ସ୍କନ୍ଦପୁରାଣ ଅଧ୍ୟାୟ ୧୫
ସ୍କନ୍ଦପୁରାଣ ଅଧ୍ୟାୟ ୧୫
ସନତ୍କୁମାର ଉବାଚ ।ପ୍ରବିଷ୍ଟେ ଭବନଂ ଦେବେ ସୂପବିଷ୍ଟେ ବରାସନେ ।ସ ବହିର୍ମନ୍ମଥଃ କ୍ରୂରୋ ଦେବଂ ବେଦ୍ଧୁମନାଭବତ୍ ॥ତମନାଚାରସଂୟୁକ୍ତଂ ଦୁରାତ୍ମାନଂ କୁଲାଧମମ୍ ।ଲୋକାନ୍ସର୍ୱାଂସ୍ତାପୟାନଂ ସର୍ୱେଷ୍ୱକରୁଣାତ୍ମକମ୍ ॥ଋଷୀଣାଂ ବିଘ୍ନକର୍ତାରଂ ନିୟମାନାଂ ବ୍ରତୈଃ ସହ ।ଚକ୍ରାହ୍ୱୟସ୍ୟ ରୂପେଣ ରତ୍ୟା ସହ ତମାଗତମ୍ ॥ଅଥାତତାୟିନଂ ବ୍ୟାସ ବେଦ୍ଧୁକାମଂ ସୁରେଶ୍ୱରମ୍ ।ନୟନେନ ତୃତୀୟେନ ସାବଜ୍ଞଂ ତମବୈକ୍ଷତ ॥ତତୋଽସ୍ୟ ନେତ୍ରଜୋ ବହ୍ନିର୍ଜ୍ୱାଲାମାଲାସହସ୍ରବାନ୍ ।ସଂବୃତ୍ୟ ରତିଭର୍ତାରମଦହତ୍ସପରିଚ୍ଛଦମ୍ ॥ସ ଦହ୍ୟମାନଃ କରୁଣମାର୍ତୋଽକ୍ରୋଶତ ବିସ୍ୱରମ୍ ।ପ୍ରସାଦୟଂଶ୍ଚ ତଂ ଦେବଂ ପପାତ ସ ମହୀତଲେ ॥ଆଶୁ ସୋଽଗ୍ନିପରୀତାଶ୍ଣ୍ଗୋ ମନ୍ମଥୋ ଲୋକତାପନଃ ।ପପାତ ଭସ୍ମସାଚ୍ଚୈବ କ୍ଷଣେନ ସମପଦ୍ୟତ ॥ପତ୍ନୀ ତୁ କରୁଣଂ ତସ୍ୟ ବିଲଲାପ ସୁଦୁଃଖିତା ।ଦେବଂ ଦେବୀଂ ଚ ଦୁଃଖାର୍ତା ଅୟାଚତ୍କରୁଣାୟତୀ ॥ତସ୍ୟାଶ୍ଚ କରୁଣାଂ ଶ୍ରୁତ୍ୱା ଦେବୌ ତୌ କରୁଣାତ୍ମକୌ ।ଊଚତୁସ୍ତାଂ ସମାଲୋକ୍ୟ ସମାଶ୍ୱାସ୍ୟ ଚ ଦୁଃଖିତାମ୍ ॥ଦଗ୍ଧ ଏଷ ଧ୍ରୁବଂ ଭଦ୍ରେ ନାସ୍ୟୋତ୍ପତ୍ତିରିହେଷ୍ୟତେ ।ଅଶରୀରୋଽପି ତେ କାଲେ କାର୍ୟଂ ସର୍ୱଂ କରିଷ୍ୟତି ॥ଯଦା ତୁ ବିଷ୍ଣୁର୍ଭବିତା ବସୁଦେବସୁତଃ ଶୁଭେ ।