ସ୍କନ୍ଦପୁରାଣ ଅଧ୍ୟାୟ ୨୧
ସ୍କନ୍ଦପୁରାଣ ଅଧ୍ୟାୟ ୨୧
ସନତ୍କୁମାର ଉବାଚ ।ନିର୍ଗତୋଽଥ ତତୋ ନନ୍ଦୀ ଜଗାମ ସରିତାଂ ବରାମ୍ ।ଭୁବନାମିତି ବିଖ୍ୟାତାଂ ସର୍ୱଲୋକସୁଖାବହାମ୍ ॥ତାଂ ପ୍ରବିଶ୍ୟ ତତୋ ଧୀମାନେକାଗ୍ରୋ ହ୍ରଦମାସ୍ଥିତଃ ।ସ ଜଜାପ ତଦା ରୁଦ୍ରାନ୍ମୃତ୍ୟୋର୍ଭୀତଃ ସମାହିତଃ ॥ଜପତା ତେନ ତତ୍ରୈବ ତତ୍ପରେଣ ତଦାଶିଷା ।କୋଟିରେକା ଯଦା ଜପ୍ତା ତଦା ଦେବସ୍ତୁତୋଷ ହ ॥ତମାଗତ୍ୟାହ ଭଗବାଞ୍ଛର୍ୱ ଉଗ୍ରଃ କପର୍ଦିମାନ୍ ।ନନ୍ଦିଂସ୍ତୁଷ୍ଟୋଽସ୍ମି ଭଦ୍ରଂ ତେ ବରଂ ବୃଣୁ ଯଥେପ୍ସିତମ୍ ॥ଉବାଚ ପ୍ରଣତୋ ଭୂତ୍ୱା ପ୍ରଣତାର୍ତିହରଂ ହରମ୍ ।ଦ୍ୱିତୀୟାଂ ଜପ୍ତୁମିଚ୍ଛାମି କୋଟିଂ ଭଗବତାଂ ବିଭୋ ।ଏବମସ୍ତ୍ୱିତି ଦେବୋଽପି ପ୍ରୋଚ୍ୟାଗଚ୍ଛଦ୍ୟଥାଗତମ୍ ॥ସନତ୍କୁମାର ଉବାଚ ।ସୋଽବତୀର୍ୟ ତତୋ ଭୂୟଃ ପ୍ରୟତାତ୍ମା ତଥୈବ ହ ।ଜଜାପ କୋଟିମନ୍ୟାଂ ତୁ ରୁଦ୍ରମେବାନୁଚିନ୍ତୟନ୍ ॥ଦ୍ୱିତୀୟାୟାଂ ତତଃ କୋଟ୍ୟାଂ ସମ୍ପୂର୍ଣାୟାଂ ବୃଷଧ୍ୱଜଃ ।ଅଭ୍ୟାଜଗାମ ତଂ ଚୈବ ବରଦୋଽସ୍ମୀତ୍ୟଭାଷତ ॥ସ ପ୍ରାହ ଭଗବନ୍କୋଟିଂ ତୃତୀୟାମପି କାଲହନ୍ ।ଜପ୍ତୁମିଚ୍ଛାମି ଦେବେଶ ତ୍ୱତ୍ପ୍ରସାଦାଦହଂ ବିଭୋ ॥ଏବମସ୍ତ୍ୱିତି ଭୂୟୋଽପି ଭଗବାନ୍ପ୍ରତ୍ୟୁବାଚ ହ ।ଉକ୍ତ୍ୱା ଜଗାମ ସ୍ୱଂ ବେଶ୍ମ ଦେବ୍ୟା ସହ ମହାଦ୍ୟୁତିଃ ॥ତତସ୍ତୃତୀୟାଂ ରୁଦ୍ରାଣାଂ କୋଟିମନ୍ୟାଂ ଜଜାପ ହ ।ଯୁଗାନ୍ତାଦିତ୍ୟସଙ୍କାଶସ୍ତତଃ ସମଭବଦ୍ଦ୍ୱିଜଃ ॥ତସ୍ୟ କୋଟୀତ୍ରୟେ ବ୍ୟାସ ସମାପ୍ତେ ଜ୍ୱଲନତ୍ୱିଷଃ ।