ସ୍କନ୍ଦପୁରାଣ ଅଧ୍ୟାୟ ୨୦
ସ୍କନ୍ଦପୁରାଣ ଅଧ୍ୟାୟ ୨୦
ବ୍ୟାସ ଉବାଚ ।ଉମାହରୌ ତୁ ଦେବେଶୌ ଚକ୍ରତୁର୍ୟଚ୍ଚ ସଙ୍ଗତୌ ।ତନ୍ମେ ସର୍ୱମଶେଷେଣ କଥୟସ୍ୱ ମହାମୁନେ ॥ସନତ୍କୁମାର ଉବାଚ ।ଉମାହରୌ ତୁ ସଙ୍ଗମ୍ୟ ପରସ୍ପରମନିନ୍ଦିତୌ ।ଶାଲଶ୍ଣ୍କସ୍ୟାନ୍ୱୟେ ବିପ୍ରଂ ଯୁୟୁଜାତେ ବରେଣ ହ ॥ସ ଚାପ୍ୟଯୋନିଜଃ ପୁତ୍ର ଆରାଧ୍ୟ ପରମେଶ୍ୱରମ୍ ।ରୁଦ୍ରେଣ ସମତାଂ ଲବ୍ଧ୍ୱା ମହାଗଣପତିର୍ବଭୌ ॥ବ୍ୟାସ ଉବାଚ ।କଥଂ ନନ୍ଦୀ ସମୁତ୍ପନ୍ନଃ କଥଂ ଚାରାଧ୍ୟ ଶଙ୍କରମ୍ ।ସମାନତ୍ୱମଗାଚ୍ଛମ୍ଭୋଃ ପ୍ରତୀହାରତ୍ୱମେବ ଚ ॥ସନତ୍କୁମାର ଉବାଚ ।ଅଭୂଦୃଷିଃ ସ ଧର୍ମାତ୍ମା ଶିଲାଦୋ ନାମ ବୀର୍ୟବାନ୍ ।ତସ୍ୟାଭୂଚ୍ଛିଲକୈର୍ୱୃତ୍ତିଃ ଶିଲାଦସ୍ତେନ ସୋଽଭବତ୍ ॥ଅପଶ୍ୟଲ୍ଲମ୍ବମାନାଂସ୍ତୁ ଗର୍ତାୟାଂ ସ ପିତ୍।ର଼୍ନ୍ଦ୍ୱିଜଃ ।ବିଚ୍ଛିନ୍ନସନ୍ତତୀନ୍ଘୋରଂ ନିରୟଂ ବୈ ପ୍ରପେତୁଷଃ ॥ତୈରୁକ୍ତୋଽପତ୍ୟକାମୈସ୍ତୁ ଦେବଂ ଲୋକେଶମବ୍ୟଯମ୍ ।ଆରାଧୟ ମହାଦେବଂ ସୁତାର୍ଥଂ ଦ୍ୱିଜସତ୍ତମ ॥ତସ୍ୟ ବର୍ଷସହସ୍ରେଣ ତପ୍ୟମାନସ୍ୟ ଶୂଲଧୃକ୍ ।ଶର୍ୱଃ ସୋମୋ ଗଣବୃତୋ ବରଦୋଽସ୍ମୀତ୍ୟଭାଷତ ॥ତଂ ଦୃଷ୍ଟ୍ୱା ସୋମମୀଶେଶଂ ପ୍ରଣତଃ ପାଦୟୋର୍ୱିଭୋଃ ।ହର୍ଷଗଦ୍ଗଦୟା ବାଚା ତୁଷ୍ଟାବ ବିବୁଧେଶ୍ୱରମ୍ ॥ନମଃ ପରମଦେବାୟ ମହେଶାୟ ମହାତ୍ମନେ ।ସ୍ରଷ୍ଟ୍ରେ ସର୍ୱସୁରେଶାନାଂ ବ୍ରହ୍ମଣଃ ପତୟେ ନମଃ ॥ନମଃ କାମାଶ୍ଣ୍ଗନାଶାୟ ଯୋଗସମ୍ଭବହେତବେ ।ନମଃ ପର୍ୱତବାସାୟ ଧ୍ୟାନଗମ୍ୟାୟ ବେଧସେ ॥ଋଷୀଣାଂ ପତୟେ ନିତ୍ୟଂ ଦେବାନାଂ ପତୟେ ନମଃ ।ବେଦାନାଂ ପତୟେ ଚୈବ ଯୋଗିନାଂ ପତୟେ ନମଃ ॥