଣୋମ୍ୟହମ୍ ।

ତାନହଂ ତପସା ଜ୍ଞାତ୍ୱା ତତ୍ରୈବାନ୍ତର୍ହିତଃ ସ୍ଥିତଃ ॥ 6 ॥

ଅଥାଗାତ୍ତତ୍ର ଶୈଲେନ୍ଦ୍ର ବିପ୍ରୋ ନିୟମବାଞ୍ଛୁଚିଃ ।

ତୀର୍ଥାଭିଷେକପୂତାତ୍ମା ପରେ ତପସି ସଂସ୍ଥିତଃ ॥ 7 ॥

ଅଥ ସ ବ୍ରଜମାନସ୍ତୁ ବ୍ୟାଘ୍ରେଣାଭୀଷିତୋ ଦ୍ୱିଜଃ ।

ବିବେଶ ତଂ ତଦା ଦେଶଂ ସା ଗର୍ତା ଯତ୍ର ଭୂଧର ॥ 8 ॥

ଗର୍ତାୟାଂ ବୀରଣସ୍ତମ୍ବେ ଲମ୍ବମାନାଂସ୍ତଦା ମୁନୀନ୍ ।

ଅପଶ୍ୟଦାର୍ତୋ ଦୁଃଖାର୍ତାନପୃଚ୍ଛତ୍ତାଂଶ୍ଚ ସ ଦ୍ୱିଜଃ ॥ 9 ॥

କେ ଯୂୟଂ ବୀରଣସ୍ତମ୍ବେ ଲମ୍ବମାନା ହ୍ୟଧୋମୁଖାଃ ।

ଦୁଃଖିତାଃ କେନ ମୋକ୍ଷଶ୍ଚ ଯୁଷ୍ମାକଂ ଭବିତାନଘାଃ ॥ 10 ॥

ପିତର ଊଚୁଃ ।

ବୟଂ ତେଽକୃତପୁଣ୍ୟସ୍ୟ ପିତରଃ ସପିତାମହାଃ ।

ପ୍ରପିତାମହାଶ୍ଚ କ୍ଲିଶ୍ୟାମସ୍ତବ ଦୁଷ୍ଟେନ କର୍ମଣା ॥ 11 ॥

ନରକୋଽୟଂ ମହାଭାଗ ଗର୍ତାରୂପଂ ସମାସ୍ଥିତଃ ।

ତ୍ୱଂ ଚାପି ବୀରଣସ୍ତମ୍ବସ୍ତ୍ୱୟି ଲମ୍ବାମହେ ବୟମ୍ ॥ 12 ॥

ଯାବତ୍ତ୍ୱଂ ଜୀବସେ ବିପ୍ର ତାବଦେବ ବୟଂ ସ୍ଥିତାଃ ।

ମୃତେ ତ୍ୱୟି ଗମିଷ୍ୟାମୋ ନରକଂ ପାପଚେତସଃ ॥ 13 ॥

ଯଦି ତ୍ୱଂ ଦାରସଂୟୋଗଂ କୃତ୍ୱାପତ୍ୟଂ ଗୁଣୋତ୍ତରମ୍ ।

ଉତ୍ପାଦୟସି ତେନାସ୍ମାନ୍ମୁଚ୍ୟେମ ବୟମେକଶଃ ॥ 14 ॥

ନାନ୍ୟେନ ତପସା ପୁତ୍ର ନ ତୀର୍ଥାନାଂ ଫଲେନ ଚ ।

ତତ୍କୁରୁଷ୍ୱ ମହାବୁଦ୍ଧେ ତାରୟସ୍ୱ ପିତ୍।ର଼୍ନ୍ଭୟାତ୍ ॥ 15 ॥

ସ ତଥେତି ପ୍ରତିଜ୍ଞାୟ ଆରାଧ୍ୟ ଚ ବୃଷଧ୍ୱଜମ୍ ।

ପିତ୍।ର଼୍ନ୍ଗର୍ତାତ୍ସମୁଦ୍ଧୃତ୍ୟ ଗଣପାନ୍ପ୍ରଚକାର ହ ॥ 16 ॥