ତଦା ତସ୍ୟ ସୁତୋଽୟଂ ସ୍ୟାତ୍ପତିସ୍ତେ ସ ଭବିଷ୍ୟତି ॥ସନତ୍କୁମାର ଉବାଚ ।ତତଃ ସା ତଂ ବରଂ ଲବ୍ଧ୍ୱା କାମପତ୍ନୀ ଶୁଭାନନା ।ଜଗାମେଷ୍ଟଂ ତଦା ଦେଶଂ ପ୍ରୀତିୟୁକ୍ତା ଗତକ୍ଲମା ॥ସନତ୍କୁମାର ଉବାଚ ।ଏବଂ ଦଗ୍ଧ୍ୱା ସ କାମଂ ତୁ ଶଙ୍କରୋ ମୂଢଚେତସମ୍ ।ପ୍ରୋବାଚ ହିମବତ୍ପୁତ୍ରୀଂ ଭକ୍ତ୍ୟା ମୁନିବରସ୍ୟ ହ ॥ବସିଷ୍ଠୋ ନାମ ବିପ୍ରେନ୍ଦ୍ରୋ ମାଂ କୃତ୍ୱା ହୃଦି ତପ୍ୟତେ ।ତସ୍ୟାହଂ ବରଦାନାୟ ପ୍ରୟାସ୍ୟାମି ମହାବ୍ରତେ ॥ଏବମୁକ୍ତ୍ୱା ସ ଦେବୀଂ ତୁ ଭକ୍ତିପ୍ରୀତ୍ୟା ତଦା ବିଭୁଃ ।ଜଗାମ ତପ୍ୟତୋଽଭ୍ୟାଶଂ ବସିଷ୍ଠସ୍ୟ ମୁନେର୍ୱିଭୁଃ ॥ତତୋ ମୁନିବରଶ୍ରେଷ୍ଠଂ ବରିଷ୍ଠଂ ତପତାଂ ବରମ୍ ।ବସିଷ୍ଠମୃଷିଶାର୍ଦୂଲଂ ତପ୍ୟମାନଂ ପରଂ ତପଃ ॥ପୂର୍ଣେ ବର୍ଷସହସ୍ରେ ତୁ ଜ୍ୱଲମାନମିବାନଲମ୍ ।ଉବାଚ ଭଗବାନ୍ଗତ୍ୱା ବ୍ରୂହି କିଂ ତେ ଦଦାନି ତେ ।ଦଦାମି ଦିବ୍ୟଂ ଚକ୍ଷୁସ୍ତେ ପଶ୍ୟ ମାଂ ସଗଣଂ ଦ୍ୱିଜ ॥ଦୃଷ୍ଟ୍ୱା ସ ତୁ ତମୀଶାନଂ ପ୍ରଣମ୍ୟ ଶିରସା ପ୍ରଭୁମ୍ ।ଶିରସ୍ୟଞ୍ଜଲିମାଧାୟ ତୁଷ୍ଟାବ ହୃଷିତାନନଃ ॥ବସିଷ୍ଠ ଉବାଚ ।ନମଃ କନକଲିଶ୍ଣ୍ଗାୟ ବେଦଲିଶ୍ଣ୍ଗାୟ ବୈ ନମଃ ।ନମଃ ସହସ୍ରଲିଶ୍ଣ୍ଗାୟ ବହ୍ନିଲିଶ୍ଣ୍ଗାୟ ବୈ ନମଃ ॥ନମଃ ପୁରାଣଲିଶ୍ଣ୍ଗାୟ ଶ୍ରୁତିଲିଶ୍ଣ୍ଗାୟ ବୈ ନମଃ ।ନମଃ ପବନଲିଶ୍ଣ୍ଗାୟ ବ୍ରହ୍ମଲିଶ୍ଣ୍ଗାୟ ବୈ ନମଃ ॥ନମସ୍ତ୍ରୈଲୋକ୍ୟଲିଶ୍ଣ୍ଗାୟ ଦାହଲିଶ୍ଣ୍ଗାୟ ବୈ ନମଃ ।