ସ୍କନ୍ଦପୁରାଣ ଅଧ୍ୟାୟ ୨୨
ସ୍କନ୍ଦପୁରାଣ ଅଧ୍ୟାୟ ୨୨
ସନତ୍କୁମାର ଉବାଚ ।ତତସ୍ତୁ ଦେବଦେବେଶୋ ଭକ୍ତ୍ୟା ପରମୟା ଯୁତମ୍ ।ଅଶ୍ରୁପୂର୍ଣେକ୍ଷଣଂ ଦୀନଂ ପାଦୟୋଃ ଶିରସା ନତମ୍ ॥କରାଭ୍ୟାଂ ସୁସୁଖାଭ୍ୟାଂ ତୁ ସଙ୍ଗୃହ୍ୟ ପରମାର୍ତିହା ।ଉତ୍ଥାପ୍ୟ ନୟନେ ସୋମଃ ଅଶ୍ରୁପୂର୍ଣେ ମମାର୍ଜ ହ ॥ଉବାଚ ଚୈନଂ ତୁଷ୍ଟାତ୍ମା ବଚସାପ୍ୟାୟଯନ୍ନିବ ।ନିରୀକ୍ଷ୍ୟ ଗଣପାନ୍ସର୍ୱାନ୍ଦେବ୍ୟା ସହ ତଦା ପ୍ରଭୁଃ ॥ଦେବ ଉବାଚ ।ଜାନେ ଭକ୍ତିଂ ତବ ମୟି ଜାନେ ଚାର୍ତିଂ ତବାନଘ ।ତସ୍ୟ ସର୍ୱସ୍ୟ ଶୈଲାଦେ ଉଦର୍କଂ ସଂନିଶାମୟ ॥ଅମରୋ ଜରୟା ତ୍ୟକ୍ତୋ ନିତ୍ୟଂ ଦୁଃଖବିବର୍ଜିତଃ ।ଅକ୍ଷୟଶ୍ଚାବ୍ୟଯଶ୍ଚୈବ ସପିତା ସସୁହୃଜ୍ଜନଃ ॥ମମେଷ୍ଟୋ ଗଣପଶ୍ଚୈବ ମଦ୍ୱୀର୍ୟୋ ମତ୍ପରାକ୍ରମଃ ।ଇଷ୍ଟୋ ମମ ସଦା ଚୈବ ମମ ପାର୍ଶ୍ୱଗତଃ ସଦା ।ମଦ୍ରୂପଶ୍ଚୈବ ଭବିତା ମହାୟୋଗବଲାନ୍ୱିତଃ ॥ଋଦ୍ଧିମଚ୍ଚୈବ ତେ ଦ୍ୱୀପଂ କ୍ଷୀରୋଦମମୃତାକରମ୍ ।ସଂବାସଂ ସମ୍ପ୍ରୟଚ୍ଛାମି ତତ୍ର ରଂସ୍ୟସି ସର୍ୱଦା ॥କୁଶେଶୟମୟୀଂ ମାଲାମବମୁଚ୍ୟାତ୍ମନସ୍ତତଃ ।ଆବବନ୍ଧ ମହାତେଜା ନନ୍ଦିନେ ଦିବ୍ୟରୂପିଣୀମ୍ ॥ସ ତୟା ମାଲୟା ନନ୍ଦୀ ବଭୌ କଣ୍ଠାବସକ୍ତୟା ।ତ୍ର୍ୟକ୍ଷୋ ଦଶଭୁଜଃ ଶ୍ରୀମାନ୍ଦ୍ୱିତୀୟ ଇବ ଶଙ୍କରଃ ॥ତତସ୍ତଂ ବୈ ସମାଦାୟ ହସ୍ତେନ ଭଗବାନ୍ହରଃ ।ଉବାଚ ବ୍ରୂହି କିଂ ତେଽଦ୍ୟ ଦଦାନି ବରମୁତ୍ତମମ୍ ॥ଆଶ୍ରମଶ୍ଚାୟମତ୍ୟର୍ଥଂ ତପସା ତବ ଭାବିତଃ ।ଜପ୍ୟେଶ୍ୱର ଇତି ଖ୍ୟାତୋ ମମ ଗୁହ୍ୟୋ ଭବିଷ୍ୟତି ॥ସମନ୍ତାଦ୍ୟୋଜନଂ କ୍ଷେତ୍ରଂ ଦିବ୍ୟଂ ଦେବଗଣୈର୍ୱୃତମ୍ ।ସିଦ୍ଧଚାରଣସଙ୍କୀର୍ଣମପ୍ସରୋଗଣସେବିତମ୍ ।