ପ୍ରଧାନାୟ ନମୋ ନିତ୍ୟଂ ତତ୍ତ୍ୱାୟାମରସଞ୍ଜ୍ଞିଣେ ।ବରଦାୟ ଚ ଭକ୍ତାନାଂ ନମଃ ସର୍ୱଗତାୟ ଚ ॥ତନ୍ମାତ୍ରେନ୍ଦ୍ରିୟଭୂତାନାଂ ବିକାରାଣାଂ ଗୁଣୈଃ ସହ ।ସ୍ରଷ୍ଟ୍ରେ ଚ ପତୟେ ଚୈବ ନମଶ୍ଚ ପ୍ରଭବିଷ୍ଣବେ ॥ଜଗତଃ ପତୟେ ଚୈବ ଜଗତ୍ସ୍ରଷ୍ଟ୍ରେ ନମଃ ସଦା ।ପ୍ରକୃତେଃ ପତୟେ ନିତ୍ୟଂ ପୁରୁଷାତ୍ପରଗାମିନେ ॥ଈଶ୍ୱରାୟ ନମୋ ନିତ୍ୟଂ ଯୋଗଗମ୍ୟାୟ ରଂହସେ ।ସଂସାରୋତ୍ପତ୍ତିନାଶାୟ ସର୍ୱକାମପ୍ରଦାୟ ଚ ॥ଶରଣ୍ୟାୟ ନମୋ ନିତ୍ୟଂ ନମୋ ଭସ୍ମାଶ୍ଣ୍ଗରାଗିଣେ ।ନମସ୍ତେଽୟୋଗ୍ରହସ୍ତାୟ ତେଜସାଂ ପତୟେ ନମଃ ॥ସୂର୍ୟାନିଲହୁତାଶାମ୍ବୁଚନ୍ଦ୍ରାକାଶଧରାୟ ଚ ।ସ୍ଥିତାୟ ସର୍ୱଦା ନିତ୍ୟଂ ନମସ୍ତ୍ରୈଲୋକବେଧସେ ॥ସ୍ତୋତବ୍ୟସ୍ୟ କୁତୋ ଦେବ ବିଶ୍ରାମସ୍ତବ ବିଦ୍ୟତେ ।ଯଦା ହେତୁସ୍ତ୍ୱମେବାସ୍ୟ ଜଗତଃ ସ୍ଥିତିନାଶୟୋଃ ॥ଅଶରଣ୍ୟସ୍ୟ ଦେବେଶ ତ୍ୱତ୍ତଶ୍ଚ ଶରଣାର୍ଥିନଃ ।ପ୍ରସାଦଂ ପରମାଲମ୍ବ୍ୟ ବରଦୋ ଭବ ବିଶ୍ୱକୃତ୍ ॥ସନତ୍କୁମାର ଉବାଚ ।ଯଃ ସ୍ତୋତ୍ରମେତଦଖିଲଂ ପଠତେ ଦ୍ୱିଜନ୍ମା ପ୍ରାତଃଶୁଚିର୍ନିୟମବାନ୍ପୁରତୋ ଦ୍ୱିଜାନାମ୍ ।ତଂ ବ୍ରହ୍ମରାକ୍ଷସନିଶାଚରଭୂତୟକ୍ଷା ହିଂସନ୍ତି ନୋଦ୍ୱିପଦପନ୍ନଗପୂତନାଶ୍ଚ ॥ତତଃ ସ ଭଗବାନ୍ଦେବଃ ସ୍ତୂୟମାନଃ ସହୋମୟା ।ଉବାଚ ବରଦୋଽସ୍ମୀତି ବ୍ରୂହି ଯତ୍ତେ ମନୋଗତମ୍ ॥ତମେବଂବାଦିନଂ ଦେବଂ ଶିଲାଦୋଽଭ୍ୟର୍ଚୟତ୍ତଦା ।ଉବାଚ ଚେଦଂ ଦେବେଶଂ ସ ବାଚା ସଜ୍ଜମାନୟା ॥ଭଗବନ୍ୟଦି ତୁଷ୍ଟୋଽସି ଯଦି ଦେୟୋ ବରଶ୍ଚ ମେ ।ଇଚ୍ଛାମ୍ୟାତ୍ମସମଂ ପୁତ୍ରଂ ମୃତ୍ୟୁହୀନମୟୋନିଜମ୍ ॥