ସୋମଃ ସହ ଗଣୈର୍ଦେବସ୍ତଂ ଦେଶମୁପଚକ୍ରମେ ॥ସ ତଂ କରେଣ ସଙ୍ଗୃହ୍ୟ ଉଦ୍ଧୃତ୍ୟ ସଲିଲାଚ୍ଚ ହ ।ସମ୍ମୃଜାନୋଽଗ୍ରହସ୍ତେନ ନନ୍ଦିନଂ କାଲହାବ୍ରବୀତ୍ ॥ଦେବ ଉବାଚ ।ଶୈଲାଦେ ବରଦୋଽହଂ ତେ ତପସାନେନ ତୋଷିତଃ ।ସାଧୁ ଜପ୍ତଂ ତ୍ୱୟା ଧୀମନ୍ବ୍ରୂହି ଯତ୍ତେ ମନୋଗତମ୍ ॥ଶୈଲାଦିରୁବାଚ ।ଜପେୟଂ କୋଟିମନ୍ୟାଂ ତୁ ଭୂୟୋଽପି ତବ ତେଜସା ।ବରମେତଂ ବୃଣେ ଦେବ ଯଦି ତୁଷ୍ଟୋଽସି ମେ ବିଭୋ ॥ଭଗବାନୁବାଚ ।କିଂ ତେ ଜପ୍ତେନ ଭୂୟୋଽପି ତୁଷ୍ଟୋଽସ୍ମି ତବ ସର୍ୱଥା ।ଯଦ୍ୟତ୍ତ୍ୱଂ ବୃଣୁଷେ କାମଂ ସର୍ୱଂ ତତ୍ପ୍ରଦଦାନି ତେ ॥ବ୍ରହ୍ମତ୍ୱମଥ ବିଷ୍ଣୁତ୍ୱମିନ୍ଦ୍ରତ୍ୱମଥ ବାୟୁତାମ୍ ।ଆଦିତ୍ୟୋ ଭବ ରୁଦ୍ରୋ ବା ବ୍ରୂହି କିଂ ବା ଦଦାନି ତେ ॥ସନତ୍କୁମାର ଉବାଚ ।ସ ଏବମୁକ୍ତୋ ଦେବେନ ଶିରସା ପାଦୟୋର୍ନତଃ ।ତୁଷ୍ଟାବ ପୁରକାମାଶ୍ଣ୍ଗକ୍ରତୁପର୍ୱତନାଶନମ୍ ॥ନନ୍ଦ୍ୟୁବାଚ ।ନମୋ ଦେବାତିଦେବାୟ ମହାଦେବାୟ ବୈ ନମଃ ।ନମଃ କାମାଶ୍ଣ୍ଗନାଶାୟ ନୀଲକଣ୍ଠାୟ ବୈ ନମଃ ॥ନମସ୍ତୁଷିତନାଶାୟ ତ୍ରୈଲୋକ୍ୟଦହନାୟ ଚ ।ନମଃ କାଲୋଗ୍ରଦଣ୍ଡାୟ ଉଗ୍ରଦଣ୍ଡାୟ ବୈ ନମଃ ॥ନମୋ ନୀଲଶିଖଣ୍ଡାୟ ସହସ୍ରଶିରସେ ନମଃ ।ସହସ୍ରପାଣୟେ ଚୈବ ସହସ୍ରଚରଣାୟ ଚ ॥ସର୍ୱତଃପାଣିପାଦାୟ ସର୍ୱତୋକ୍ଷିମୁଖାୟ ଚ ।ସର୍ୱତଃଶ୍ରୁତୟେ ଚୈବ ସର୍ୱମାବୃତ୍ୟ ତିଷ୍ଠତେ ॥ନମସ୍ତେ ରୁକ୍ମବର୍ଣାୟ ତଥୈବାତୀନ୍ଦ୍ରିୟାୟ ଚ ।ନମଃ କନକଲିଶ୍ଣ୍ଗାୟ ସର୍ୱଲିଶ୍ଣ୍ଗାୟ ବୈ ନମଃ ॥ନମଶ୍ଚନ୍ଦ୍ରାର୍କବର୍ଣାୟ ଯୋଗେଶାୟାଜିତାୟ ଚ ।