ସ୍ୱୟଂ ଚ ରୁଦ୍ରଦୟିତଃ ସୁକେଶୋ ନାମ ନାମତଃ ।

ସମ୍ମତୋ ବଲବାଂଶ୍ଚୈବ ରୁଦ୍ରସ୍ୟ ଗଣପୋଽଭବତ୍ ॥ 17 ॥

ତସ୍ମାତ୍କୃତ୍ୱା ତପୋ ଘୋରମପତ୍ୟଂ ଗୁଣବତ୍ତରମ୍ ।

ଉତ୍ପାଦୟସ୍ୱ ଶୈଲେନ୍ଦ୍ର ତତଃ କୀର୍ତିମବାପ୍ସ୍ୟସି ॥ 18 ॥

ସନତ୍କୁମାର ଉବାଚ ।

ସ ଏବମୁକ୍ତୋ ଋଷିଣା ଶୈଲେନ୍ଦ୍ରୋ ନିୟମେ ସ୍ଥିତଃ ।

ତପଶ୍ଚକାର ବିପୁଲଂ ଯେନ ବ୍ରହ୍ମା ତୁତୋଷ ହ ॥ 19 ॥

ତମାଗତ୍ୟ ତଦା ବ୍ରହ୍ମା ବରଦୋଽସ୍ମୀତ୍ୟଭାଷତ ।

ବ୍ରୂହି ତୁଷ୍ଟୋଽସ୍ମି ତେ ଶୈଲ ତପସାନେନ ସୁବ୍ରତ ॥ 20 ॥

ହିମବାନୁବାଚ ।

ଭଗବନ୍ପୁତ୍ରମିଚ୍ଛାମି ଗୁଣୈଃ ସର୍ୱୈରଲଙ୍କୃତମ୍ ।

ଏତଦ୍ୱରଂ ପ୍ରୟଚ୍ଛସ୍ୱ ଯଦି ତୁଷ୍ଟୋଽସି ନଃ ପ୍ରଭୋ ॥ 21 ॥

ବ୍ରହ୍ମୋବାଚ ।

କନ୍ୟା ଭବିତ୍ରୀ ଶୈଲେନ୍ଦ୍ର ସୁତା ତେ ବରବର୍ଣିନୀ ।

ଯସ୍ୟାଃ ପ୍ରଭାବାତ୍ସର୍ୱତ୍ର କୀର୍ତିମାପ୍ସ୍ୟସି ପୁଷ୍କଲାମ୍ ॥ 22 ॥

ଅର୍ଚିତଃ ସର୍ୱଦେବାନାଂ ତୀର୍ଥକୋଟୀସମାବୃତଃ ।

ପାବନଶ୍ଚୈବ ପୁଣ୍ୟଶ୍ଚ ଦେବାନାମପି ସର୍ୱତଃ ।

ଜ୍ୟେଷ୍ଠା ଚ ସା ଭବିତ୍ରୀ ତେ ଅନ୍ୟେ ଚାନୁ ତତଃ ଶୁଭେ ॥ 23 ॥

ସନତ୍କୁମାର ଉବାଚ ।

ଏବମୁକ୍ତ୍ୱା ତତୋ ବ୍ରହ୍ମା ତତ୍ରୈବାନ୍ତରଧୀୟତ ।

ସୋଽପି କାଲେନ ଶୈଲେନ୍ଦ୍ରୋ ମେନାୟାମୁପପାଦୟତ୍ ।

ଅପର୍ଣାମେକପର୍ଣାଂ ଚ ତଥା ଚାପ୍ୟେକପାଟଲାମ୍ ॥ 24 ॥

ନ୍ୟଗ୍ରୋଧମେକପର୍ଣା ତୁ ପାଟଲଂ ଚୈକପାଟଲା ।

ଆଶ୍ରିତେ ଦ୍ୱେ ଅପର୍ଣା ତୁ ଅନିକେତା ତପୋଽଚରତ୍ ।

ଶତଂ ବର୍ଷସହସ୍ରାଣାଂ ଦୁଶ୍ଚରଂ ଦେବଦାନବୈଃ ॥ 25 ॥