ଏବମୁକ୍ତସ୍ତତୋ ଦେବଃ ପ୍ରୀୟମାଣସ୍ତ୍ରିଲୋଚନଃ ।ଏବମସ୍ତ୍ୱିତି ତଂ ପ୍ରୋଚ୍ୟ ତତ୍ରୈବାନ୍ତରଧୀୟତ ॥ଗତେ ତସ୍ମିନ୍ମହେଷ୍ୱାସେ ଋଷିଃ ପରମପୂଜିତଃ ।ସ୍ୱମାଶ୍ରମମୁପାଗମ୍ୟ ଋଷିଭ୍ୟୋଽକଥୟତ୍ତତଃ ॥ତୈଃ ପ୍ରଶସ୍ତସ୍ତତଶ୍ଚୈବ କାଲେନ ମୁନିସତ୍ତମ ।ଯିୟକ୍ଷୁର୍ୟଜ୍ଞଭୂମିଂ ସ୍ୱାଂ ଲାଶ୍ଣ୍ଗଲେନ ଚକର୍ଷ ତାମ୍ ॥ତସ୍ୟାଂ ତୁ କୃଷ୍ୟମାଣାୟାଂ ସୀତାୟାଂ ତତ୍ସମୁତ୍ଥିତଃ ।ସଂବର୍ତକାନଲପ୍ରଖ୍ୟଃ କୁମାରଃ ପ୍ରତ୍ୟଦୃଶ୍ୟତ ॥ସ ତଂ ଦୃଷ୍ଟ୍ୱା ତଥୋଦ୍ଭୂତଂ କୁମାରଂ ଦୀପ୍ତତେଜସମ୍ ।ରାକ୍ଷସୋଽୟମିତି ଜ୍ଞାତ୍ୱା ଭୟାନ୍ନୋପସସାର ତମ୍ ॥କୁମାରୋଽପି ତଥୋଦ୍ଭୂତଃ ପିତରଂ ଦୀପ୍ତତେଜସମ୍ ।ଉପାସର୍ପତ ଦୀନାତ୍ମା ତାତ ତାତେତି ଚାବ୍ରବୀତ୍ ॥ସ ତାତେତ୍ୟୁଚ୍ୟମାନୋଽପି ଯଦା ତଂ ନାଭ୍ୟନନ୍ଦତ ।ତତୋ ବାୟୁସ୍ତମାକାଶେ ଶିଲାଦଂ ପ୍ରାହ ସୁସ୍ୱରମ୍ ॥ବାୟୁରୁବାଚ ।ଶାଲଶ୍ଣ୍କାୟନ ପୁତ୍ରସ୍ତେ ଯୋଽସୌ ଦେବେନ ଶମ୍ଭୁନା ।ଅୟୋନିଜଃ ପୁରା ଦତ୍ତଃ ସ ଏଷ ପ୍ରତିନନ୍ଦୟ ॥ଯସ୍ମାନ୍ନନ୍ଦୀକରସ୍ତେଽୟଂ ସଦୈବ ଦ୍ୱିଜସତ୍ତମ ।ତସ୍ମାନ୍ନନ୍ଦୀତି ନାମ୍ନାୟଂ ଭବିଷ୍ୟତି ସୁତସ୍ତବ ॥ସନତ୍କୁମାର ଉବାଚ ।ତତଃ ସ ବାୟୁବଚନାନ୍ନନ୍ଦିନଂ ପରିଷସ୍ୱଜେ ।ଗୃହୀତ୍ୱା ଚାଶ୍ରମଂ ସ୍ୱେନ ସୋଽନୟତ୍ତୁଷ୍ଟିବର୍ଧନମ୍ ।ଚୂଡୋପନୟନାଦୀନି କର୍ମାଣ୍ୟସ୍ୟ ଚକାର ସଃ ॥କୃତ୍ୱା ଚାଧ୍ୟାପୟାମାସ ବେଦାନ୍ସାଶ୍ଣ୍ଗାନଶେଷତଃ ।ଆୟୁର୍ୱେଦଂ ଧନୁର୍ୱେଦଂ ଗାନ୍ଧର୍ୱଂ ଶବ୍ଦଲକ୍ଷଣମ୍ ॥ହସ୍ତିନାଂ ଚରିତଂ ଯଚ୍ଚ ନରନାର୍ୟୋଶ୍ଚ ଲକ୍ଷଣମ୍ ।ଶିଲ୍ପାନି ଚୈବ ସର୍ୱାଣି ନିମିତ୍ତଜ୍ଞାନମେବ ଚ ॥