ପିନାକପାଣୟେ ଚୈବ ଶୂଲମୁଦ୍ଗରପାଣୟେ ॥ଗଦିନେ ଖଡ୍ଗିନେ ଚୈବ ପରଶ୍ୱଧଧରାୟ ଚ ।ରଥିନେ ବର୍ମିଣେ ଚୈବ ମହେଷ୍ୱାସାୟ ବୈ ନମଃ ॥ନମସ୍ତ୍ରିଶୂଲହସ୍ତାୟ ଉଗ୍ରଦଣ୍ଡଧରାୟ ଚ ।ନମୋ ଗଣାଧିପତୟେ ରୁଦ୍ରାଣାଂ ପତୟେ ନମଃ ॥ନମଃ ସହସ୍ରନେତ୍ରାୟ ଶତନେତ୍ରାୟ ବୈ ନମଃ ।ଆଦିତ୍ୟାନାଂ ଚ ପତୟେ ବସୂନାଂ ପତୟେ ନମଃ ॥ନମଃ ପୃଥିବ୍ୟାଃ ପତୟେ ଆକାଶପତୟେ ନମଃ ।ନମଃ ସ୍ୱର୍ଲୋକପତୟେ ଉମାୟାଃ ପତୟେ ନମଃ ॥ନମୋ ଯୋଗାଧିପତୟେ ସର୍ୱୟୋଗପ୍ରଦାୟ ଚ ।ଧ୍ୟାନିନେ ଧ୍ୟାୟମାନାୟ ଧ୍ୟାନିଭିଃ ସଂସ୍ତୁତାୟ ଚ ॥ମୃତ୍ୟବେ କାଲଦଣ୍ଡାୟ ଯମାୟ ଚ ମହାତ୍ମନେ ।ଦେବାଧିପତୟେ ଚୈବ ଦିବ୍ୟସଂହନନାୟ ଚ ॥ଯଜ୍ଞାୟ ବସୁଦାନାୟ ସ୍ୱର୍ଗାୟାଜନ୍ମଦାୟ ଚ ।ସବିତ୍ରେ ସର୍ୱଦେବାନାଂ ଧର୍ମାୟାନେକରୂପିଣେ ॥ଅମୃତାୟ ବରେଣ୍ୟାୟ ସର୍ୱଦେବସ୍ତୁତାୟ ଚ ।ବ୍ରହ୍ମଣଶ୍ଚ ଶିରୋହର୍ତ୍ରେ ଯଜ୍ଞସ୍ୟ ଚ ମହାତ୍ମନଃ ॥ତ୍ରିପୁରଘ୍ନାୟ ଚୋଗ୍ରାୟ ସର୍ୱାଶୁଭହରାୟ ଚ ।ଉମାଦେହାର୍ଧରୂପାୟ ଲଲାଟନୟନାୟ ଚ ॥ମହିଷାନ୍ଧକଭେତ୍ତାୟ ସ୍ରଷ୍ଟ୍ରେ ବୈ ପରମେଷ୍ଠିନେ ।ବ୍ରହ୍ମଣୋ ଗୁରବେ ଚୈବ ବ୍ରହ୍ମଣୋ ଜନକାୟ ଚ ॥କୁମାରଗୁରବେ ଚୈବ କୁମାରବରଦାୟ ଚ ।ହଲିନେ ମୁଷଲଘ୍ନାୟ ମହାହାସାୟ ବୈ ନମଃ ॥ମୃତ୍ୟୁପାଶୋଗ୍ରହସ୍ତାୟ ତକ୍ଷକବ୍ରହ୍ମସୂତ୍ରିଣେ ।ସବିଦ୍ୟୁଦ୍ଘନବାହାୟ ତଥୈବ ବୃଷୟାୟିନେ ॥ହିମବଦ୍ୱିନ୍ଧ୍ୟବାସାୟ ମେରୁପର୍ୱତବାସିନେ ।କୈଲାସବାସିନେ ଚୈବ ଧନେଶ୍ୱରସଖାୟ ଚ ॥ବିଷ୍ଣୋର୍ଦେହାର୍ଧଦତ୍ତାୟ ତସ୍ୟୈବ ବରଦାୟ ଚ ।