ସିଦ୍ଧିକ୍ଷେତ୍ରଂ ପରଂ ଗୁହ୍ୟଂ ଭବିଷ୍ୟତି ନ ସଂଶୟଃ ॥କର୍ମଣା ମନସା ବାଚା ଯତ୍କିଞ୍ଚିତ୍କୁରୁତେ ନରଃ ।ଶୁଭଂ ବାପ୍ୟଶୁଭଂ ବାତ୍ର ସର୍ୱଂ ଭବିତୃ ତଚ୍ଛୁଭମ୍ ॥ଜାପ୍ୟଂ ମାନସଂ ତୁଲ୍ୟଂ ବୈ ରୁଦ୍ରାଣାଂ ତଦ୍ଭବିଷ୍ୟତି ।ଯତ୍ର ତତ୍ର ମୃତା ମର୍ତ୍ୟା ଯାସ୍ୟନ୍ତି ତବ ଲୋକତାମ୍ ॥ତତୋ ଜଟାସ୍ରୁତଂ ବାରି ଗୃହୀତ୍ୱା ହାରନିର୍ମଲମ୍ ।ଉକ୍ତ୍ୱା ନଦୀ ଭବସ୍ୱେତି ବିସସର୍ଜ ମହାତପାଃ ॥ସା ତତୋ ଦିବ୍ୟତୋୟା ଚ ପୁଣ୍ୟା ମଣିଜଲା ଶୁଭା ।ହଂସକାରଣ୍ଡବାକୀର୍ଣା ଚକ୍ରବାକୋପଶୋଭିତା ।ପଦ୍ମୋତ୍ପଲବନୋପେତା ପ୍ରାବର୍ତତ ମହାନଦୀ ॥ସ୍ତ୍ରୀରୂପଧାରିଣୀ ଚୈବ ପ୍ରାଞ୍ଜଲିଃ ଶିରସା ନତା ।ପଦ୍ମୋତ୍ପଲଦଲାଭାକ୍ଷୀ ମହାଦେବମୁପସ୍ଥିତା ॥ତାମୁବାଚ ତତୋ ଦେବୋ ନଦୀଂ ସ୍ୱୟମୁପସ୍ଥିତାମ୍ ।ଯସ୍ମାଜ୍ଜଟୋଦକାଦ୍ଦେବି ପ୍ରବୃତ୍ତା ତ୍ୱଂ ଶୁଭାନନେ ।ତସ୍ମାଜ୍ଜଟୋଦା ନାମ୍ନା ତ୍ୱଂ ଭବିଷ୍ୟସି ସରିଦ୍ୱରା ॥ତ୍ୱୟି ସ୍ନାନଂ ତୁ ଯଃ କୁର୍ୟାଚ୍ଛୁଚିଃ ପ୍ରୟତମାନସଃ ।ସୋଽଶ୍ୱମେଧଫଲଂ ପ୍ରାପ୍ୟ ରୁଦ୍ରଲୋକେ ମହୀୟତେ ॥ସନତ୍କୁମାର ଉବାଚ ।ତତୋ ଦେବ୍ୟା ମହାଦେବୋ ନନ୍ଦୀଶ୍ୱରମତିପ୍ରଭମ୍ ।ପୁତ୍ରସ୍ତେଽୟମିତି ପ୍ରୋଚ୍ୟ ପାଦୟୋସ୍ତଂ ବ୍ୟନାମୟତ୍ ॥ସା ତମାଘ୍ରାୟ ଶିରସି ପାଣିଭ୍ୟାଂ ପରିମାର୍ଜତୀ ।ପୁତ୍ରପ୍ରେମ୍ଣାଭ୍ୟଷିଞ୍ଚତ୍ତଂ ସ୍ରୋତୋଭିଃ ସ୍ତନଜୈସ୍ତ୍ରିଭିଃ ।ପୟସା ଶଶ୍ଣ୍ଖଗୌରେଣ ଦେବୀ ଦେବଂ ନିରୀକ୍ଷତୀ ॥ତାନି ସ୍ରୋତାଂସି ତ୍ରୀଣ୍ୟସ୍ୟାଃ ସ୍ରୁତାନ୍ୟୋଘବତୀ ନଦୀ ।ନଦୀଂ ତ୍ରିସ୍ରୋତସୀଂ ପୁଣ୍ୟାଂ ତତସ୍ତାମବଦଦ୍ଧରଃ ॥ତ୍ରିସ୍ରୋତସଂ ନଦୀଂ ଦୃଷ୍ଟ୍ୱା ବୃଷଃ ପରମହର୍ଷିତଃ ।