ସ୍କନ୍ଦପୁରାଣ ଅଧ୍ୟାୟ ୧୬
ସ୍କନ୍ଦପୁରାଣ ଅଧ୍ୟାୟ ୧୬
ବ୍ୟାସ ଉବାଚ ।ବରାନ୍ସ ଲବ୍ଧ୍ୱା ଭଗବାନ୍ୱସିଷ୍ଠୋଽସ୍ମତ୍ପିତାମହଃ ।କଂ ପୁତ୍ରଂ ଜନୟାମାସ ଆତ୍ମନଃ ସଦୃଶଦ୍ୟୁତିମ୍ ॥ସନତ୍କୁମାର ଉବାଚ ।ତେନାସୌ ବରଦାନେନ ଦେବଦେବସ୍ୟ ଶୂଲିନଃ ।ଅରୁନ୍ଧତ୍ୟାମଜନୟତ୍ତପୋୟୋଗବଲାନ୍ୱିତମ୍ ।ବ୍ରହ୍ମିଷ୍ଠଂ ଶକ୍ତିନାମାନଂ ପୁତ୍ରଂ ପୁତ୍ରଶତାଗ୍ରଜମ୍ ॥ତସ୍ୟ ବାଲ୍ୟାତ୍ପ୍ରଭୃତ୍ୟେବ ବାସିଷ୍ଠସ୍ୟ ମହାତ୍ମନଃ ।ପରେଣ ଚେତସା ଭକ୍ତିରଭବଦ୍ଗୋବୃଷଧ୍ୱଜେ ॥ସ କଦାଚିଦପତ୍ୟାର୍ଥମାରାଧୟଦୁମାପତିମ୍ ।ତସ୍ୟ ତୁଷ୍ଟୋ ମହାଦେବୋ ବରଦୋଽସ୍ମୀତ୍ୟଭାଷତ ॥ଅଥ ଦୃଷ୍ଟ୍ୱା ତମୀଶାନମିଦମାହାନତାନନଃ ।କେନ ସ୍ତୋଷ୍ୟାମି ତେ ଦେବ ଯସ୍ତ୍ୱଂ ସର୍ୱଜଗତ୍ପତିଃ ।ସର୍ୱାନ୍ଧାରୟସେ ଲୋକାନାତ୍ମନା ସମୟାଦ୍ୱିଭୋ ॥ତ୍ୱମେବ ଭୋକ୍ତା ଭୋଜ୍ୟଂ ଚ କର୍ତା କାର୍ୟଂ ତଥା କ୍ରିୟା ।ଉତ୍ପାଦକସ୍ତଥୋତ୍ପାଦ୍ୟ ଉତ୍ପତ୍ତିଶ୍ଚୈବ ସର୍ୱଶଃ ॥ଆତ୍ମାନଂ ପୁତ୍ରନାମାନଂ ମମ ତୁଲ୍ୟଂ ଗୁଣୈର୍ୱିଭୋ ।ଇଚ୍ଛାମି ଦତ୍ତଂ ଦେବେଶ ଏଷ ମେ ଦୀୟତାଂ ବରଃ ॥ସନତ୍କୁମାର ଉବାଚ ।ତମେବଂବାଦିନଂ ଦେବଃ ପ୍ରହସ୍ୟ ବଦତାଂ ବରଃ ।ଉବାଚ ବଚସା ବ୍ୟାସ ଦିଶଃ ସର୍ୱା ବିନାଦୟନ୍ ॥ତ୍ୱୟାହଂ ଯାଚିତଃ ଶକ୍ତେ ସ ଚ ତେ ସମ୍ଭବିଷ୍ୟତି ।ତ୍ୱତ୍ସମଃ ସର୍ୱବେଦଜ୍ଞସ୍ତ୍ୱଦୀୟୋ ମୁନିପୁଙ୍ଗବ ॥ବୀଜାତ୍ମା ଚ ତଥୋଦ୍ଭୂତଃ ସ୍ୱୟମେବାଶ୍ଣ୍କୁରାତ୍ମନା ।ବୀଜାତ୍ମନା ନ ଭବତି ପରିଣାମାନ୍ତରଂ ଗତଃ ॥ଏବଂ ସ ଆତ୍ମନାତ୍ମା ବଃ ସମ୍ଭୂତୋଽପତ୍ୟସଞ୍ଜ୍ଞିତଃ ।ସ୍ୱେନାତ୍ମନା ନ ଭବିତା ପରିଣାମାନ୍ତରଂ ଗତଃ ॥ସନତ୍କୁମାର ଉବାଚ ।ଏବମୁକ୍ତ୍ୱା ତୁ ତଂ ଦେବଃ ପ୍ରହସ୍ୟ ଚ ନିରୀକ୍ଷ୍ୟ ଚ ।ଜଗାମ ସହସା ଯୋଗୀ ଅଦୃଶ୍ୟତ୍ୱମତିଦ୍ୟୁତିଃ ॥ତସ୍ମିନ୍ଗତେ ମହାଦେବେ ଶକ୍ତିସ୍ତବ ପିତାମହଃ ।ବଚସ୍ତତ୍ପରିନିଶ୍ଚିନ୍ତ୍ୟ ଏବମେବେତ୍ୟମନ୍ୟତ ॥ଅଥ କାଲେଽତିମହତି ସମତୀତେ ଶୁଭବ୍ରତେ ।ତପସା ଭାବିତଶ୍ଚାପି ମହତାଗ୍ନିସମପ୍ରଭଃ ।ଅଦୃଶ୍ୟନ୍ତ୍ୟାଂ ମହାପ୍ରଜ୍ଞ ଆଦଧେ ଗର୍ଭମୁତ୍ତମମ୍ ॥ତସ୍ୟାମାପନ୍ନସତ୍ତ୍ୱାୟାଂ ରାଜା କଲ୍ମାଷପାଦୃଷିମ୍ ।ଭକ୍ଷୟାମାସ ସଂରବ୍ଧୋ ରକ୍ଷସା ହୃତଚେତନଃ ॥ଇତି ସ୍କନ୍ଦପୁରାଣେ ଷୋଡଶୋଽଧ୍ୟାୟଃ ॥ 16 ॥
Click Link 👇Next ଅଧ୍ୟାୟ
ସ୍କନ୍ଦପୁରାଣ Pdf 👇
https://archive.org/details/skanda-purana-utkala-khanda-/page/%E0%AD%A7%E0%AD%AC%E0%AD%A9/mode/1up
Comments
Post a Comment