ଭୂତଗ୍ରାମଚିକିତ୍ସାଂ ଚ ମାତ୍।ର଼୍ଣାଂ ଚରିତଂ ଚ ଯତ୍ ।ଭୁଜଙ୍ଗାନାଂ ଚ ସର୍ୱେଷାଂ ଯଚ୍ଚ କିଞ୍ଚିଦ୍ୱିଚେଷ୍ଟିତମ୍ ।ଅବ୍ଦୈରଧୀତବାନ୍ସର୍ୱଂ ବ୍ୟାସ ପଞ୍ଚଭିରେବ ଚ ॥ଦକ୍ଷଃ ଶୁଚିରଦୀନାତ୍ମା ପ୍ରିୟବାଗନସୂୟକଃ ।ସର୍ୱଲୋକପ୍ରିୟୋ ନିତ୍ୟଂ ମନୋନୟନନନ୍ଦନଃ ॥ତସ୍ୟାଥ ସପ୍ତମେ ବର୍ଷେ ଋଷୀ ଦିବ୍ୟୌ ତପୋଧନୌ ।ଆଶ୍ରମଂ ସମନୁପ୍ରାପ୍ତୌ ଶିଲାଦସ୍ୟ ମହୌଜସୌ ॥ତାବଭ୍ୟର୍ଚ୍ୟ ଯଥାନ୍ୟାୟଂ ଶିଲାଦଃ ସୁମହାତପାଃ ।ସୁଖାସୀନୌ ସମାଲକ୍ଷ୍ୟ ଆସନେ ପରମାର୍ଚିତୌ ॥ମିତ୍ରାବରୁଣନାମାନୌ ତପୋୟୋଗବଲାନ୍ୱିତୌ ।ଅଭିଜ୍ଞୌ ସର୍ୱଭୂତାନାଂ ତ୍ରୈଲୋକ୍ୟେ ସଚରାଚରେ ॥ତାଭ୍ୟାମନୁଜ୍ଞାତଶ୍ଚୈବ ନିଷସାଦ ବରାସନେ ।ଉପବିଷ୍ଟସ୍ତତଃ ପ୍ରୀତ ଇଷ୍ଟାଭିର୍ୱାଗ୍ଭିରସ୍ତୁବତ୍ ॥ତାଭ୍ୟାଂ ପୃଷ୍ଟଶ୍ଚ କଚ୍ଚିତ୍ତେ ପୁତ୍ରସ୍ତୁଷ୍ଟିପ୍ରଦଃ ଶୁଭଃ ।ସ୍ୱାଧ୍ୟାୟନିୟତଃ କଚ୍ଚିତ୍କଚ୍ଚିଦ୍ଧର୍ମସ୍ୟ ସନ୍ତତିଃ ॥କଚ୍ଚିନ୍ନ ବୃଦ୍ଧାନ୍ବାଲୋ ନ ଗୁରୂନ୍ୱାପ୍ୟବମନ୍ୟତେ ।କଚ୍ଚିନ୍ନିୟମବାଂଶ୍ଚୈବ କଚ୍ଚିତ୍ତୁଷ୍ଟିପ୍ରଦଃ ସତାମ୍ ॥ସ ଏବମୁକ୍ତସ୍ତେଜସ୍ୱୀ ଶିଲାଦଃ ପୁତ୍ରବତ୍ସଲଃ ।ଉବାଚ ଗୁଣବାନ୍ସମ୍ୟକ୍କୁଲବଂଶବିବର୍ଧନଃ ॥ତମାହୂୟ ସ ତୁଷ୍ଟ୍ୟା ତୁ ପୁତ୍ରଂ ନନ୍ଦିନମଚ୍ୟୁତମ୍ ।ତୟୋଃ ପାଦେଷୁ ଶିରସା ଅପାତୟତ ନନ୍ଦିନମ୍ ॥ତୌ ତୁ ତସ୍ୟାଶିଷଂ ଦେବୌ ପ୍ରୟୁଶ୍ଣ୍କ୍ତୋ ଧର୍ମନିତ୍ୟତାମ୍ ।ଗୁରୁଶୁଶ୍ରୂଷଣେ ଭାବଂ ଲୋକାଂଶ୍ଚୈବ ତଥାକ୍ଷୟାନ୍ ॥ସନତ୍କୁମାର ଉବାଚ ।ଶିଲାଦସ୍ତାମଥାଲକ୍ଷ୍ୟ ଆଶିଷଂ ଦେବୟୋସ୍ତଦା ।ବିସୃଜ୍ୟ ନନ୍ଦିନଂ ଭୀତଃ ସୋଽପୃଚ୍ଛଦୃଷିସତ୍ତମୌ ॥