ନନର୍ଦ ନାଦାତ୍ତସ୍ମାଚ୍ଚ ସରିଦନ୍ୟା ତତୋଽଭବତ୍ ॥ଯସ୍ମାଦ୍ୱୃଷଭନାଦେନ ପ୍ରବୃତ୍ତା ସା ମହାନଦୀ ।ତସ୍ମାଡ୍ଢିତ୍କିରିକାଂ ତାଂ ବୈ ଉବାଚ ବୃଷଭଧ୍ୱଜଃ ॥ଜାମ୍ବୂନଦମୟଂ ଚିତ୍ରଂ ସ୍ୱଂ ଦେବଃ ପରମାଦ୍ଭୁତମ୍ ।ମୁକୁଟଂ ଚାବବନ୍ଧାସ୍ମୈ କୁଣ୍ଡଲେ ଚାମୃତୋଦ୍ଭବେ ॥ତଂ ତଥାଭ୍ୟର୍ଚିତଂ ବ୍ୟୋମ୍ନି ଦୃଷ୍ଟ୍ୱା ମେଘଃ ପ୍ରଭାକରଃ ।ଦେବୋପବାହ୍ୟଃ ସିଷିଚେ ସନାଦଃ ସତଡିଦ୍ଗୁଣଃ ॥ତସ୍ୟାଭିଷିକ୍ତସ୍ୟ ତଦା ପ୍ରବୃତ୍ତେ ସ୍ରୋତସୀ ଭୃଶମ୍ ।ଯସ୍ମାତ୍ସୁବର୍ଣାନ୍ନିଃସୃତ୍ୟ ନଦ୍ୟେକା ସମ୍ପ୍ରବର୍ତତ ।ସ୍ୱର୍ଣୋଦକେତି ନାମ୍ନା ତାଂ ମହାଦେବୋଽଭ୍ୟଭାଷତ ॥ଜାମ୍ବୂନଦମୟାଦ୍ୟସ୍ମାଦ୍ଦ୍ୱିତୀୟା ମୁକୁଟାଚ୍ଛୁଭାତ୍ ।ପ୍ରାବର୍ତତ ନଦୀ ପୁଣ୍ୟା ଊଚୁର୍ଜମ୍ବୂନଦୀତି ତାମ୍ ॥ଏତତ୍ପଞ୍ଚନଦଂ ନାମ ଜପ୍ୟେଶ୍ୱରସମୀପଗମ୍ ।ବ୍ୟାଖ୍ୟାତଂ ଫଲମେତାସାଂ ଜଟୋଦାୟାଂ ମହାତ୍ମନା ॥ତଚ୍ଚ ପଞ୍ଚନଦଂ ଦିବ୍ୟଂ ଦେବଂ ଜପ୍ୟେଶ୍ୱରଂ ଚ ତମ୍ ।ତ୍ରିରାତ୍ରୋପୋଷିତୋ ଗତ୍ୱା ସ୍ନାତ୍ୱାଭ୍ୟର୍ଚ୍ୟ ଚ ଶୂଲିନମ୍ ॥ନନ୍ଦୀଶ୍ୱରସ୍ୟାନୁଚରଃ କ୍ଷୀରୋଦନିଲୟୋ ଭବେତ୍ ॥ଯସ୍ତୁ ଜପ୍ୟେଶ୍ୱରେ ପ୍ରାଣାନ୍ପରିତ୍ୟଜତି ଦୁସ୍ତ୍ୟଜାନ୍ ।ନିୟମେନାନ୍ୟଥା ବାପି ସ ମେ ଗଣପତିର୍ଭବେତ୍ ॥ନନ୍ଦୀଶ୍ୱରସମୋ ନିତ୍ୟଃ ଶାଶ୍ୱତଃ ଅକ୍ଷୟୋଽବ୍ୟଯଃ ।ମମ ପାର୍ଶ୍ୱାଦନପଗଃ ପ୍ରିୟଃ ସମ୍ମତ ଏବ ଚ ॥ଜପ୍ୟେଶ୍ୱରଂ ପଞ୍ଚନଦଂ ଚ ତଦ୍ୱୈ ଯୋ ମାନବୋଽଭ୍ୟେତ୍ୟ ଜହାତି ଦେହମ୍ ।ସ ମେ ସଦା ସ୍ୟାଦ୍ଗଣପୋ ବରିଷ୍ଠସ୍ତ୍ୱୟା ସମଃ କାନ୍ତିବପୁଶ୍ଚ ନିତ୍ୟମ୍ ॥ଇତି ସ୍କନ୍ଦପୁରାଣେ ଦ୍ୱାବିଂଶତିମୋଽଧ୍ୟାୟଃ ॥ 22 ॥
Comments
Post a Comment