ସ୍କନ୍ଦପୁରାଣ ଅଧ୍ୟାୟ ୧୭
ସ୍କନ୍ଦପୁରାଣ ଅଧ୍ୟାୟ ୧୭
ବ୍ୟାସ ଉବାଚ ।କସ୍ମାତ୍ସ ରାଜା ତମୃଷିଂ ଚଖାଦ ତପସାନ୍ୱିତମ୍ ।ରକ୍ଷସା ସ କିମର୍ଥଂ ଚ ହୃତଚେତାଭବନ୍ନୃପଃ ॥ସନତ୍କୁମାର ଉବାଚ ।ବସିଷ୍ଠୟାଜ୍ୟୋ ରାଜାସୀନ୍ନାମ୍ନା ମିତ୍ରସହଃ ପ୍ରଭୁଃ ।ସୁଦାସପୁତ୍ରୋ ବଲବାନିନ୍ଦ୍ରଚନ୍ଦ୍ରସମଦ୍ୟୁତିଃ ॥ତମାଗମ୍ୟୋଚିବାଞ୍ଛକ୍ତିଶ୍ଚରିଷ୍ୟେ ଦୀକ୍ଷିତୋ ବ୍ରତମ୍ ।ତତ୍ର ମେ ନିଶି ରାଜେନ୍ଦ୍ର ସଦୈବ ପିଶିତାଶନମ୍ ॥ଇହାଗତସ୍ୟ ଯଚ୍ଛସ୍ୱ ଶୁଚି ସର୍ୱଗୁଣାନ୍ୱିତମ୍ ।ଅପ୍ରତୀକାରସଂୟୁକ୍ତମେକଦୈକାନ୍ତ ଏବ ଚ ॥ଏବମସ୍ତ୍ୱିତି ତେନୋକ୍ତୋ ଜଗାମ ସ ମହାମନାଃ ।ଅଥାସ୍ୟାନ୍ତର୍ହିତଂ ରକ୍ଷୋ ନୃପତେରଭବତ୍ତଦା ।ନାଜ୍ଞାପୟତ୍ତଦା ସୂଦଂ ତସ୍ୟାର୍ଥେ ମୁନିସତ୍ତମ ॥ଗତେଽଥ ଦିବସେ ତାତ ସଂସ୍ମୃତ୍ୟ ପ୍ରୟତାତ୍ମବାନ୍ ।ସୂଦମାହୂୟ ଚୋବାଚ ଆର୍ତବତ୍ସ ନରାଧିପଃ ॥ସୌଦାସ ଉବାଚ ।ମୟାମୃତବସୋ ପ୍ରାତର୍ଗୁରୁପୁତ୍ରସ୍ୟ ଧୀମତଃ ।ପିଶିତଂ ସମ୍ପ୍ରତିଜ୍ଞାତଂ ଭୋଜନଂ ନିଶି ସଂସ୍କୃତମ୍ ।ତତ୍କୁରୁଷ୍ୱ ତଥା କ୍ଷିପ୍ରଂ କାଲୋ ନୋ ନାତ୍ୟଗାଦ୍ୟଥା ॥ସ ଏବମୁକ୍ତଃ ପ୍ରୋବାଚ ସୂଦୋଽମୃତବସୁସ୍ତଦା ।ରାଜଂସ୍ତ୍ୱୟା ନୋ ନାଖ୍ୟାତଂ ପ୍ରାଗେବ ନରପୁଙ୍ଗବ ।ସାମ୍ପ୍ରତଂ ନାସ୍ତି ପିଶିତଂ ସ୍ତୋକମପ୍ୟଭିକାଶ୍ଣ୍କ୍ଷିତମ୍ ॥ପିଶିତସ୍ୟୈବ ଚାଲ୍ପତ୍ୱାଦ୍ବହୂନାଂ ଚୈବ ତଦ୍ଭୁଜାମ୍ ।ଅମିତସ୍ୟ ପ୍ରଦାନାଚ୍ଚ ନ କିଞ୍ଚିଦବଶିଷ୍ୟତେ ॥ରାଜୋବାଚ ।ଜାନେ ସର୍ୱୋପୟୋଗଂ ଚ ଜାନେ ଚାଦୁଷ୍ଟତାଂ ତବ ।ଜାନେ ସ୍ତୋକଂ ଚ ପିଶିତଂ କାର୍ୟଂ ଚେଦଂ ତଥାବିଧମ୍ ।ମୃଗ୍ୟତାଂ ପିଶିତଂ କ୍ଷିପ୍ରଂ ଲବ୍ଧବ୍ୟଂ ଯତ୍ର ମନ୍ୟସେ ॥ସନତ୍କୁମାର ଉବାଚ ।ଏବମୁକ୍ତୋଽମୃତବସୁଃ ପ୍ରୟତ୍ନଂ ମହଦାସ୍ଥିତଃ ।ପିଶିତଂ ମୃଗୟନ୍ସମ୍ୟଶ୍ଣ୍ନାପ୍ୟବିନ୍ଦତ କର୍ହିଚିତ୍ ॥ଯଦା ନ ଲବ୍ଧବାନ୍ମାଂସଂ ତଦୋବାଚ ନରାଧିପମ୍ ।ଗତ୍ୱା ନିଶି ମହାରାଜମିଦଂ ବଚନମର୍ଥବତ୍ ॥ରାଜନ୍ନ ପିଶିତଂ ତ୍ୱସ୍ତି ପୁରେଽସ୍ମିଞ୍ଛୁଚି କର୍ହିଚିତ୍ ।ମୃଗୟନ୍ପରିଖିନ୍ନୋଽସ୍ମି ଶାଧି କିଂ କରବାଣି ତେ ॥ସନତ୍କୁମାର ଉବାଚ ।ସ ଏବମୁକ୍ତଃ ସୂଦେନ ତସ୍ମିନ୍କାଲେ ନରାଧିପଃ ।