ଆହାରମେକପର୍ଣେନ ସୈକପର୍ଣା ସମାଚରତ୍ ।

ପାଟଲେନ ତଥୈକେନ ବିଦଧାତ୍ୟେକପାଟଲା ॥ 26 ॥

ପୂର୍ଣେ ପୂର୍ଣେ ସହସ୍ରେ ତୁ ଆହାରଂ ତେନ ଚକ୍ରତୁଃ ।

ଅପର୍ଣା ତୁ ନିରାହାରା ତାଂ ମାତା ପ୍ରତ୍ୟଭାଷତ ।

ନିଷେଧୟନ୍ତୀ ହ୍ୟୁ ମେତି ମାତୃସ୍ନେହେନ ଦୁଃଖିତା ॥ 27 ॥

ସା ତଥୋକ୍ତା ତଦା ମାତ୍ରା ଦେବୀ ଦୁଶ୍ଚରଚାରିଣୀ ।

ତେନୈବ ନାମ୍ନା ଲୋକେଷୁ ବିଖ୍ୟାତା ସୁରପୂଜିତା ॥ 28 ॥

ଏତତ୍ତତ୍ତ୍ରିକୁମାରୀଣାଂ ଜଗତ୍ସ୍ଥାବରଜଶ୍ଣ୍ଗମମ୍ ।

ଏତାସାଂ ତପସା ଲବ୍ଧଂ ଯାବଦ୍ଭୂମିର୍ଧରିଷ୍ୟତି ॥ 29 ॥

ତପଃଶରୀରାସ୍ତାଃ ସର୍ୱାସ୍ତିସ୍ରୋ ଯୋଗବଲାନ୍ୱିତାଃ ।

ସର୍ୱାଶ୍ଚୈବ ମହାଭାଗାଃ ସର୍ୱାଶ୍ଚ ସ୍ଥିରୟୌବନାଃ ॥ 30 ॥

ତା ଲୋକମାତରଶ୍ଚୈବ ବ୍ରହ୍ମଚାରିଣ୍ୟ ଏବ ଚ ।

ଅନୁଗୃହ୍ଣନ୍ତି ଲୋକାଂଶ୍ଚ ତପସା ସ୍ୱେନ ସର୍ୱଦା ॥ 31॥

ଉମା ତାସାଂ ବରିଷ୍ଠା ଚ ଶ୍ରେଷ୍ଠା ଚ ବରବର୍ଣିନୀ ।

ମହାୟୋଗବଲୋପେତା ମହାଦେବମୁପସ୍ଥିତା ॥ 32 ॥

ଦତ୍ତକଶ୍ଚୋଶନା ତସ୍ୟାଃ ପୁତ୍ରଃ ସ ଭୃଗୁନନ୍ଦନଃ ।

ଅସିତସ୍ୟୈକପର୍ଣା ତୁ ଦେବଲଂ ସୁଷୁବେ ସୁତମ୍ ॥ 33 ॥

ଯା ତୁ ତାସାଂ କୁମାରୀଣାଂ ତୃତୀୟା ହ୍ୟେକପାଟଲା ।

ପୁତ୍ରଂ ଶତଶଲାକସ୍ୟ ଜୈଗୀଷବ୍ୟମୁପସ୍ଥିତା ।

ତସ୍ୟାପି ଶଶ୍ଣ୍ଖଲିଖିତୌ ସ୍ମୃତୌ ପୁତ୍ରାବୟୋନିଜୌ ॥ 34 ॥

ଉମା ତୁ ଯା ମୟା ତୁଭ୍ୟଂ କୀର୍ତିତା ବରବର୍ଣିନୀ ।

ଅଥ ତସ୍ୟାସ୍ତପୋୟୋଗାତ୍ତ୍ରୈଲୋକ୍ୟମଖିଲଂ ତଦା ।

ପ୍ରଧୂପିତଂ ସମାଲକ୍ଷ୍ୟ ବ୍ରହ୍ମା ବଚନମବ୍ରବୀତ୍ ॥ 35 ॥