ଶିଲାଦ ଉବାଚ ।ଭଗବନ୍ତାବୃଷୀ ସତ୍ୟୌ ଗତିଜ୍ଞୌ ସର୍ୱଦେହିନାମ୍ ।କିମର୍ଥଂ ମମ ପୁତ୍ରସ୍ୟ ଦୀର୍ଘମାୟୁରୁଭାବପି ।ପ୍ରୟୁକ୍ତବନ୍ତୌ ସମ୍ୟକ୍ତୁ ନାଶିଷଂ ମୁନିସତ୍ତମୌ ॥ମିତ୍ରାବରୁଣାବୂଚତୁଃ ।ତବୈଷ ତନୟସ୍ତାତ ଅଲ୍ପାୟୁଃ ସର୍ୱସମ୍ମତଃ ।ଅତୋଽନ୍ୟଦ୍ୱର୍ଷମେକଂ ବୈ ଜୀବିତଂ ଧାରୟିଷ୍ୟତି ॥ସନତ୍କୁମାର ଉବାଚ ।ତତଃ ସ ଶୋକସନ୍ତପ୍ତୋ ନ୍ୟପତଦ୍ଭୁବି ଦୁଃଖିତଃ ।ବିସୃଜ୍ୟ ଋଷିଶାର୍ଦୂଲାବେକାକୀ ବିଲଲାପ ଚ ॥ତସ୍ୟ ଶୋକାଦ୍ୱିଲପତଃ ସ୍ୱରଂ ଶ୍ରୁତ୍ୱା ସୁତଃ ଶୁଭଃ ।ନନ୍ଦ୍ୟାଗାତ୍ତମଥାପଶ୍ୟତ୍ପିତରଂ ଦୁଃଖିତଂ ଭୃଶମ୍ ॥ନନ୍ଦ୍ୟୁବାଚ ।କେନ ତ୍ୱଂ ତାତ ଦୁଃଖେନ ଦୂୟମାନଃ ପ୍ରରୋଦିଷି ।ଦୁଃଖଂ ତେ କୁତ ଉଦ୍ଭୂତଂ ଜ୍ଞାତୁମିଚ୍ଛାମ୍ୟହଂ ପିତଃ ॥ଶିଲାଦ ଉବାଚ ।ପୁତ୍ର ତ୍ୱଂ କିଲ ବର୍ଷେଣ ଜୀବିତଂ ସମ୍ପ୍ରହାସ୍ୟସି ।ଊଚତୁସ୍ତାବୃଷୀତ୍ୟେବଂ ତତୋ ମାଂ କୃଚ୍ଛ୍ରମାବିଶତ୍ ॥ନନ୍ଦ୍ୟୁବାଚ ।ସତ୍ୟଂ ଦେବଋଷୀ ତାତ ନ ତାବନୃତମୂଚତୁଃ ।ତଥାପି ତୁ ନ ମୃତ୍ୟୁର୍ମେ ପ୍ରଭବିଷ୍ୟତି ମା ଶୁଚଃ ॥ଶିଲାଦ ଉବାଚ ।କିଂ ତପଃ କିଂ ପରିଜ୍ଞାନଂ କୋ ଯୋଗଃ କଃ ଶ୍ରମଶ୍ଚ ତେ ।ଯେନ ତ୍ୱଂ ମୃତ୍ୟୁମୁଦ୍ୟୁକ୍ତଂ ବଞ୍ଚୟିଷ୍ୟସି କଥ୍ୟତାମ୍ ॥ନନ୍ଦ୍ୟୁବାଚ ।ନ ତାତ ତପସା ମୃତ୍ୟୁଂ ବଞ୍ଚୟିଷ୍ୟେ ନ ବିଦ୍ୟଯା ।ମହାଦେବପ୍ରସାଦେନ ମୃତ୍ୟୁଂ ଜେଷ୍ୟାମି ନାନ୍ୟଥା ॥ଦ୍ରକ୍ଷ୍ୟାମି ଶଙ୍କରଂ ଦେବଂ ତତୋ ମୃତ୍ୟୁର୍ନ ମେ ଭବେତ୍ ।ନଷ୍ଟେ ମୃତ୍ୟୌ ତ୍ୱୟା ସାର୍ଧଂ ଚିରଂ ବତ୍ସ୍ୟାମି ନିର୍ୱୃତଃ ॥ଶିଲାଦ ଉବାଚ ।