ନୋବାଚ କିଞ୍ଚିତ୍ତଂ ସୂଦଂ ତୂଷ୍ଣୀମେବ ବଭୂବ ହ ॥ତଦନ୍ତରମଭିପ୍ରେକ୍ଷ୍ୟ ବିଶ୍ୱାମିତ୍ରସମୀରିତଃ ।ରାକ୍ଷସୋ ରୁଧିରୋ ନାମ ସଂବିବେଶ ନରାଧିପମ୍ ॥ରକ୍ଷସା ସ ତଦାବିଷ୍ଟୋ ରୁଧିରେଣ ଦୁରାତ୍ମନା ।ଉବାଚ ସୂଦଂ ଶନକୈଃ କର୍ଣମୂଲେ ମହାଦ୍ୟୁତିଃ ॥ଗଚ୍ଛ ଯତ୍କିଞ୍ଚିଦାନୀୟ ମାଂସଂ ମାନୁଷମନ୍ତତଃ ।ଗାର୍ଦଭଂ ବାପ୍ୟଥୌଷ୍ଟ୍ରଂ ବା ସର୍ୱଂ ସଂସ୍କର୍ତୁମର୍ହସି ॥କିମସୌ ଜ୍ଞାସ୍ୟତେ ରାତ୍ରୌ ତ୍ୱୟା ଭୂୟଶ୍ଚ ସଂସ୍କୃତମ୍ ।ରସବଦ୍ଗନ୍ଧବଚ୍ଚୈବ କ୍ଷିପ୍ରମେବ ସମାଚର ॥ସନତ୍କୁମାର ଉବାଚ ।ସ ଏବମୁକ୍ତସ୍ତେନାଥ ମାନୁଷଂ ମାଂସମାଦଦେ ।ରାଜାପକାରିଣୋ ବ୍ୟାସ ମୃତୋତ୍ସୃଷ୍ଟସ୍ୟ କସ୍ୟଚିତ୍ ॥ଅଥାର୍ଧରାତ୍ରସମୟେ ଭାସ୍କରାକାରବର୍ଚସମ୍ ।ଶତାନଲସମପ୍ରଖ୍ୟମପଶ୍ୟନ୍ମୁନିସତ୍ତମମ୍ ॥ସ ତମର୍ଘ୍ୟେଣ ପାଦ୍ୟେନ ଆସନାଗ୍ର୍ୟବରେଣ ଚ ।ସମର୍ଚୟିତ୍ୱା ବିଧିବଦନ୍ନମସ୍ୟୋପପାଦୟତ୍ ॥ସ ତଦନ୍ନଂ ସମାନୀତଂ ସମାଲଭ୍ୟ ମହାତପାଃ ।ଚୁକୋପ କୁପିତଶ୍ଚାହ ପାର୍ଥିବଂ ପ୍ରଦହନ୍ନିବ ॥ଶକ୍ତିରୁବାଚ ।ପାର୍ଥିବାଧମ ବିପ୍ରାଣାଂ ଭୋଜନଂ ରାକ୍ଷସୋଚିତମ୍ ।ନ ଦୀୟତେ ବିଧିଜ୍ଞେନ ତ୍ୱଂ ତୁ ମାମବମନ୍ୟସେ ॥ଯସ୍ମାତ୍ତ୍ୱଂ ରାକ୍ଷସମିଦଂ ମହ୍ୟଂ ଦିତ୍ସସି ଭୋଜନମ୍ ।ତସ୍ମାତ୍ତ୍ୱଂ କର୍ମଣା ତେନ ପୁରୁଷାଦୋ ଭବିଷ୍ୟସି ॥ସନତ୍କୁମାର ଉବାଚ ।ଏବମୁକ୍ତସ୍ତୁ ତେଜସ୍ୱୀ ରାଜା ସଞ୍ଚିନ୍ତ୍ୟ ତତ୍ତଦା ।ଉବାଚ କ୍ରୋଧରକ୍ତାକ୍ଷୋ ରାକ୍ଷସାବିଷ୍ଟଚେତନଃ ॥ପୁରୁଷାଦୋ ଭବେତ୍ୟେବଂ ମାମବୋଚଦ୍ଭବାନ୍ୟତଃ ।ତତସ୍ତ୍ୱାଂ ଭକ୍ଷୟିଷ୍ୟାମି ଭ୍ରାତୃଭିଃ ସହିତଂ ଦ୍ୱିଜ ॥ଭକ୍ଷୟିତ୍ୱା ବିଶୁଦ୍ଧ୍ୟର୍ଥଂ ମୁକ୍ତଶାପସ୍ତତଃ ପରମ୍ ।ଚରିଷ୍ୟାମି ତପଃ ଶୁଦ୍ଧଂ ସଂୟମ୍ୟେନ୍ଦ୍ରିୟସଂହତିମ୍ ।ପିତ୍ରା ତବାଭ୍ୟନୁଜ୍ଞାତଃ ସ୍ୱର୍ଗେ ବତ୍ସ୍ୟେ ଯଥେପ୍ସିତମ୍ ॥ଇତି ସ୍କନ୍ଦପୁରାଣେ ସପ୍ତଦଶମୋଽଧ୍ୟାୟଃ ॥ 17 ॥
Click Link 👇Next ଅଧ୍ୟାୟ
ସ୍କନ୍ଦପୁରାଣ Pdf 👇
https://archive.org/details/skanda-purana-utkala-khanda-/page/%E0%AD%A7%E0%AD%AC%E0%AD%A9/mode/1up
Comments
Post a Comment