ବ୍ରହ୍ମୋବାଚ ।

ଦେବି କିଂ ତପସା ଲୋକାଂସ୍ତାପୟସ୍ୟତିଶୋଭନେ ।

ତ୍ୱୟା ସୃଷ୍ଟମିଦଂ ବିଶ୍ୱଂ ମା କୃତ୍ୱା ତଦ୍ୱିନାଶୟ ॥ 36 ॥

ତ୍ୱଂ ହି ଧାରୟସେ ଲୋକାନିମାନ୍ସର୍ୱାନ୍ସ୍ୱତେଜସା ।

ବ୍ରୂହି କିଂ ତେ ଜଗନ୍ମାତଃ ପ୍ରାର୍ଥିତଂ ସମ୍ପ୍ରସୀଦ ନଃ ॥ 37 ॥

ଦେବ୍ୟୁବାଚ ।

ଯଦର୍ଥଂ ତପସୋ ହ୍ୟସ୍ୟ ଚରଣଂ ମେ ପିତାମହ ।

ଜାନୀଷେ ତତ୍ତ୍ୱମେତନ୍ମେ ତତଃ ପୃଚ୍ଛସି କିଂ ପୁନଃ ॥ 38 ॥

ବ୍ରହ୍ମୋବାଚ ।

ଯଦର୍ଥଂ ଦେବି ତପସା ଶ୍ରାମ୍ୟସେ ଲୋକଭାବନି ।

ସ ତ୍ୱାଂ ସ୍ୱୟଂ ସମାଗମ୍ୟ ଇହୈବ ବରୟିଷ୍ୟତି ॥ 39 ॥

ସର୍ୱଦେବପତିଃ ଶ୍ରେଷ୍ଠଃ ସର୍ୱଲୋକେଶ୍ୱରେଶ୍ୱରଃ ।

ବୟଂ ସଦେବା ଯସ୍ୟେଶେ ବଶ୍ୟାଃ କିଙ୍କରବାଦିନଃ ॥ 40 ॥

ସ ଦେବଦେବଃ ପରମେଶ୍ୱରେଶ୍ୱରଃ ସ୍ୱୟଂ ତବାୟାସ୍ୟତି ଲୋକପୋଽନ୍ତିକମ୍ ।

ଉଦାରରୂପୋ ବିକୃତାଭିରୂପବାନ୍ସମାନରୂପୋ ନ ହି ଯସ୍ୟ କସ୍ୟଚିତ୍ ॥ 41 ॥

ମହେଶ୍ୱରଃ ପର୍ୱତଲୋକବାସୀ ଚରାଚରେଶଃ ପ୍ରଥମୋଽପ୍ରମେୟଃ ।

ବିନେନ୍ଦୁନା ଇନ୍ଦୁସମାନବକ୍ତ୍ରୋ ବିଭୀଷଣଂ ରୂପମିହାସ୍ଥିତୋଽଗ୍ରମ୍ ॥ 42 ॥

ଇତି ସ୍କନ୍ଦପୁରାଣେ ଏକାଦଶୋଽଧ୍ୟାୟଃ ॥ 11 ॥

Click Link 👇Next ଅଧ୍ୟାୟ

https://skand-puran.blogspot.com/2024/11/SkandPuranA012.html

ସ୍କନ୍ଦପୁରାଣ Pdf 👇 odia

https://archive.org/details/skanda-purana-utkala-khanda-/page/%E0%AD%A7%E0%AD%AC%E0%AD%A9/mode/1up