ନମଃ ପର୍ୱତଲିଶ୍ଣ୍ଗାୟ ସ୍ଥିତିଲିଶ୍ଣ୍ଗାୟ ବୈ ନମଃ ॥ନମୋ ରହସ୍ୟଲିଶ୍ଣ୍ଗାୟ ସପ୍ତଦ୍ୱୀପୋର୍ଧ୍ୱଲିଶ୍ଣ୍ଗିନେ ।ନମଃ ସର୍ୱାର୍ଥଲିଶ୍ଣ୍ଗାୟ ସର୍ୱଲୋକାଶ୍ଣ୍ଗଲିଶ୍ଣ୍ଗିନେ ॥ନମୋଽସ୍ତ୍ୱବ୍ୟକ୍ତଲିଶ୍ଣ୍ଗାୟ ବୁଦ୍ଧିଲିଶ୍ଣ୍ଗାୟ ବୈ ନମଃ ।ନମୋଽହଙ୍କାରଲିଶ୍ଣ୍ଗାୟ ଭୂତଲିଶ୍ଣ୍ଗାୟ ବୈ ନମଃ ॥ନମ ଇନ୍ଦ୍ରିୟଲିଶ୍ଣ୍ଗାୟ ନମସ୍ତନ୍ମାତ୍ରଲିଶ୍ଣ୍ଗିନେ ।ନମଃ ପୁରୁଷଲିଶ୍ଣ୍ଗାୟ ଭାବଲିଶ୍ଣ୍ଗାୟ ବୈ ନମଃ ॥ନମଃ ସର୍ୱାର୍ଥଲିଶ୍ଣ୍ଗାୟ ତମୋଲିଶ୍ଣ୍ଗାୟ ବୈ ନମଃ ।ନମୋ ରଜୋର୍ଧ୍ୱଲିଶ୍ଣ୍ଗାୟ ସତ୍ତ୍ୱଲିଶ୍ଣ୍ଗାୟ ବୈ ନମଃ ॥ନମୋ ଗଗନଲିଶ୍ଣ୍ଗାୟ ତେଜୋଲିଶ୍ଣ୍ଗାୟ ବୈ ନମଃ ।ନମୋ ବାୟୂର୍ଧ୍ୱଲିଶ୍ଣ୍ଗାୟ ଶବ୍ଦଲିଶ୍ଣ୍ଗାୟ ବୈ ନମଃ ॥ନମୋ ଋକ୍ସ୍ତୁତଲିଶ୍ଣ୍ଗାୟ ଯଜୁର୍ଲିଶ୍ଣ୍ଗାୟ ବୈ ନମଃ ।ନମସ୍ତେଽଥର୍ୱଲିଶ୍ଣ୍ଗାୟ ସାମଲିଶ୍ଣ୍ଗାୟ ବୈ ନମଃ ॥ନମୋ ଯଜ୍ଞାଶ୍ଣ୍ଗଲିଶ୍ଣ୍ଗାୟ ଯଜ୍ଞଲିଶ୍ଣ୍ଗାୟ ବୈ ନମଃ ।ନମସ୍ତେଽନନ୍ତଲିଶ୍ଣ୍ଗାୟ ଦେବାନୁଗତଲିଶ୍ଣ୍ଗିନେ ॥ଦିଶ ନଃ ପରମଂ ଯୋଗମପତ୍ୟଂ ମତ୍ସମଂ ତଥା ।ବ୍ରହ୍ମ ଚୈବାକ୍ଷୟଂ ଦେବ ଶମଂ ଚୈବ ପରଂ ବିଭୋ ।ଅକ୍ଷୟତ୍ୱଂ ଚ ବଂଶସ୍ୟ ଧର୍ମେ ଚ ମତିମକ୍ଷୟାମ୍ ॥ସନତ୍କୁମାର ଉବାଚ ।ଏବଂ ସ ଭଗବାନ୍ୱ୍ୟାସ ବସିଷ୍ଠେନାମିତାତ୍ମନା ।ସ୍ତୂୟମାନସ୍ତୁତୋଷାଥ ତୁଷ୍ଟଶ୍ଚେଦଂ ତମବ୍ରବୀତ୍ ॥ଭଗବାନୁବାଚ ।ତୁଷ୍ଟସ୍ତେଽହଂ ଦଦାନ୍ୟେତତ୍ତବ ସର୍ୱଂ ମନୋଗତମ୍ ।