ସର୍ୱଭୂତାସମଜ୍ଞାୟ ସର୍ୱଭୂତାନୁକମ୍ପିନେ ॥ଅନ୍ତର୍ଭୂତାଧିଭୂତାୟ ପ୍ରାଣିନାଂ ଜୀବଦାୟ ଚ ।ମନସେ ମନ୍ୟମାନାୟ ଅତିମାନାୟ ଚୈବ ହି ॥ବୁଧ୍ୟମାନାୟ ବୁଦ୍ଧାୟ ଦ୍ରଷ୍ଟ୍ରେ ବୈ ଚକ୍ଷୁଷେ ନମଃ ।ନମସ୍ତେ ସ୍ପର୍ଶୟିତ୍ରେ ଚ ତଥୈବ ସ୍ପର୍ଶନାୟ ଚ ॥ନମସ୍ତେ ରସୟିତ୍ରେ ଚ ତଥୈବ ରସନାୟ ଚ ।ନମୋ ଘ୍ରାଣାୟ ଘ୍ରାତ୍ରେ ଚ ଶ୍ରୋତ୍ରେ ଶ୍ରୋତ୍ରାୟ ଚୈବ ହି ।ହସ୍ତିନେ ଚୈବ ହସ୍ତାୟ ତଥା ପାଦାୟ ପାଦିନେ ॥ନମୋଽସ୍ତ୍ୱାନନ୍ଦକର୍ତ୍ରେ ଚ ଆନନ୍ଦାୟ ଚ ବୈ ନମଃ ।ବାଚେଽଥ ବାଗ୍ମିନେ ଚୈବ ତନ୍ମାତ୍ରାୟ ମହାତ୍ମନେ ॥ସୂକ୍ଷ୍ମାୟ ଚୈବ ସ୍ଥୂଲାୟ ସତ୍ତ୍ୱାୟ ରଜସେ ନମଃ ।ନମଶ୍ଚ ତମସେ ନିତ୍ୟଂ କ୍ଷେତ୍ରଜ୍ଞାୟାଜିତାୟ ଚ ॥ବିଷ୍ଣବେ ଲୋକତନ୍ତ୍ରାୟ ପ୍ରଜାନାଂ ପତୟେ ନମଃ ।ମନବେ ସପ୍ତଋଷୟେ ତପ୍ୟମାନାୟ ତାପିନେ ॥ବ୍ରହ୍ମଣ୍ୟାୟାଥ ଶୁଦ୍ଧାୟ ତଥା ଦୁର୍ୱାସସେ ନମଃ ।ଶିଲ୍ପିନେ ଶିଲ୍ପନାଥାୟ ବିଦୁଷେ ବିଶ୍ୱକର୍ମଣେ ॥ଅତ୍ରୟେ ଭୃଗବେ ଚୈବ ତଥୈବାଶ୍ଣ୍ଗିରସେ ନମଃ ।ପୁଲହାୟ ପୁଲସ୍ତ୍ୟାୟ କ୍ରତୁଦକ୍ଷାନଲାୟ ଚ ॥ଧର୍ମାୟ ରୁଚୟେ ଚୈବ ବସିଷ୍ଠାୟ ନମୋଽସ୍ତୁ ତେ ।ଭୂତାୟ ଭୂତନାଥାୟ କୁଷ୍ମାଣ୍ଡପତୟେ ନମଃ ॥ତିଷ୍ଠତେ ଦ୍ରବତେ ଚୈବ ଗାୟତେ ନୃତ୍ୟତେଽପି ଚ ।ଅବଶ୍ୟାୟାପ୍ୟବଧ୍ୟାୟ ଅଜରାୟାମରାୟ ଚ ॥ଅକ୍ଷୟାୟାବ୍ୟଯାୟୈବ ତଥାପ୍ରତିହତାୟ ଚ ।ଅନାବେଶ୍ୟାୟ ସର୍ୱେଷାଂ ଦୃଶ୍ୟାୟାଦୃଶ୍ୟରୂପିଣେ ॥ସୂକ୍ଷ୍ମେଭ୍ୟଶ୍ଚାପି ସୂକ୍ଷ୍ମାୟ ସର୍ୱଗାୟ ମହାତ୍ମନେ ।ନମସ୍ତେ ଭଗବଂସ୍ତ୍ର୍ୟକ୍ଷ ନମସ୍ତେ ଭଗବଞ୍ଛିବ ।