ମୟା ବର୍ଷସହସ୍ରେଣ ତପସ୍ତପ୍ତ୍ୱା ସୁଦୁଶ୍ଚରମ୍ ।ମହାଦେବଃ ପୁରା ଦୃଷ୍ଟୋ ଲବ୍ଧସ୍ତ୍ୱଂ ମେ ଯତଃ ସୁତଃ ॥ଭବାଂସ୍ତୁ ବର୍ଷେଣୈକେନ ତପସା ନାତିଭାବିତଃ ।କଥଂ ଦ୍ରଷ୍ଟା ମହାଦେବମେତଦିଚ୍ଛାମି ବେଦିତୁମ୍ ॥ନନ୍ଦ୍ୟୁବାଚ ।ନ ତାତ ତପସା ଦେବୋ ଦୃଶ୍ୟତେ ନ ଚ ବିଦ୍ୟଯା ।ଶୁଦ୍ଧେନ ମନସା ଭକ୍ତ୍ୟା ଦୃଶ୍ୟତେ ପରମେଶ୍ୱରଃ ॥ତ୍ୱୟା ବିସୃଷ୍ଟୋ ଗତ୍ୱାହମଚିରେଣ ତ୍ରିଲୋଚନମ୍ ।ଦ୍ରଷ୍ଟା ତାତ ନ ସନ୍ଦେହୋ ବିସୃଜାଶୁ ତତସ୍ତୁ ମାମ୍ ॥ତିଷ୍ଠନ୍ତଂ ମାଂ ଯମୋଽଭ୍ୟେତ୍ୟ ପଶ୍ୟତସ୍ତେଽଭିସମ୍ମତମ୍ ।ନ ହିଂସତି ତଥା ତସ୍ମାଦିତସ୍ତାତ ବ୍ରଜାମ୍ୟହମ୍ ॥ତିଷ୍ଠନ୍ତଂ ବା ଶୟାନଂ ବା ଧାବନ୍ତଂ ପତିତଂ ତଥା ।ନ ପ୍ରତୀକ୍ଷତି ବୈ ମୃତ୍ୟୁରିତି ବୁଦ୍ଧ୍ୱା ଶମଂ ବ୍ରଜ ॥ଅବତୀର୍ୟ ଜଲଂ ଦିବ୍ୟଂ ଭାବଂ ଶୁଦ୍ଧଂ ସମାସ୍ଥିତଃ ।ଅଭ୍ୟସ୍ୟ ରୌଦ୍ରମଧ୍ୟାୟଂ ତତୋ ଦ୍ରକ୍ଷ୍ୟାମି ଶଙ୍କରମ୍ ॥ଜପତଶ୍ଚାପି ଯୁକ୍ତସ୍ୟ ରୁଦ୍ରଭାବାର୍ପିତସ୍ୟ ଚ ।ନ ମୃତ୍ୟୁକାଲା ବହବଃ କରିଷ୍ୟନ୍ତି ମମ ବ୍ୟଥାମ୍ ॥ସନତ୍କୁମାର ଉବାଚ ।ତମେବଂବାଦିନଂ ମତ୍ୱା ବ୍ରୁବାଣଂ ଶୁଦ୍ଧୟା ଗିରା ।ବ୍ୟସର୍ଜୟଦଦୀନାତ୍ମା କୃଚ୍ଛ୍ରାତ୍ପୁତ୍ରଂ ମହାତପାଃ ॥ଅଭିବନ୍ଦ୍ୟ ପିତୁଃ ପାଦୌ ଶିରସା ସ ମହାୟଶାଃ ।ପ୍ରଦକ୍ଷିଣଂ ସମାବୃତ୍ୟ ସମ୍ପ୍ରତସ୍ଥେଽତିନିଶ୍ଚିତଃ ॥ଅଭିବାଦ୍ୟ ଋଷୀନ୍ସର୍ୱାନ୍ସ ଦିଦୃକ୍ଷୁରୁଦାରଧୀଃ ।ମୁନିଃ ସ ଦେବମଗମତ୍ପ୍ରଣତାର୍ତିହରଂ ହରମ୍ ॥ଇତି ସ୍କନ୍ଦପୁରାଣେ ବିଂଶତିତମୋଽଧ୍ୟାୟଃ ॥ 20॥
Click Link 👇Next ଅଧ୍ୟାୟ
Comments
Post a Comment