ଯୋଗଂ ଚ ପରମଂ ସୂକ୍ଷ୍ମମକ୍ଷୟଂ ସର୍ୱକାମିକମ୍ ॥ପୌତ୍ରଂ ଚ ତ୍ୱତ୍ସମଂ ଦିବ୍ୟଂ ତପୋୟୋଗବଲାନ୍ୱିତମ୍ ।ଦଦାନି ତେ ଋଷିଶ୍ରେଷ୍ଠ ପ୍ରତିଭାସ୍ୟନ୍ତି ଚୈବ ତେ ॥ଦମଃ ଶମସ୍ତଥା କୀର୍ତିସ୍ତୁଷ୍ଟିରକ୍ରୋଧ ଏବ ଚ ।ନିତ୍ୟଂ ତବ ଭବିଷ୍ୟନ୍ତି ଅମରତ୍ୱଂ ଚ ସର୍ୱଶଃ ॥ଅବଧ୍ୟତ୍ୱମସହ୍ୟତ୍ୱମକ୍ଷୟତ୍ୱଂ ଚ ସର୍ୱଦା ।ବଂଶସ୍ୟ ଚାକ୍ଷତିର୍ୱିପ୍ର ଧର୍ମେ ଚ ରତିରବ୍ୟଯା ।ବ୍ରୂହି ଚାନ୍ୟାନପି ବରାନ୍ଦଦାମି ଋଷିସତ୍ତମ ॥ବସିଷ୍ଠ ଉବାଚ ।ଭଗବନ୍ୱିଦିତଂ ସର୍ୱଂ ଭବିଷ୍ୟଂ ଦେବସତ୍ତମ ।ନ ସ୍ୟାଦ୍ଧି ତତ୍ତଥା ଦେବ ଯଥା ବା ମନ୍ୟସେ ପ୍ରଭୋ ॥ଦେବ ଉବାଚ ।ଭବିଷ୍ୟଂ ନାନ୍ୟଥା କୁର୍ୟାଦିତି ମେ ନିଶ୍ଚିତା ମତିଃ ।ଅହଂ କର୍ତା ଭବିଷ୍ୟସ୍ୟ କଥଂ କୁର୍ୟାତ୍ତଦନ୍ୟଥା ॥ତଥା ତନ୍ନାତ୍ର ସନ୍ଦେହୋ ବିହିତଂ ଯଦ୍ୟଥା ମୟା ।ତସ୍ମାତ୍ତେଽନୁଗ୍ରହଂ କର୍ତା ଭୂୟଃ ପୁତ୍ରସ୍ତବାବ୍ୟଯଃ ॥ସନତ୍କୁମାର ଉବାଚ ।ଏବମୁକ୍ତ୍ୱା ତତୋ ଦେବଃ କପର୍ଦୀ ନୀଲଲୋହିତଃ ।ପଶ୍ୟତସ୍ତସ୍ୟ ବିପ୍ରର୍ଷେଃ କ୍ଷଣାଦନ୍ତରଧୀୟତ ॥ଇତି ସ୍କନ୍ଦପୁରାଣେ ପଞ୍ଚଦଶମୋଽଧ୍ୟାୟଃ ॥ 15 ॥
Click Link 👇Next ଅଧ୍ୟାୟ
ସ୍କନ୍ଦପୁରାଣ Pdf 👇
https://archive.org/details/skanda-purana-utkala-khanda-/page/%E0%AD%A7%E0%AD%AC%E0%AD%A9/mode/1up
Comments
Post a Comment