ନମସ୍ତେ ସର୍ୱଲୋକେଶ ନମସ୍ତେ ଲୋକଭାବନ ॥ନ ମେ ଦେବାଧିପତ୍ୟେନ ବ୍ରହ୍ମତ୍ୱେନାଥବା ପୁନଃ ।ନ ବିଷ୍ଣୁତ୍ୱେନ ଦେବେଶ ନାପୀନ୍ଦ୍ରତ୍ୱେନ ଭୂତପ ।ଇଚ୍ଛାମ୍ୟହଂ ତବେଶାନ ଗଣତ୍ୱଂ ନିତ୍ୟମବ୍ୟଯମ୍ ॥ନିତ୍ୟଂ ତ୍ୱାଂ ସଗଣଂ ସାମ୍ବଂ ପ୍ରସନ୍ନଂ ସପରିଚ୍ଛଦମ୍ ।ଦ୍ରଷ୍ଟୁମିଚ୍ଛାମି ଦେବେଶ ଏଷ ମେ ଦୀୟତାଂ ବରଃ ॥ତ୍ୱଂ ନୋ ଗତିଃ ପୁରା ଦେବ ତ୍ୱଂ ଚୈବାର୍ତାୟନଂ ପ୍ରଭୁଃ ।ଶରଣଂ ଚ ତ୍ୱମେବାଥ ନାନ୍ୟଂ ପଶ୍ୟାମି କର୍ହିଚିତ୍ ॥ତ୍ୱୟା ତ୍ୟକ୍ତସ୍ୟ ଚୈବାଶୁ ବିନାଶୋ ନାତ୍ର ସଂଶୟଃ ।ଅନ୍ୟାଂ ଗତିଂ ନ ପଶ୍ୟାମି ଯସ୍ୟା ଆତ୍ୟନ୍ତିକଂ ଶୁଭମ୍ ॥ଅନୁରକ୍ତଂ ଚ ଭକ୍ତଂ ଚ ତ୍ୱତ୍ପରଂ ତ୍ୱଦପାଶ୍ରୟମ୍ ।ପ୍ରତୀଚ୍ଛ ମାଂ ସଦା ଦେବ ଏଷ ମେ ଦୀୟତାଂ ବରଃ ॥ସନତ୍କୁମାର ଉବାଚ ।ଯ ଇମଂ ପ୍ରାତରୁତ୍ଥାୟ ପଠେଦବିମନା ନରଃ ।ସ ଦେହଭେଦମାସାଦ୍ୟ ନନ୍ଦୀଶ୍ୱରସମୋ ଭବେତ୍ ॥ଯଶ୍ଚେମଂ ଶୃଣୁୟାନ୍ନିତ୍ୟଂ ଶ୍ରାବୟେଦ୍ୱା ଦ୍ୱିଜାତିଷୁ ।ସୋଽଶ୍ୱମେଧଫଲଂ ପ୍ରାପ୍ୟ ରୁଦ୍ରଲୋକେ ମହୀୟତେ ॥ଶ୍ରୁତ୍ୱା ସକୃଦପି ହ୍ୟେତଂ ସ୍ତବଂ ପାପପ୍ରଣାଶନମ୍ ।ଯତ୍ର ତତ୍ର ମୃତୋ ବ୍ୟାସ ନ ଦୁର୍ଗତିମବାପ୍ନୁୟାତ୍ ॥ଯୋଽଧୀତ୍ୟ ନିତ୍ୟଂ ସ୍ତବମେତମଗ୍ର୍ୟଂ ଦେବଂ ସଦାଭ୍ୟର୍ଚୟତେ ଯତାତ୍ମା ।କିଂ ତସ୍ୟ ଯଜ୍ଞୈର୍ୱିବିଧୈଶ୍ଚ ଦାନୈସ୍ତୀର୍ଥୈଃ ସୁତପ୍ତୈଶ୍ଚତଥା ତପୋଭିଃ ॥ଇତି ସ୍କନ୍ଦପୁରାଣ ଏକବିଂଶତିମୋଽଧ୍ୟାୟଃ ॥ 21॥
Click Link 👇Next ଅଧ୍ୟାୟ
Comments
Post a Comment